39
Raziyənin çantasına basdı. - İndi gəl görək, çəkdiyimiz film
necə alınıb?!
Onlar bir ağacın altına çəkilib mobil telefondakı çəkilmiş
videoya baxdılar.
- Super!!! Yandın, sən, Vaqif müəllim! Bundan qurtuluşun
yoxdur. İndi əlimdən heç yana qaça bilməyəcəksən! Bu video
sənin
sonun olacaq, cənab Vaqif Məmmədov! Bu videoya görə
ayaqlarıma düşüb, yalvaracaqsan. Xalqın qadınlarına başqa
gözlə baxmağın bədəlini sənə ödətdirəcəyəm, binamus,
şərəfsiz! - İra qəzəbindən barmaqlarını ovcunun içində yumdu.
Bu zaman uzun dırnaqlar onun ətinə keçdi, ovcu qanla doldu.
- İra, bu ki şantajdır - Raziyə dilləndi.
- Bəs yüzlərlə qızları pul gücünə, qorxuzaraq altına salmağa
nə ad verirsən? - İra əsəbiləşdi. - Raziyə, bu işə sən qarışma.
Şərtləşdiyimiz kimi, bu iş mənlikdir.
- Yaxşı, İra, sən deyən olsun. Amma bu işdə çox ehtiyatlı
olmaq lazımdır. Şantajçı kimi səni ilişdirə bilərlər, elə hər
ikimizi. Özün də deyirsən ki, bunlar böyük bir mafiyadır. Hər
yerə əlləri çatır. - Raziyə rəfiqəsini bir daha xəbərdar etdi.
- Sən heç narahat olma. Bizim də özümüzə görə əlbəttə ki,
bildiklərimiz vardır. - İra özünəarxayınlıqla bildirdi.
Həmin axşam İra mobildəki videonu ayrı-ayrı bir neçə diskə
köçürdü. Ertəsi gün səhər işə gələn kimi, Baş redaktor hər
ikisini otağına çağırdı və əsəbi halda üzünü Raziyəyə tutub
soruşdu:
- Raziyə xanım, de görüm, sizə tapşırdığım yazını
hazırladınızmı?
- Xeyr, Aslan müəllim.
- Nə üçün?
- Vaqif müəllim yazını başqa bir münasib vaxta təxirə saldı.
Dedi ki, özü sizinlə bu barədə danışacaq. - Raziyə sakitcə
bildirdi.
40
- İradə xanım, bəs sizin orada nə işiniz vardı? Mən ki sizi
Vaqif müəllimin yanına göndərməmişdim. Məndən icazəsiz
niyə oraya getmisiniz?
- Aslan müəllim, düşündüm ki, Raziyə xanım bu işlərdə hələ
təzədir. Ona dəstək olmaq üçün mən də getdim. Məncə,
burada bir qəbahət yoxdur, həm də özünüz mənə
tapşırmışdınız ki, Raziyə xanım püxtələşənə qədər ona
köməklik göstərim. - İra qımışaraq cavab verdi.
- Yaxşı, yaxşı bəsdirin, görək! Daha özbaşına olmusunuz!
Deyin görüm, yazı da yazmamısınız, bəs orada nə iş
gördünüz? - Aslan bu dəfə sınayıcı nəzərlərlə qızları süzdü.
- Vaqif müəllim bizi zorla yeməyə dəvət etdi. Biz də onun
xahişini yerə salmadıq, necə də olsa, Vaqif müəllim sizin
dostunuz sayılır. - İra Raziyəyə danışmağa imkan verməyərək,
Baş redaktorun bu eyhamlı baxışlarına ibarəli tərzdə cavab
verdi.
- Bəs Vaqif müəllim bizə nəsə bir şey göndərmədi heç? - Baş
redaktor narahat halda yenidən soruşdu.
Bu dəfə Raziyə nəsə demək istəyirdi ki, İra yenə də ona
macal vermədi:
- Aslan müəllim, Vaqif müəllim dedi ki, o, sizinlə əlaqə
saxlayacaq.
- Yaxşı, çıxın bayıra, işinizlə məşğul olun! - Aslan əsəbi halda
dedi.
Onlar baş redaktorun otağından çıxandan sonra İra
Raziyəyə bildirdi ki, Vaqifin video məsələsini bir neçə günlüyə
təxirə salacaq. “Sənə də növbə çatacaq, Aslan müəllim.
Səndən də hesab sormanın zamanı gələcək,” deyə İra
düşündü. İra həmin axşamı xatırladıqca, Aslana qarşı nifrəti,
kini daha da artırdı. Aslan ilk işə başladığı günlərdə İradan da
istifadə etmişdi. Onu bir axşam bilərəkdən dostlarından birinin
qucağına atmışdı. Dostunun yanına yazı yazmaq adı ilə
getmiş, ancaq həmin axşam başına nələrin gəldiyini bir də
ayılandan sonra anlamışdı. O zaman İra düşünmüşdü ki, artıq
41
geriyə yol yoxdur. Həmin vaxtdan o da oyuna girmiş və onlarla
öz oyun qaydaları ilə oynamağa başlamışdı. Ancaq bu dəfə o,
Raziyəni bu iyrənc oyunların iştirakçısına çevirmək istəmirdi.
Çünki İra rəfiqəsinin Allah adamı olduğunu bilirdi. Hətta, bir
dəfə Raziyə ona Həcc ziyarətinə getmək arzusunda olduğunu
da söyləmişdi. O, bundan sonra çalışırdı ki, rəfiqəsi bu
əxlaqsızların girdabına düşməmiş, nəyin bahasına olursa-
olsun onu bu radaksiyadan uzaqlaşdırsın. İra bunu hələlik
Raziyəyə bildirmirdi...
Bir həftədən sonra İra diski də götürüb, Vaqif Məmmədovun
yanına getməyi qərara aldı. İlk öncə, o, telefon açdı və onunla
çox önəmli bir məsələ barədə görüşmək istədiyini bildirdi.
Vaqif İra ilə görüşə razı oldu. Onlar axşam yenidən bağ evində
görüşdülər. İra diski çantasından çıxararaq, ona verdi və
baxmasını rica etdi. Vaqif təəccüblə İraya baxdı:
- Bu nədir, İra? - deyə sordu.
- Əvvəlcə baxın, Vaqif müəllim, özünüz hər şeyi görəcəksiniz.
- İra gülümsədi. - Bu disk sizinçün çox vacibdir. Bu həyati bir
məsələdir.
Vaqif həyəcan içərisində əlindəki diski noutbukuna daxil
etdi. O özünü gördükdə, acıqla İradəyə dedi:
- Deməli, məni şantaj etmək üçün buraya gəlmisən?! Bu
nömrələr mənə keçməz, qızım. Sən ünvanı səhv salmısan. -
Vaqif gülərək özünü o yerə qoymaq istəmədi.
- Məncə, heç də ünvanı səhv salmamışam. Diskdəki adam
sizsiniz. Məgər özünüzü tanımadınızmı, Vaqif müəllim?
- Bu disk sənin əlində haradandır?! - Vaqif ucadan bağırdı. -
Bunu kim çəkib? Məqsədin nədir?
- Vaqif müəllim, bir sakit olun. Mən sizə kömək etmək üçün
buradayam. Bu disk başqalarının da əlinə keçə bilərdi. Amma
dostluğumuzun xatirinə, bu işdə mən sizə yardımçı olmaq
istədim.
Dostları ilə paylaş: |