48
pisliklərdən, xəta və bəlalardan hifz edər. Hacı Raziyə xanım
da belə mömin bəndələrdəndir.
24.04.2013
49
Qızıl külqabı
(hekayə)
A
li məktəbin birinci kursunda oxuyurdum. Tarix fənninin
ilk seminarında yaxşı cavab verdiyim üçün müəllim, tarix
elmləri doktoru, professor Tariyel Məmmədov məni sorğu-
suala tutdu:
- Oğlum, de ğörüm hardansan?
- Müəllim, Yardımlı rayonundanam.
- Hə, belə de... Yardımlılar mərd və cəsur olurlar. Oğlum, orta
məktəbdə tarix müəllimin kim olub?
- Vidadi müəllim.
- Oğlum, siz Yardımlının hansı kəndindənsiniz? Familiyan
mənə tanış gəlir.
- Alar kəndindən.
- Alardan?!
- Bəli.
- Alar kəndindən Fərrux Əsgərovu tanıyırsanmı?
- Tariyel müəllim, mən elə Fərruxun oğluyam.
- Necə?! De görüm atan necədir?
- Müəllim, atam altı ildir rəhmətə gedib.
- Allah rəhmət eləsin! Fərruxun ölümündən xəbərim olmayıb.
Təsadüfə bir bax, ha! Oğul, sənin atan mənim cəbhə yoldaşım
idi. Biz onunla dörd il bir rotada vuruşmuşduq. Fərrux çox
cəsur əsgər idi. Oğul, bundan sonra nə çətinliyin olsa,
çəkinmədən mənə müraciət edə bilərsən.
- Çox sağ ol, müəllim.
- Adil, dərsin qurtarandan sonra yanıma, kafedraya gələrsən.
- Yaxşı, gələrəm Tariyel müəllim.
50
Dərsdən sonra tarix kafedrasına getdim. Tariyel müəllim
məni gözləyirdi. O, məni görcək ayağa qalxdı, qara portfelini
götürüb başı ilə mənə arxasınca gəlməyimə işarə etdi.
İnstitutdan çıxanda Tariyel müəllim dedi:
- Adil, bizə gedirik. Burada, yaxında oluram. Baş-başa səninlə
bir az söhbət edərik. Atan rəhmətlik yaxşı kişi idi. Döyüşlərin
birində qılçamdan ağır yaralanmışdım, - deyə Tariyel müəllim
söhbətə körpü saldı. - Fərrux arxasında məni düz bir kilometrə
qədər yolu, “sançasta” kimi gətirdi. Ona nə qədər təkid etdim
ki, məni buraxıb getsin. Amma o məni dinləmədi. Onsuz da
arxadan arabayla tibb bacıları gəlib bizi götürəcəkdilər. Çox
inadkar idi Fərrux.
Mən isə səssizcə Tariyel müəllimin yanıyca addımlayırdım.
- Hə, çatdıq, - deyə Professor mənə tərəf döndü. – Götür, bu
pulu, get, oradan iki qarpız al, gətir.
Müəllimin mənə uzatdlğl pulu götürmədim. İki qarpız almaq
üçün isə cibimdə o qədər də pul yox idi. Ona görə də bir qarpız
alıb, Tariyel müəllimgilə qalxdım. Qarpızı mətbəxdəki stolun
üstünə qoydum. Professor mətbəxə gəldi, yumruğu ilə qarpızı
paraladı və əli ilə qarpızın içini çıxarıb ağzına qoydu. Düzü,
müəllimin bu hərəkətinə təəccüb etdim. Düşündüm ki,
professor adamdı, bunun qarpız yeməyinə bir bax. Tariyel
müəllim ürəyimdən keçənləri anlayırmış kimi, gülərək dedi:
- Bilirəm, düşünürsən ki, Professor adamın qarpız yediyinə
bir baxın! Mən bunun tarixçəsini sənə danışacağam.- Tariyel
müəllim əlini salfetka ilə sildikdən sonra çiynimə qoydu.
Stolun üstündə qızılı bir külqabı da vardı. Onu əlimə
götürdüm, o tərəf-bu tərəfinə çevirib baxdım. Ağır idi. Qızıl
suyuna çəkilmişə oxşamırdı. Bu zaman müəllim dilləndi:
- Oğlum, xalis qızıldır. Bu külqabının da maraqlı tarixçəsi var.
- Müəllim, tək yaşayırsınız?
- Demək olar. Həyat yoldaşım beş il bundan öncə rəhmətə
gedib. İki oğlum var. Hər ikisini də evləndirmişəm. Özlərinin
ayrıca ev-eşikləri var. Həftədə bir dəfə mənə baş çəkməyə
51
gəlirlər. Paltarlarımı gəlinlərim yuyur, evi silib-süpürürlər,
səliqə-sahmana salırlar. Bir neçə günlük yemək də bişirirlər
mənimçün. - Professor danışa-danışa çaydanı su ilə doldurub
qazın üstünə qoydu. - Oğul, atan qorxmaz, igid adam idi.
Yaxşı yadımdadır, bir dəfə polk komandiri İvanov əsgərləri
cərgəyə düzüb dedi: “Bir neçə gündür ki, düşmən tərəfdə
sakitlikdir. Bu heç də yaxşı əlamət deyil. Yəqin ki, almanlar
bizə qarşı nəsə hazırlayırlar. Amma biz bunların bu planının
nədən ibarət olduğunu hökmən öyrənməliyik. Dünənki
kəşfiyyat qrupu da əliboş geri qayıdıb. Bizə bir “dil” lazımdır.
Sizdən könüllü kim getmək istəyir?” Bu zaman Fərrux
cərgədən üç addım qabağa çıxdı və dedi: “Yoldaş komandir,
mən gedərəm.” Komandir dedi ki,”elə isə Fərrux tək getməsin,
o özü ilə bir neçə əsgər də götürsün.” Fərrux dedi ki, ona
ancaq yol-yoldaşı olmaq üçün tək bir əsgər lazımdır. Həmin
gecə atan həqiqətən də bir alman əsiri tutub gətirdi. Onu
danışdırdılar və lazım olan mühüm məlumatları əsirdən aldılar.
Almanlar doğrudan da geniş miqyaslı hücum əməliyyatı
planlaşdırırmışlar. Amma biz almanları qabaqladıq və onlara
qarşı gözlənilməz əks-hücuma keçdik. Döyüşdən sonra
komandir bütün əsgərlərin qarşısında Fərruxa təşəkkür elan
etdi. Atanla bağlı çoxlu maraqlı cəbhə xatirələrim var. Nəsə,
indi keçək qarpız məsələsinə.
Repressiya dövründə ermənilərin əli ilə çoxlu dəyərli,
vətənpərvər ziyalımızı itirdik. O zaman ermənilər Bakıda at
oynadırdılar. Onlar Azərbaycanın “qaymaqları”na müxtəlif
bəhanə ilə şər-böhtan, iftira ataraq onlara “Vətən xaini”, “xalq
düşməni” damğası vurdururdular. Həmin dövr çox pis idi. O
zamanlar haqsız yerə çoxlu soydaşımızı itirdik. Azərbaycan
xalqının həqiqi faciəsi isə 1936-cı ildən başlandı. Xalq
əleyhinə, xüsusilə ziyalılar əleyhinə cəza tədbirləri 1937-1938-
ci illərdə daha da amansızlaşdı, hakimiyyətdə oturmuş dövlət
quldur dəstəsi görünməmiş vəhşiliklə Sumbatovun, Borşovun,
Gerasimovun,
Qriqoryanın,
Markaryanın,
Qalstyanın,
Dostları ilə paylaş: |