6-cı
Mövzu
BEYNƏLXALQ VƏ DÖVLƏTLƏRARASI
MÜNAQİŞƏLƏR
Suallar:
1.
Dövlətlərarası münaqişələrin xüsusiyyətləri və növləri.
2.
Dövlətlərarası münaqişələrin qarşısının alınması yolları.
§1. Dövlətlərarası münaqişələrin xüsusiyyətləri və növləri
Beynəlxalq münaqişələrin əsas subyektlərini dövlətlər təşkil
edir. Bunun əsasında aşağıdakılar fərqləndirilir:
-
dövlətlərarası münaqişələr (hər iki qarşıduran tərəf dövlətlər,
yaxud onların koalisiyaları ilə təmsil olunmuşdur);
-
milli-azadlıq müharibələri (tərəflərin biri dövlətlə təmsil
olunmuşdur): müstəmləkəçilik əleyhinə, irqçilik əleyhinə, habelə
demokratiya prinsiplərinə zidd fəaliyyət göstərən hökumətlərin
əleyhinə;
-
beynəlmiləlləşmiş daxili münaqişələr (dövlət başqa dövlətin
ərazisindəki daxili münaqişədə tərəflərin birinə kömək edir).
Dövlətlərarası münaqişələrin spesifikliyi aşağıdakılarda ifadə
olunur:
-
onların
subyektlərini
dövlətlər,
yaxud
dövlətlərin
koalisiyaları
təşkil edir;
-
dövlətlərarası münaqişələrin əsasında münaqişə tərəflərinin
milli-dövlət mənafelərinin toqquşması durur;
-
dövlətlərarası münaqişə iştirakçı dövlətlərin siyasətinin
davamıdır;
-
müasir dövlətlərarası münaqişələr
beynəlxalq münasibətlərə
eyni vaxtda
lokal və qlobal təsir göstərir;
-
bu gün dövlətlərarası münaqişə iştirakçı dövlətlərdə və bütün
dünyada insanların kütləvi məhvi təhlükəsini doğurur.
Təsnifləşdirmələrin əsasında iştirakçıların sayı, miqyas, tətbiq
edilən vasitələr, iştirakçıların strateji məqsədləri, münaqişənin
xarakteri dura bilər.
156
Münaqişədə müdafiə olunan mənafelərdən çıxış etməldə
aşağıdakı münaqişələr fərqləndirilir:
-
ideologiyaların münaqişəsi (müxtəlif ictimai-siyasi sistemlərə
malik dövlətlər arasında); XXI əsrin əvvəllərində onların kəskinliyi
xeyli aşağı düşmüşdür;
-
dünyada, yaxud ayrıca regionda siyasi hökmranlıq məqsədilə
dövlətlər arasında
münaqişələr;
-
tərəflərin iqtisadi mənafelərinin qoruduqları münaqişələr;
-
ərazi ziddiyyətlərinə əsaslanan ərazi münaqişələri (özgə
ərazilərinin tutulması, yaxud öz ərazilərinin azad edilməsi);
-
dini münaqişələr; tarixə bu zəmində dövləllərarası
münaqişələrə dair çoxlu misallar məlumdur.
Göstərilən münaqişələrin hər biri öz xüsusiyyətlərinə malikdir.
Onları ərazi münaqişələrinin nümunəsində nəzərdən keçirək. Bir
qayda olaraq, ərazi münaqişələrindən əvvəl tərəflərin bir-birinə qarşı
ərazi iddiaları gəlir.
Bunlar, birincisi, dövlətlərin artıq tərəflərin birinə məxsus olan
ərazi barəsində iddiaları ola bilər. Belə iddialar İran və İraq, İraq və
Küveyt arasında müharibələrə. Yaxın Şərq münaqişəsinə və bir çox
başqa münaqişələrə gətirib çıxarnuşdır.
İkincisi, bunlar yeni yaranan dövlətlərin sərhədlərinin
formalaşması dövründə yaranan iddialardır. Bu əsasda münaqişələr bu
gün keçmiş Yuqoslaviyada, Rusiyada, Gürcüstanda yaranır. Belə
münaqişə meylləri Kanadada, .Belçikada, İngiltərədə, İtaliyada,
Hindistanda, İraqda, Türkiyədə və başqa ölkələrdə mövcuddur.
Dövlətin sərhədi müəyyən olunarkən qonşu etnosların və
onların dövlət qurumlarının mənafeləri toqquşa bilər. Bir
çox hallarda
sərhədlər etnosun, mədəni və dini icmaların yaşadığı rayon nəzərə
alınmadan müəyyən edilmişdir ki, bunun nəticəsində bəzi xalqlar
müxtəlif dövlətlərdə yaşayırlar. Bu, dövlətlərin münasibətlərində
xroniki münaqişəqabağı vəziyyətlərin saxlanmasına səbəb olur.
Buna misal kimi Asiyada, Afrikada, Latın Amerikasında
müstəmləkəçilik imperiyalarının süqutundan sonra müstəqil
dövlətlərin yaranması, SSRİ-nin dövlət qurumlarının - Mərkəzi Asiya,
Qafqaz respublikalarının, Moldova və Pribaltika respublikalarının
sərhədlərinin formalaşması proseslərini göstərmək olar.
157