uğursuzluq olarsa, daha güclü miqyaslı daxili sarsıntılar təhlükəsi
yaranır.
Beşinci istiqamət siyasi rəhbərlikdən hərbi komandanlığın
sərəncamına kifayət qədər imkanları təqdim etməyi tələb edir. Burada
söhbət yalnız məsələnin iqtisadi tərəfindən deyil, siyasi rəhbərliyin
preroqativi
olan
uzunmüddətli
siyasi
planlaşdırmadan,
proqnozlaşdırmadan gedir. Öz siyasətinin bütövlükdə əsas məqsədini
müəyyən edərkən, müharibəyə hazırlıq və başlamaq haqda qərar qəbul
edərkən, dövlətin rəhbərləri qoyulmuş məqsədlərə hansı konkret
vasitələrlə nail olmağı müəyyən etməli və hərbi qüvvələri lazımi
vasitələrlə təmin etməlidirlər. Yalnız ali siyasi rəhbərliyi həyata
keçirən hökumət dövlətin iqtisadiyyatının hansı gərginliyə tab
gətirəcəyini, əhalinin itkilərə nə qədər dözümlü olacağını və s. qət edə
bilər.
Bu siyasi qərarların rolu hərbi qüvvələrin təchizatı və
genişləndirilməsinin miqyası və bahalığı artdıqca artmışdı. Artıq
XVII-XVIII əsrlərdə müharibəyə hazırlıq vergilərin artırılması və
vəsaitin yığılması, əsgərlərin çağırışı, təlimi donanmanın təchizatı
üçün bir neçə il tələb edirdi. Bir neçə illər ərzində yaradılan və inkişaf
etdirilən, daha baha başa gələn və mürəkkəb silahlanma sistemlərinin
ortaya çıxması, lazımi infrastrukturun yaradılması, təşkilat
tədbirlərinin aparılması - bütün bunlar siyasi qərarlara artan tələblər
qoyur. Səhvin dəyəri həddən artıq artmışdır. Məsələn, dənizdə
müharibəyə hazırlıq baha başa gələn gəmi tikintisi proqramlarının
həyata keçirilməsi üçün bir-iki onillik çəkə bilər. Gələcək
əməliyyatların xarakterini proqnozlaşdırarkən edilən səhv müharibə
üçün az faydası olan çoxlu sayda gəmilərin yaranmasına və eyni
zamanda lazımi gəmilərin olmamasına gətirmişdi. XIX əsrin ikinci
yarısında Rusiyanın dəniz nazirliyi əsas potensial düşməni İngiltərə
hesab edərək, donanmanın yaradılmasım kreyser müharibəsi ideyasına
yönəltdi. Nəticədə, Yaponiya ilə müharibə zamanı böyük büdcə vəsaiti
eskadra dö-
3
dişlərinin aparılması üçün az əlverişli olan kreyserlərin və
kreyser tipli zirehli gəmilərin yaradılmasına sərf olunmuşdu. Onlar
Rusiya-Yaponiya müharibəsinin gedişinə demək olar ki, heç bir təsir
etməmişdilər. Birinci dünya müharibəsi ərəfəsində aparıcı dövlətlər
yenidən dənizdə silahlanmaya başladılar, drednoutlar bir növ «böyük
dövlətlər klubu»na buraxılış vərəqəsinə çevrildi.
174