11
Koqnitiv nəzəriyyəyə görə əsas məntiqi səhvlər keçmiş neqativ təcrübəni baş verən hadisələrlə
əlaqələndirən fikirlər ola bilər. Bunlara aiddir:
1.
Dixotom (haçalanmış) təfəkkür – buraya ifratçılıqla araşdırmaq qabiliyyəti daxildir. Yəni “hər şey və ya heç
nə”, “yaxşı-pis”, “qara-ağ”.Məsələn, insan belə hesab edir: “ya mən xoşxasiyyətəm və hamıya lazımam, ya
da pisəm və heç nəyə yaramıram”.
2.
Öz tutduğu işlər haqqında yanlış fikir söyləməyə, özünə bir “ad” qoymağa çalışmaq. Məsələn: səhvə yol
vermiş adam “mən səhv etmişəm” demək əvəzinə “mən nə ağılsızam” deyə düşünür.
3.
Fövqəl nəticə -“həmişə” və ya “heç vaxt” kateqoriyaları ilə düşünmək. Məsələn, xəstə hesab edir ki, o, artıq
heç vaxt sağlam olmayacaq.
4.
Selektiv filtrasiya – mənfi hadisələri artırmaq, müsbətləri isə minimuma endirmək. Məsələn, həkim bir çox
xəstələri uğurla müalicə edir, onlardan yalnız birində residiv (xəstəliyin qayıtması) baş verərkən, o belə bir
nəticəyə gəlir ki, pis mütəxəssisdir.
5.
Reallığı inkaretmə - müsbət amillərə tamamilə əhəmiyyət verməmək. Məsələn, insan hər hansı bir uğur əldə
etdikdə “bu nədir ki, bunu hamı bacarar” deyir.
6.
Əsassız nəticə - kifayət qədər obyektiv dəlil olmadıqda tez bir nəticəyə gəlmək. Məsələn, oğlan qıza zəng
edir, lakin dəstəyi qaldıran olmur, o, düşünür ki, qız onunla danışmaq istəmir.
7.
Şişirtmə - əhəmiyyətsiz səbəbdən çaxnaşmaya meyllilik. Məsələn, avtomobilində bir balaca nasazlıq olan
adam belə hesab edir ki, onun təmiri böyük xərc tələb edir və yeni avtomobil alsa daha yaxşı olar.
8.
Emosional şərtləndirmə - öz emosiyalarını real qəbul etmək. Məsələn, bir nəfər təyyarə ilə uçmaqdan qorxur
və elə hesab edir ki, bu uçuşlar doğrudan da qorxuludur.
9.
Günahı şəxsiləşdirmə - bütün uğursuzluqların səbəbini özündə axtarmağa çalışmaq. Məsələn, uşağı
xəstələndiyinə görə qadın özünü pis ana hesab edir.
10.
Hədsiz cavabdehlik – “bu mənim borcumdur (vəzifəmdir)” və ya “bu mənim borcum (vəzifəm) deyil”
kateqoriyaları ilə düşünmək. Məsələn, tələbə əmindir ki, o, yalnız əla qiymət almalıdır, ona görə də imtahan
qabağı möhkəm həyəcan keçirir.
Koqnitiv prosesi izah edən sxem
Daxili və xarici srimullar
Koqnitiv quruluş
Yaxın və uzaq keçmişin xatırlanması
Koqnitiv məzmun
Birincisi, adaptiv və qeyri-adaptiv idrak
sxemləridir ki, buraya fərdin özü haqqında
şərtsiz və əməli cəhətdən dəyişməyən
təsəvvürləri daxildir. Ikincisi şərti və mümkün
dəyişikliklərə yol verən sxemlərdir.
İnterpretasiya (izah) prosesi
Baş verən hadisələri mövcud olan sxemlərdə
əlaqələndirir. Çox vaxt tipik məntiqi səhvləri
də buraya daxil edir (bax:yuxarı)
12
İndi isə verilən sxemin üzərində həm psixiatriya və ümumtibbi təcrübədə, eləcə də gündəlik həyatda rast
gəlinən, ən geniş yayılmış iki pozuntunu – depressiya və həyəcanı araşdırmağa çalışacağıq. Belə bir hadisəni
nəzərdən keçirək: oğlan sevdiyi qızın telefon zəngini gözləyir, lakin bu baş vermir (xarici stimul). Bu zaman
oğlanın yaddaşında əvvəlki uğursuzluqlarla bağlı xoşagəlməz xatirələr canlanır (koqnitiv quruluş), bu da “mənim
sevimli olmağım üçün kifayət qədər keyfiyyətlərim yoxdur” məzmunlu birinci idrak sxemi ilə və “əgər səni
sevmirlərsə, həyat mənasızdır” məzmunlu ikinci sxemlə bağlıdır. Bu sxemləri hazırda baş verən hadisələrlə
əlaqələndirərkən cavan oğlan tipik məntiqi səhvlərə yol verir. Beləliklə, o, özünə qarşı münasibətdə (“mən heç bir
əhəmiyyəti olmayan adamam”), ətrafına qarşı münasibətdə (“o, məni heç vaxt sevməyib”, “məni heç nə
sevindirmir”) və gələcəyə münasibətdə (“mən heç vaxt xoşbəxt olmayacağam”) mənfi nəticəyə gəlir. Bunların
hamısı insanı ruh düşkünlüyünə düçar edir. O, heç bir işlə məşğul olmaq istəmir, tanışlardan qaçır və sosial
mühitdən təcrid olunmağa can atır.
Başqa bir misal – bir nəfər vacib səfərə çıxmalıdır. Lakin onun yaddaşında əvvəlki səfərlə bağlı xoşagəlməz
təəssüratlar saxlanmışdır. Bu təəssüratlar öz növbəsində zəif uyğunlaşma xarakterli olan “yad (qərib) yerdə mən
köməksiz oluram” adlı idrak sxeminin fəallaşmasında iştirak edir. Sonra verilmiş sxemi indiki səfərə tətbiq edən
inteqrasiya prosesi baş verir. Beləliklə, həmin adam “mən heç yerə getməyə hazır deyiləm” (özünə qarşı
münasibət), “məni tamamilə yad insanlar əhatə edəcək” (ətraf mühitə münasibət), “səfərin nəticələri haqqında heç
nə demək mümkün deyil, hər şey çox pis qurtara bilər” (gələcəyə ümidsizlik) kimi nəticələrə gəlir. Bu fikirlər onu
təşvişə salır və çaşqınlığa səbəb olur. Bütün bunlar insanın davranışında hərəki nigarançılıq şəklində özünü
göstərir və o, səfərin başlayacağı vaxtı uzaqlaşdırmağa (və ya təxirə salmağa) çalışır.
Davranış, əhval-ruhiyyə və koqnitiv nəticə arasındakı əks əlaqənin olduğunu göstərən oxlara diqqət yetirmək
istərdik. Bu komponentlər həmişə bir-birini möhkəmləndirir və koqnitiv prosesin digər komponentləri ilə qapalı
dövrə əmələ gətirir. Bunlar koqnitiv sxemin saxlanılması və müəyyən şəraitdə yenidən canlanacağını göstərir.
Koqnitiv-bihevioterapiya (KBT)
Son illərdə koqnitiv – bihevioterapiya, psixoterapiyanın müasir metodları arasında önəmli yerlərdən birini
tutur. Bu, onunla əlaqədardır ki, psixoterapevtik təsirin digər üsulları iləmüqayisədə KBT bir sıra üstünlüklərə
malikdir. İlk növbədə, bu üsulun universal xarakter daşımasını, yəni nəinki zəif həyəcanlı pozuntularda, eləcə də
13
ağır davranış pozuntularında, hətta sizofreniyada istifadə edildiyini qeyd etmək lazımdır. Bundan başqa KBT-nın
dəqiq məqsədi və konkret (digər terapiya formalarına nisbətən çox qısa) müddəti vardır. Həmçinin
psixoterapevtin şəxsi keyfiyyətləri burada başlıca rol oynamır. Bu üsul psixoterapiyanın digər formaları və
dərman terapiyası ilə yaxşı uyğunlaşır. Nəhayət, KBT-də istifadə olunan terapevtik üsulların geniş imkanları
pasiyentin ətraf mühitə olan münasibətinə hərtərəfli təsir göstərməyə şərait yaradır.
KBT Levinson, Volpe Ayzenk tərəfindən işlənmiş bihevio-terapevtik üsulların, Bek, Elis və Mihenbaum
tərəfindən təklif olunmuş koqnitiv terapiyanın üsulları ilə uyğunlaşdırılıb işlənməsinə əsaslanır. Bu terapiya
formasının hər ikisi sərbəst istifadə oluna bilər, lakin onlardan daha çox kompleks şəkildə istifadə olunur.
Davranış pozuntularının üstünlük təşkil etdiyi nəzərə çarparkən, bihevioterapiyanın üsulları əsas götürülür,
koqnitiv terapiya isə tamamlayıcı vasitə kimi istifadə olunur. Təfəkkür prosesində baş verən pozuntuların və
emosional pozuntuların dominantlıq təşkil etdiyi hallarda isə koqnitiv terapiya əsas, bihevioterapiya isə köməkçi
rol oynayır.
Bihevioterapiya əməliyyatları
Proqressiv relaksasiya texnikası. Qeyd olunduğu kimi həyəcan relaksasiyasının formalaşmasında əzələ
gərginliyi və vegetativ pozuntular mühüm əhəmiyyətə malikdir. Ona görə də, skelet əzələlərinin tonusunun
enməsinə və tənəffüsün rənziminə yönəlmiş xüsusi məşqlərdən istifadə həyəcanın zəifləməsinə kömək edir.
Əməliyyat əzələlərin boşalmasını təmin edən məşqlərin müntəzəm olaraq yerinə yetirilməsi ilə başlayır, sonra o,
stress halının qarşısının alınmasına yönəldilir. Bu üsuldan yuxsuzluğun müalicəsində, psixosomatik pozuntularda
(məsələn, hipertoniyanın başlanğıc mərhələlərində) və digər funksional pozuntulardan istifadə olunur.
Ekspozisiya texnikası allerqologiyada istifadə olunan desensibilizasiya prinsiplərinə əsaslanır. Əvvəlcə,
qorxu hissi yaradan müxtəlif hadisələr araşdırılır və onların törətdiyi affektin şiddətlənmə ardıcıllığı siyahısı tərtib
edilir. Sonra, tədricən bir qədər yüngül hadisələrdən daha ağır hadisələrə doğru ya reallıqda, ya da hadisələri
təsəvvür etməklə pasiyent öz vəziyyətini idarə etməyi öyrənir. Məsələn, metro ilə hərəkət etməkdən qorxan adam
birinci eskalatordan düşməyi öyrənir, sonra qısa məsafəyə yerdəyişmə edir, daha sonra isə axırıncı dayanacağa
qədər gedir. Ekspozisiyanın alternativ üsulları da vardır:”yükləndirmə” üsulu qorxu reaksiyası zəifləyənə qədər
psixi travma törədən hadisə dəfələrlə təkrarlanır və “daxili partlayış” baş verən mərhələyə çatdırılır.
Siqnal texnikası şərti refleks yaratmaq üçün təyin edilir. Məsələn, enurezi olan xəstələrdə zənglə bağlı olan
xüsusi ötürücüdən istifadə olunur. Sidik iifrazı zamanı zəng çalınır və xəstə oyanır. Bir müddətdən sonra onda
klassik şərti refleks yaranır. Beləliklə, xəstə sidik ifrazına çağırış olarkən artıq zəngsiz oyanır və ya sidik xaric
etmədən sakit yaranır.
Reaksiyanın qarşısının alınma texnikası eyni bir işi təkrar yerinə yetirməyin arasındakı vaxtı uzatmaqdan
ibarətdir. Sarışan hərəkətlərin aradan qaldırılmasında istifadə olunur. Məsələn, sarışan hərəkət, əl yumaqdan
əziyyət çəkən xəstəyə təklif edilir ki, “çirkli” əşyanı tutandan sonra əlini yumamış başqa bir işlə məşğul olsun.
Bihevioral analiz davranış pozuntularını – onların başvermə tezliyi və ifadə dərəcəsini müəyyənləşdirməkdən
ibarətdir. Çox vaxt əlamətlərin məhz hansı hallarda meydana çıxdığı məlum olmayanda, xəstəliyin konkret
əlamətlərini üzə çıxarmaq üçün istifadə olunur. Bihevioral analiz təkcə davranış texnikasına sələflik etmir, o, öz-
özlüyündə xəstənin diqqətini konkret hadisəyə cəlb edən bir texnikadır.
Möhkəmlətmə texnikası müsbət və mənfi möhkəmlətmədən istifadə olunur. Müsbət möhkəmlətmə nə ilə
tamamlanmış stimulyasiyadan ibarətdir ki, bu da gələcəkdə məqsədyönlü davranışın davamlılıq imkanını artırır.
Mənfi möhkəmlətmə hansısa stimulların kənar edilməsi ilə bağlıdır. Bu da müsbət möhkəmlənmələrə göstərilən
təsirlərin itirilməsi hesabına lazımi davranışın möhkəmlənmə imkanını artırır. Müsbət və mənfi möhkəmlənmə
“pis”, “yaxşı” və ya “tənbeh”, “təltif” kimi anlayışlarla eyni deyil. Şəkərli diabetdən əziyyət çəkən xəstə müsbət
möhkəmlətməni pəhriz saxladığına görə təriflənərkən alır. Elə bu xəstə pəhriz saxladığına görə təriflənərkən alır.
14
Elə bu xəstə pəhriz saxladığına görə mənfi möhkəmlətmə də alır. Bu yaranmış şəraitdə insulin inyeksiyasını
kəsməklə bağlıdır.
Modelləşdirmə texnikası psixoterapevtik davranış tərzini təqlid etməkdən ibarətdir. Bu üsul, xüsusən
uşaqlarla işləyərkən, onları öyrətmək üçün yaxşı vasitə olub, rol oyunları ilə birlikdə istifadə olunur.
Modelləşdirmənin böyüklərin müalicəsinə tətbiqi mütəxəssislərdə fikir ayrılığı yaradır.
Neqativ təcrübə texnikası eyni bir hərəkətin dəfələrlə təkrarlanması zamanı reaktiv tormozlanma əmələ
gəlməsinə əsaslanır. Üzündə səyirmə (tik) olan xəstəyə səyirmələr azalana qədər iradi olaraq, həmin səyirmələri
təkrarlamaq təklif olunur.
Özünə nəzarət texnikası özünü müşahidə, özünü möhkəmlətmə və özünü qiymətləndirmə proseduralarından
ibarətdir. Burada müalicəyə əsas məsuliyyət xəstənin öz üzərinə düşür, terapevt isə yalnız məsləhətləri ilə
kifayətlənir. Məsələn: hipodinamiyadan və çox yeməkdən əziyyət çəkən xəstə müntəzəm olaraq, müəyyən qədər
idmanla məşğul olur və özünə qida rasionu tərtib edir. Bəzən öz məqsədinə çatarkən, özünü mükafatlandırır
(məsələn, özünə nə isə alır), sonra tərtib etdiyi proqramın nəticələri qiymətləndirilir.
Sosial uyğunlaşma texnikası özünə inam yaratmaqdan, həyat vərdişləri öyrənməkdən, sosial vərdişlərə,
ünsiyyət bacarığına yiyələnməkdən ibarətdir.
Özünə inam yaratmaq həyəcan və köməksizliyin yaranması ilə bağlı olan hallarda verbal və qeyri-verbal
davranışın (baxış, mimika, jest)müxtəlif formalarının təkmilləşdirilməsi üsuludur. Şəxsiyyətin anankastik və ya
asılı tipinə aid olan qorxaq və utancaq adamlar üçün məsləhət görülür.
Həyat vərdişlərini öyrənmək – buraya əsas funksiyaların (yemək hazırlamaq, mənzilin təmizlənməsi və s.)
yerinə yetirilməsi, vaxtın düzgün bölünməsi, vəsaitin idarə olunması daxildir. Xroniki psixi xəstəliklərdən əziyyət
çəkənlərə kömək göstərmək üçün bu üsullardan istifadə olunur.
Sosial vərdişlərə yiyələnmək müxtəlif sosial hadisələri rollarla oynayaraq artıq mövcud olan vərdişlərin
möhkəmləndirilməsindən ibarətdir. Bu vərdişlər real hadisələrdə təcrübədən keçirilir, davranışın
qiymətləndirilməsi üçün videoyazılardan da istifadə oluna bilər.
Ünsiyyət bacarıqlarını öyrənmək müxtəlif insanlarla ünsiyyət yaratmaq “göz-gözə danışmaq”, telefon
əlaqəsi qurmaq, kütlə qarşısında çıxış etmək kimi xüsusiyyətlərin inkişaf etdirilməsindən ibarətdir. Bu zaman
müxtəlif verbal üsullardan və məşğələlərdən istifadə olunur.
Adversional texnika şərti refleks yaratmaq üçün neqativ qıcıqlardan, cəza formasından istifadə texnikasıdır.
Alkoqolizmin müalicəsində istifadə edilən, iyi və dadı alkoqola uyğun olub, öyümə və qusma yaradan apomorfin
inyeksiyası və ya kökəlmənin müalicəsində zəif tokvurmadan istifadə buna klassik misal ola bilər. Bu üsulun
geniş istifadəsinin qarşısını alan onun etik cəhətdən qeyri-qənaətbəxş olmasıdır.
Dostları ilə paylaş: |