Con Maksvel kutzee. RÜSvayçiliq
Yüklə 0,97 Mb. Pdf görüntüsü
|
Araya səssizlik çökür. — Rəfiqəni gördüm, - Rozalinda mövzunu dəyişərək deyir. Rəfiqəmi? Sənin gözəlini. Adı Melani İsaks deyildi? “Dok” teatrında bir tamaşada oynayır. Bilmirdin? İndi başa düşürəm, ona nəyə görə ilişmisən. Böyük tünd rəngli gözlər. Balaca dələninki qədər zərif bədən. Əsl sənin tipindi. Elə bilirdin, o da sənin qısa müddətli əyləncələrindən biri, növbəti günahın olacaq? İndi gör, nə gündəsən. Həyatını küçəyə atmısan. Özü də nədən ötrü? Həyatımı atıb eləmişəm, Rozalinda. Boş-boş danışma. Düz deyirəm də! İş yox, ad ləkəli. Dostların səndən qaçırılar, Torrans-rodda başını çanağından çıxartmağa qorxan tısbağa kimi gizlənirsən. Çəkmələrini təmizləməyə layiq olmayan adamlar səni ələ salırlar. Köynəyin ütülənməyib, saçını, allah bilir, kim belə qırxıb. Sən... – Rozalinda coşduqca coşur. – əvvəl-axır zibillikdə eşələnən qocaların gününə düşəcəksən. Əvvəl-axır məni torpaqda qazılmış bir çuxur gözləyir, - o deyir. – Səni də. Hamımızı. Bəsdi, Devid, onsuz da dilxoram, səninlə mübahisə eləmək istəmirəm. Rozalinda torbalarını götürür. - Çörək və cemdən bezəndə, xəbər ver, sənin üçün yemək bişirim. Melani İsaksın adını eşidən kimi dincliyi pozulur. Heç vaxt qadınlarla uzunmüddətli münasibət saxlamayıb. Eşq macərası bitən kimi, asanlıqla arxasını çevirib gedirdi. Lakin Melani ilə münasibətlərində nəyinsə yarımçıq qaldığını hiss edir. Yaddaşının hansısa dərinliklərində Melaninin ətri, qadın ətri qalıb. Bəs o Devidin ətrini yadında saxlayıbmı? “Əsl sənin tipin”- Rozalinda dedi. Əlbəttə, ondan yaxşı kim biləcək? Birdən Melani ilə yolları yenidən kəsişsə necə? Keçmiş hisslər yenidən alovlanıb aralarındakı məhəbbətin hələ bitmədiyini göstərəcəkmi? Yenidən Melaninin qarşısına çıxmaq əsl dəlilik olardı. Nəyə görə Melani onu təqib etdiyinə görə mühakimə olunmuş bir insanla söhbət eləməli idi? Üstəlik onun haqqında yaxalığı əzilmiş ütüsüz köynəkli, eybəcər qulaqlı axmaq haqqında nə düşünəcəkdi? Hronos və Harmoniyanın kəbini təbii deyil. Gözəl sözləri bir kənara qoyası olsa, onun məhkəməsi də elə buna görə qurulmuşdu. Həyat tərzinə görə. Təbiətə zidd hərəkətlərinə: qoca, yorğun, dölə çevrilməyə qadir olmayan toxumlar səpdiyinə görə. Qocalar gənc qadınları qamarlasalar, insan irqinin gələcəyi necə olar? İttihamın əsl məğzi bundan ibarət idi. Ədəbiyyatın yarısı da elə bu mövzuya həsr olunub: gələcək nəsillər naminə qocaların əzici ağırlığından xilas olmağa çalışan gənc qadınlar. Ah çəkir. Bir-birlərinin ağuşunda hisslərin musiqisinə qərq olmuş qayğısız gənclər. Bu ölkə qocalar üçün deyil. Deyəsən, ah çəkməyə həddən artıq vaxt sərf edir. Heyfslənmə - hər şey həmişə bu notda bitir. İki il əvvələ qədər Dok teatrının yerində donuz və inək cəmdəklərinin asıldığı soyuq anbar yerləşirdi. İndi bura dəbli əyləncə məkanına çevrilib. Tamaşaya gecikib, zaldakı yerini işıqlar artıq söndükdən sonra tutur. “Tamaşaçıların istəyi ilə bərpa olunmuş tamaşanın heyrətamiz uğuru!” – “ çağında Qlobus salonu” tamaşasının yeni quruluşunun afişasında yazılıb. Dekorasiya daha dəbli, rejissura daha peşəkardır, baş rolun ifaçısı dəyişib. Lakin Devidin fikrincə, siyasətə meylliyi açıq nəzərə çarpan kobud yumorlu pyes hələ də əvvəlki qədər dözülməzdi. Melani naşı saç ustası Qloriyanın rolunda qalıb. Qızılı, zərxara uzunboğaz corabların üstündən çəhrayı balaxon geyinmiş, üzü zövqsüzcə boyanmış, saçları burulub yuxarı daranmış Melani hündür daban ayaqqabılarla səhnədə axsaya-axsaya yeriyir. Replikalarında yeni heç nə olmasa da o, sözləri dəqiq hesablanmış vaxtda iniltili kaaps ləhcəsi ilə deyir. Ümumiyyətlə, Melani əvvəlkinə nisbətən özündən çox əmindir. O, bu rolda çox gözəl və istedadlı təsir bağışlayır. Melani onu görmədiyi bir neçə ay ərzində böyümüş, özünü kəşf etmiş ola bilərdim “Məni öldürməyən nə varsa məni daha da güclü edir”. Bəlkə Devidin məhkəməsi Melani üçün də sınaq rolunu oynayıb? Bəlkə o da cəzasını çəkib günahını başa düşüb? Kaş ona bir işarə veriləydi. İşarəni aldıqdan sonra nə edəcəyini dəqiq bilərdi. Məsələn, Melanin əynindəki yöndəmsiz libas soyuq gizli bir atəşlə alovlansaydı. Melani yalnız onun qarşısında, Lüsinin keçmiş otağında olduğu qədər gözəl və çılpaq halda dayansaydı! Aralarında əyləşdiyi, istirahət gününü xoş keçirmək üçün teatra gəlmiş, ağır bədənlərində özlərini rahat hiss edən qırmızısifət insanlar pyesdən zövq alırlar. Qloriya- Melani onların xoşlarına gəlir, ikimənalı zarafatlara gülür, personajlar bir-birlərini şərləyib söyməyə girişəndə qəhqəhə çəkirlər. Həmvətənləri olsa da, Devid onların arasında özünü yad bir adam, fırıldaqçı kimi hiss edir. Lakin onlar Melaninin replikalarına güləndə, ürəyi fərəh hissi ilə dolur. Melani qızı imiş kimi tamaşaçılara tərəf dönüb: “mənimkidir!” – demək istəyərdi. İllər əvvələ aid bir xatirə gözlənilmədən qayıdıb gəlir. O, N1 şosesində maşınına mindirdiyi, tənha səyahət edən, günün altında qaralıb toz-torpağa bulaşmış iyirmi yaşlı alman turisti xatırlayır. Tous çayına qədər getdikdən sonra qadını mehmanxanaya aparmış, yedirtmiş, onunla yatmışdı. Qadının uzun, elastik ayaqlarını, barmaqlarının arasından lələk kimi süzülən saçlarının yumşaqlığını xatırlayır. Qəfildən ayaq üstə yuxu görürmüş kimi iki qitədə tanıdığı bütün qadınları xatırlamağa başlayır. Bəziləri zaman baxımından ondan o qədər uzaqdırlar ki, üzlərini çətinliklə xatırlayır. Qadınların simaları küləkdə sovrulan yarpaqlar kimi gözünün önündən ötüb keçirlər. İnsanlarla dolu gözəl bir tarla: yüzlərlə yabançının həyatı onun həyatı ilə birləşir. O, nəfəsini tutub gördüyü xəyalı uzatmağa çalışır... O qadınlar indi haradadırlar? Onlar da, ya da aralarından bəziləri gözlənilmədən xatirələr dənizinə baş vururlarmı? Bəlkə həmin alman qadın elə bu dəqiqə Afrika yolunda onu maşına mindirmiş kişini xatırlayır? “Zənginləşdirdi” - qəzetlər bu sözdən yapışmışdılar. Həmin anda ağzından qaçırdığı axmaq sözü indi müdafiə etməyə hazır idi. Melani, Tous çayının kənarındakı turist, Soraya və digərləri, hətta ciddi Yüklə 0,97 Mb. Dostları ilə paylaş:
|