Cover press ucun
Yüklə 4,8 Kb. Pdf görüntüsü
|
91 Sidney: Həyəcanlı anlar qarşısına qoyduğu məqsədə çatmaq üçün var gücünü sərf edən bir idmançıdır. Üstəlik, Sidneydə yarışqabağı onun “mən bura qızıl medal üçün gəlmişəm” qətiyyəti istər-istəməz inam yaradırdı. Bu psixoloji əminlik məqamı yalnız öz qüvvəsinə ina- nanlara xas ola bilər. Bunda nə özündən razılıq var, nə müştəbehlik, nə də saymaz- lıq. Elə buna görə də “sehrli söz” inandırıcı görünür. Zala toplaşanların əksəriyyəti, təbii ki, amerikalını dəstəkləyirdi. Amma Namiq onları tezliklə susdurdu. Ümumiyyətlə, ilk baxışdan elə görünürdü ki, bahadırımız qəribə fəallıq taktikası seçib. Axı, Henson çox gənc olduğu üçün üstünlüyü ələ alıb görüşü qələbə ilə başa vura bilərdi. Ancaq finalın nə olduğunu gözəl bilən Na- miq və onun şəxsi məşqçisi Vahid Məmmədov, eləcə də yığmanın rəhbəri Yaqub Məmmədov bunun üstün tərəflərini də bilirdilər. Məhz təcrübə və fəallığı sayəsində pəhləvanımız rəqibini çaşdıra və lazım olan xalları qazana bilərdi. Çox keçmədi elə də oldu. 3000-dən artıq fəndin unudulduğu, güləşin standart fiziki və güc növünə çevrildiyi vaxtda məhz güləş estetikası ilə seçilən Namiq onu sevdirən “şah əsəri” “xaç” fəndini işlətdi. 3 xal - final üçün əla başlanğıcdır. Ancaq Henson da bu həddə təsadüfən gəlib çıxmadığını sübut edib, hesabı bərabərləşdirdi. Hərçənd buna o, xeyli güc-qüvvə və vaxt sərf etdi. Vəziyyət, əlbəttə, ürək çırpıntılarını şiddətləndirən həddə gəlib çatmışdı. Bir səhv hər şeyi həll edə bilərdi. Budur, Henson həmin yanlışlığa yol verir. Bax, bu an əsl çempionun taktiki məharətini də gördük. Namiqin müdafiə olunmaq ustalı- ğı, rəqibə yanaşmaq üçün aman verməməsi, onu çarəsizlik tələskənliyinə salmaqla sanki “sən bu dəfə gözləməli olacaqsan” deyir və məqsədinə yaxınlaşan aslan kimi şansını gözləyirdi. Pəhləvanımız qəfil hücuma keçdi və bu an fit çalındı. Namiqin çin olmuş arzusu Sidneydə ikinci dəfə möhtəşəm himnimizi səsləndirdi. Milli idmanımızın qədim tarixi olan və Azərbaycan güləşi kimi tanıdığımız bir növdə ilk qızıl medalımızı Namiq Abdullayev qazandı. Minilliklərin, əsrlərin qovuşuğunda müstəqilliyin idman baharını yaşayan bir ölkə üçün bu əbədi zirvədir və onu güləşimizin tarixinə adını əbədi həkk etdirmiş Namiq fəth etdi. Sərbəst güləşçilərimizdən 58 kq-da Arif Abdullayev 10-cu, 130 kq-da Rəcəb Əshəbəliyev 9-cu, 63 kq-da Şamil Əfəndiyev isə 7-ci yeri tutaraq, ilk onluğa düşdükləri üçün xüsusi diplomlar aldılar. Üç yunan-Roma pəhləvanımızdan isə ikisi 10 ən güclü idmançı sırasında oldu. Natiq Eyvazova püşkün üzü gülmədi. Elə qrup yarışında dünya güləşinin iki ulduzu - Türkiyəli Ərcan Ulduz və kubalı Rivas Lazaro ilə qarşılaşmalı oldu. O, rəqiblərdən birini yenə bildi və bu inamlı qələbə yalnız 7-ci yerə kifayət etdi. İslam Diquçiyev isə medal uğrunda da mübarizəyə qoşula bilərdi. Lakin turnirin elə ilk görüşündə sağ əlindən aldığı zədə yalnız qrup raundundan çıxmağa imkan verdi. 1/4 finalda İslam estoniyalı Nikitinlə başabaş mübarizə apar- dı. Ancaq rəqib onun zəif yerini - zədəsini nişangaha çevirmişdi və istəyinə yalnız əlavə vaxtda çatdı. Bununla belə, İslam Diquçiyev komanda hesabımıza 6-cı yeri ilə qiymətli xal yazdı. Sidneydə ağırlıqqaldıranlarımız da ilk onluğa daxil olanlar arasında idilər. 4 id- mançımızdan 3-ü buna nail oldu. Gənc Nizami Paşayev isə 85 kq-da təkanla qaldır- mada 202.5 kq çəkini ram edib gənclərin yeni dünya rekordunu müəyyənləşdirdi. Turan Mirzəyev 9-cu, Elxan Süleymanov 8-ci nəticə göstərdilər. Sidneydə qadın ağırlıqqaldıranlar da ilk dəfə olimpiya mübarizəsinə qoşulmuş- dular. Təmsilçimiz Təranə Abbasova 53 kq-da birinci onluğu qapadı və diplomla təltif edildi. Olimpiadada mübarizə meydanında ölkəmizin 32-ci təmsilçisi də var idi. Güləş yarışlarını həmyerlimiz hakim Oqtay Hüseynov uğurla idarə etdi. Beləcə, Sidney oyanış dövrünü yaşayan Azərbaycan idmanının tərənnümü, təntənə anı oldu. 2 qızıl və 1 bürünc medalla komandamız 199 ölkə arasında 34-cü yeri tutdu. Avropa ölkələri sıralamasında isə bu, 23-cü nəticə demək idi. Prezident Heydər Əliyev Olimpiya çempionu Zemfira Meftəhəddinovanı «Şöhrət» ordeni ilə təltif edir Prezident Heydər Əliyev məşqçi Hafiz Cəfərovu «Şöhrət» ordeni ilə təltif edir 92 10 il öncə başlanan yol Oktyabrın 2-də Sidneydən yola düşən heyət 2 gün sonra Binə hava limanında izdiham içərisinə düşdü. Küçələrə axışmış on minlərlə insan əvəzedilməz hisslərlə qəhrəmanların pişvazına çıxmışdı. Gül-çiçək dəstələri, mahnı-musiqi çələngi, gurul- tulu alqış sədaları - bütün bunlar sanki qəhrəmanlıq göstərmiş döyüşçüləri xatırla- dan idmançılarımızın şərəfinə səslənirdi. Oktyabrın 18-də - Azərbaycanın müstəqilliyi haqqında Konstitusiya aktının qəbul olunmasının 9-cu ildönümü günündə ölkə başçısı Heydər Əliyev olimpiya qəhrəmanlarını Prezident iqamətgahında qəbul etdi. Görüşü giriş sözü ilə açan dövlət rəhbərinin yarışların yekununa verdiyi qiymət çox vacib və obyektiv idi: “Mən bu gün bütün xalqımızın iftixar hissini ifadə edərək deyirəm ki, Azərbaycan idman- çıları, bizim nümayəndə heyəti verdikləri sözə sadiq olmuşlar, çalışmışlar, yarışmışlar, vuruşmuşlar və böyük qələbələr əldə etmişlər. Azərbaycan xalqının tarixində bu böyük qələbə, ilk qələbədir. Biz indiyə qədər heç vaxt idman sahəsində bu qədər yüksək zirvələrə çatmamışıq” - deyən Azərbaycan Prezidenti çıxışını belə tamamla- dı: “Azərbaycanın müstəqilliyi dövründə bizim nailiyyətlərimiz az olmayıbdır. Ancaq indiyə qədər bütün xalqımızı, bütün vətəndaşlarımızı bu qələbə qədər, bu nailiyyət qədər sevindirən heç bir şey olmamışdır. Bütün xalq sevinmişdir. Siz bizə sevinc gətirmisiniz. Siz bizim xalqımızda böyük ruh yüksəkliyi yaratmısınız. Siz Azərbaycan xalqının, Azərbaycan övladının nəyə qadir olduğunu bütün dünyaya nümayiş et- dirmisiniz.” Milli Olimpiya Komitəsinin prezidenti İlham Əliyev Olimpiya Oyunlarının yekunları ilə bağlı hesabat xarakterli məruzəsində komandamızın çıxışını yüksək dəyərləndirdi: “Bizim məqsədimiz olimpiadada medallar qazanmaq idi və biz buna nail olduq. Bizim məqsədimiz reytinq cədvəlində yüksək yer tutmaq idi. Biz buna da nail olduq. Biz çox istəyirdik ki, Azərbaycanın qızıl medalları olsun və belə də oldu”. Medal qazanan idmançılar Vüqar Ələkbərov, Zemfira Meftəhəddinova, Namiq Abdullayev, stend atıcılığı məşqçisi Hafiz Cəfərov qazandıqları uğurlardan söz açdı- lar, göstərilən qayğıya və diqqətə görə təşəkkürlərini bildirdilər. Yolasalma mərasimində sürpriz edərək, fərqlənən idmançılara veriləcək müka- fatı xeyli artıran Azərbaycan Prezidenti daha bir qayğıkeşlik göstərdi. Sidneydə me- dal qazanmayan bütün idmançılar 10 milyon manat, yekunlara görə, on ən yaxşılar Prezident Heydər Əliyev Olimpiya çempionu Namiq Abdullayevi «Şöhrət» ordeni ilə təltif edir Yüklə 4,8 Kb. Dostları ilə paylaş:
|