93
Sidney: Həyəcanlı anlar
sırasına düşənlər isə 15 milyon manat mükafat aldılar. Həm Olimpiadada, həm də
2000-ci ildə keçirilmiş qitə miqyaslı yarışlarda yüksək yerləri tutmuş idmançıların da
mükafatları ayrı oldu: Avropa çempionu, cüdoçu Elçin İsmayılov 37 milyon 750
min, qitə çempionatının bürünc medalçıları - cüdoçu Rəsul Səlimov 19 milyon 550
min, boksçu Əli İsmayılov isə 14 milyon 550 min manat. Yetirmələrinin uğurlarına
görə, məşqçilər də pul mükafatlarına layiq görüldülər. (Göstərilən pul nominasiya-
ları köhnə - öz qaydası ilə verilir - red.)
Namiq Abdullayev və məşqçisi Vahid Məmmədov, sərbəst güləş seçmə koman-
damızın baş məşqçisi Yaqub Məmmədov, Zemfira Meftəhəddinova və məşqçisi
Hafiz Cəfərov “Şöhrət” ordeni, Vüqar Ələkbərov və məşqçisi Rəşid Məmmədov,
eləcə də boks yığmamızın baş məşqçisi Rauf Cabbarov “Tərəqqi” medalı ilə təltif
olundular.
Oktyabrın 29-da XXVII Yay Olimpiya Oyunlarında iştirak etmiş idmançıların,
məşqçi və mütəxəssislərin şərəfinə “Olimpiya balı” keçirildi. Tədbirdə idmançıla-
ra Milli Olimpiya Komitəsinin vəd etdiyi mükafatlar paylandı. Medalçılar və onların
məşqçilərindən savayı, idmançılarımızın sağlamlığının keşiyində dayanmış həkimlər
Elxan Qurbanov, Kamil İsgəndərov və Lüdmila Quliyeva 4 milyon 500 min, Sidneydə
ölkəmizi təmsil etmiş hakim Oqtay Hüseynov 9 milyon manat pul mükafatı aldılar.
AZAL şirkəti hər 3 medalçımıza bu şirkətin aviareyslərindən ömürlük pulsuz istifadə
etmək hüququ verən sənədləri təqdim etdi. Namiq Abdullayevə “Mersedes” avto-
mobili, Vüqar Ələkbərov və Zemfira Meftəhəddinovaya isə mənzil təqdim olundu.
Sidney uğurları bununla bitmədi. Ənənə üzrə olimpiada şəhəri Oyunlardan bir
qədər sonra paralimpiyaçıların mübarizə meydanına çevrilir. Oktyabrın 18-dən 29-
dək keçirilən yarışda qüvvəsini sınayan 3920 idmançıdan 7-si ölkəmizi təmsil edir-
di. Onlar 20 növdən 3-də (atletika, pauerliftinq və güllə atıcılığı) yarışdılar. 1996-cı
ildən bu yarışlara qoşulan komandamızın ilk medal sorağı oktyabrın 24-də Yelena
Taranovadan gəldi. Onun nəticəsi ümumiyyətlə unikal oldu. Kiçik çaplı tapançadan
atəş açma proqramında yarışan qadınlardan heç biri normanı ödəyə bilmədi və
Yelena kişilərin yarışına qoşulmaq məcburiyyətində qaldı. Bununla belə, o, 622.7
xalla gümüş medala sahib çıxdı.
Oktyabrın 27-də isə ilk paralimpiya qızılımız qazanıldı. Gündüz İsmayılov çəkisi
90 kq-dək olan pauerliftinqçilərin turnirində dalbadal 4 dəfə dünya rekordunu
təzələdi. 225, 230, 235 və nəhayət, 240 kq çəkini ram edən paralimpiyaçı Sidney
zirvəsinə yüksəldi.
Komandamızın bütün üzvləri yarışlarda ilk onluqda yer aldılar.
Atletlərdən Alek-
sandr Antofi 5 min metrə qaçışda 9-cu, marafonda 6-cı, Zeyniddin Bilalov uzunluğa
tullanmada 8-ci, 100 metrə qaçışda 9-cu, Sərxan Əsədov nizəatmada 8-ci oldular.
Pauerliftinqçilərin mübarizəsində Fuad Tarıverdiyev (82.5 kq) 9-cu, Mehman Rama-
zanov (100 kq) 6-cı yerə çıxdılar.
2000-ci il noyabrın 15-də dövlət başçısı Heydər Əliyev paralimpiyaçıları qəbul
etdi. Onları heç zaman diqqətdən kənar qoymayacağını deyən ölkə rəhbəri, qa-
zanılan uğurları olimpiya statuslu mükafatla qiymətləndirməsi ilə bunu əyani sübut
etdi. Gündüz İsmayılova 50 milyon, Yelena Taranovaya 30 milyon manat verildi.
Onların məşqçiləri Vaqif Müsəddiq və Vitali Sotnikov, habelə yarışda iştirak etmiş
bütün komanda üzvləri 10 milyon manat mükafat aldılar.
XXVII Yay Olimpiya Oyunları - ona məqsədyönlü hazırlığın müddəti, yarışların özü
az bir vaxt ərzində görülə biləcək işlərin mümkün ən yüksək həddi idi. İctimai-siyasi,
sosial-iqtisadi dəyişikliklərin təsiri ilə tənəzzülə uğramış idmanımız bu dövrdə intibah
erasına qədəm qoydu. Bu prosesin nübarı Sidneydə dərildi. Elə bu zaman idma-
nımızın sonrakı mərhələdə inkişafına ən böyük təkan verildi. “Dövlətin, hökumətin
hər bir sahədə çox böyük vəzifələri vardır. Əgər biz hansı sahədəsə nəyəsə nail
94
10 il öncə başlanan yol
MOK prezidenti İlham Əliyev Komitənin
III Baş Məclisində Olimpiya mükafatçısı
Vüqar Ələkbərova BOK-un xüsusi
nişanını təqdim edir
ola biliriksə, demək, biz öz borcumuzu yerinə yetirə bilirik. Mən bu gün böyük
qürur hissi ilə deyirəm ki, biz idmana, bədən tərbiyəsinə qayğı göstərərək, millət,
xalq, Vətən qarşısında öz borcumuzu yerinə yetiririk”, - deyən Heydər Əliyevin
dövlətçilikdə idmanımıza olan münasibəti belə idi: “Bu qələbəniz idmana, bədən
tərbiyəsinə daha çox gənc cəlb edəcək; idman daha kütləvi, Azərbaycan gəncliyi
fiziki və mənəvi cəhətdən daha sağlam olacaqdır”.
Nəticə ulu öndərin dedikləri kimi də oldu. Çox keçmədi, Azərbaycanda yeni id-
man qurğularının tikilməsi, sağlamlıq ocaqları sisteminin genişləndirilməsi sürətləndi.
İdmanın cəmiyyətdə müəyyən edilən yüksək statusu hərəkətverici qüvvəyə çevrildi.
Təşkilatçılıq yeni vüsət, yeni güc aldı. Sidneydəki uğurları “Azərbaycanın vahid id-
man ailəsinin bayramı” adlandıran MOK prezidenti İlham Əliyev təvazökarlıqla bu
işdə öz əməyindən heç vaxt söhbət açmır. Əslində məhz onun liderlik keyfiyyətləri
idmanımızın yeni mərhələsinin özülü oldu. İnam və nüfuzu, bilik və bacarığı, ba-
rışdırıcı və birləşdirici mövqeyi ilə Milli Olimpiya Komitəsinin prezidenti özünə ən
böyük mükafatı - idman dünyamızın şəksiz və şəriksiz lideri kimi sevgi və məhəbbəti
qazandırdı. Bunun ən layiqli qiymətini isə ölkə başçısı Heydər Əliyev verdi: “Mil-
li Olimpiya Komitəsi əvvəlki illərdə, təəssüf ki, öz vəzifəsini layiqincə yerinə yetirə
bilmədi. Son illər Milli Olimpiya Komitəsi fəaliyyətini artırıb, genişləndirib, idmançıları,
gəncləri daha da səfərbər edib, həvəsləndirib, onlara yardım göstəribdir. Ona görə
də qələbələri qeyd edərkən Milli Olimpiya Komitəsinin üzvlərinin və onun prezidenti
İlham Əliyevin xüsusi xidmətlərini vurğulamaq lazımdır”. Bəli, bu xidmətlərsiz idmanı-
mızın sıçrayışı, sürət tempi indiki səviyyəyə heç vaxt çata bilməzdi.
Sidney Oyunları yüksək təşkilatçılıq nümunəsi ilə, ideya və bədii zəngin
məzmunu ilə, əsl olimpizm ideyalarının təntənəsi ilə başa çatdı. Beynəlxalq Olimpiya
Komitəsinin prezidenti Xuan Antonio Samaranç bağlanış mərasimində “Sid-ney qa-
lib şəhərdir”, - dedi. Onun Oyunların bağlanış mərasimində Azərbaycan və idman-
çılarımız barədə xüsusi danışması, daha sonra həm ölkə başçısına, həm də MOK
prezidentinə təbrik məktubu göndərməsi ikiqat sevindirici hadisə idi.
Azərbaycan idmançıları “qalib şəhər”dən qalib kimi döndülər. Hələ Milli Olimpi-
ya Komitəsinə prezident seçilərkən ən qısa müddətdə böyük yüksəlişə nail olmaq
istəyən və “Sidneydə bayrağımız yüksəlib himnimiz çalınarsa, mən özümü qalib hiss