Cover press ucun
Yüklə 4,8 Kb. Pdf görüntüsü
|
106 10 il öncə başlanan yol İdman Sarayında Olimpiadaya lisenziya uğrunda yarışdılar. İdmançılarımızdan Rəşad Əhmədov artıq Afina yolçusu olduğundan əsas namizədimiz dünya çem- pionu Niyaməddin Paşayev idi və o, vəzifənin öhdəsindən gəldi. Bundan savayı, Bakıdan qədim ellin yurduna kişi və qadın idmançılar daha 3 çəki dərəcəsində vəsiqə əldə etdilər. Aprelin 27-dən mayın 2-dək Çoudrinin şərəfinə təşkil edilmiş turnirə toplaşan boksçular 6 çəki dərəcəsində 11 lisenziya uğrunda mübarizə apardılar. Doğma rinqdə 4 boksçumuzdan 3-ü Ceyhun Əbiyev (48 kq), Ağası Məm-mədov (54 kq), Əli İsmayılov (81 kq) lisenziya qazandılar və ilk dəfə Azərbaycan Olimpiadaya 9 boksçu ilə yollandı. XXVIII Yay Olimpiya Oyunlarına Azərbaycan 38 idmançı ilə qatıldı. Bu, 4 il əvvəllə müqayisədə 7 lisenziya çox demək idi. 36 vəsiqə mübarizələrdə əldə edildi. Yalnız 2 idmançımız Afinaya xüsusi dəvətlə yollandı. Sidneylə müqayisədə komandamızın bu dəfə yarışacağı proqramların sayı 2 növ artaraq 12-yə çatdı. Heyətə stend və güllə atıcılığı, bədii gimnastika, taekvondo, qılıncoynatmanın sablya növü, sərbəst və yunan-Roma güləşi, boks, cüdo, ağırlıqqaldırma, üzgü- çülük, atletika nümayəndələri daxil idi. Avqustun 4-də olimpiyaçılarımızın yolasalma mərasimi yenə Zuğulbadakı “Gənclik” Beynəlxalq Turizm Mərkəzində keçirildi. 1996-cı ildən bu yana qoyulmuş ənənəyə görə idmançılarımızın xeyir-duası məhz bu məkanda verilirdi. Lakin ilk dəfə tədbir Heydər Əliyevsiz, hər kəsin ürəyinin incə tellərinə toxunan, idmançıları ruhlandırıb mübarizə ovqatı, qələbə ehtirası ilə coşduran sözləri, çöhrəsindəki təbəssüm olmadan keçdi. Hərçənd ümummilli lider kimi qəlblərdə özünə abidə ucaltmış Heydər Əliyevin ölməz ideyaları, fikirləri, böyük irsi, məktəbi, idmançılar və mütəxəssislərin təsdiq etdiyi kimi, hər zaman sönməz mayak təki yolumuza işıq saçacaq, yol göstərəcək, daim irəli səsləyəcək. Elə avqustun 4-də Afinaya yola düşəcək heyət, ölkənin idman ictimaiyyətinin nümayəndələri ilə birgə əvvəlcə Fəxri Xiyabana gedərək, Heydər Əliyevin məzarını ziyarət etdilər. Böyük yola çıxmazdan öncə uluların xatirəsinin yad edilməsi milli adət- ənənəmizin ayrılmaz tərkib hissəsidir. Çünki bir insan keçmişini unudaraq ona hörmət və ehtiramını bildirməsə xeyir tapmaz, irəli gedə bilməz. Elə tədbirdə Olimpiya çempionu Fərid Mansurovun qələbə sevinci 107 çıxış edən sərbəst güləş üzrə məşqçi Yaqub Məmmədovun dedikləri də bunun təsdiqi idi: “Bu gün dahi insanın burada olmaması yalnız şərti xarakter daşıyır. Çünki bütün olimpiyaçılar, bir qayda olaraq, onun xeyir-duasından, atalıq qayğı- sından və diqqətindən bəhrələniblər. Əldə etdiyimiz bütün nailiyyətlər və uğurlar üçün hamılıqla ona borcluyuq”. Ölkə başçısı kimi ilk dəfə yolasalma mərasimində çıxış edən İlham Əliyev idma- nımızın tarixinə qısa nəzər salıb görülən işlərdən söz açdı, onların mahiyyətindən və məqsədindən danışdı. İdman qurumlarının bir-biri ilə ziddiyyətlərdə oldu- ğu ölkələrdən fərqli, Azərbaycanda bütün strukturlar - olimpiya komitəsi, na- zirlik və federasiyaların vahid ailə kimi fəaliyyət göstərməsini uğurlarımızın əsas səbəblərindən hesab etdiyini dilə gətirdi. O, gələcək uğurlarla bağlı fikirlərini də bəyan etdi: “Azərbaycan həqiqi mənada idman dövlətinə, ölkəsinə çevrilmişdir. Azərbaycanda yeni gənc nəsil yetişmişdir. Biz yeniyetmələrin hazırlığına böyük diqqət göstəririk. Əgər yeniyetmə idmanı olmasa, ümumiyyətlə, ölkədə idman inkişaf edə bilməz.” Azərbaycan Prezidenti həmçinin ənənələrin davam etməsi, əsasən qısa sürən idmançı ömrünün Vətənə xidmətdə böyük rolunun layiqincə qiymətləndirilməsi baxımından veteranların cəmiyyətdəki fəxri yerini tutması üçün heç nəyi əsirgəməyəcəyini söyləyib, əməli olaraq, idmançının sosial statu- sunu müəyyənləşdirdi. 2000-2004-cü illərdə ölkədə 8 olimpiya kompleksinin inşa edilməsi, bir sıra idman obyektlərində təmir-bərpa işlərinin görülməsinə “fiziki, mənəvi cəhətdən sağlam yeni nəsil Azərbaycanı gələcəyə aparacaq bir nəsil ola- caqdır” dəyərini verib prioritet məsələləri də diqqətə çatdırdı. “Hər bir ölkənin ictimai həyatında idman çox mühüm rol oynayır. Ölkəni dün- yada tanıdır, ölkənin imicini qaldırır. Mən çox şadam ki, Azərbaycanda idman artıq çox mühüm bir ictimai amilə çevrilibdir,” - deyən prezident İlham Əliyev ölkəmizi beynəlxalq arenada, xüsusən olimpiadalarda təmsil edənlərə münasibətini açıq- ladı: “İdmançılara çox böyük hörmət var, idmançılar Azərbaycanı çox ləyaqətlə təmsil edirlər. Hər bir azərbaycanlı, hər bir Azərbaycan vətəndaşı görəndə ki, onun ölkəsini təmsil edən idmançı birinci olur, dünya çempionu olur; Azərbaycan bayrağı qaldırılır, dövlət himni səslənir, haqlı olaraq, qürur hissi keçirir. Bu, bö- Afina: Çətin sınağın uğurları Prezident İlham Əliyev Olimpiya çempionu Fərid Mansurovu qələbə münasibətilə Afinada təbrik etdi 108 10 il öncə başlanan yol yük sevinc, böyük xoşbəxtlikdir. Mən şübhə etmirəm ki, idmançılarımız Afina Yay Olimpiya Oyunlarında ölkəmizi ləyaqətlə təmsil edəcək və doğma Vətənimizə yeni uğurlar gətirəcəklər.” Dövlətin hər bir idmançıya qayğısının sözdə deyil, əməli işdə sübutunu nü- mayiş etdirən Azərbaycan Prezidenti İlham Əliyev olimpiya komandamızın hər bir üzvünə 15 milyon manat pul mükafatı təqdim etdi. Əlbəttə, Afina medalçıla- rının mükafatları fərqli olacaqdı. Milli Olimpiya Komitəsi fəxri kürsünün ən yüksək pilləsinə yüksələnə 250 milyon, onun məşqçisinə 125 milyon manat veriləcəyi, gümüş medalçıya 150 milyon, məşqçisinə 75, üçüncü yerin sahibinə 100 milyon, məşqçisinə isə 50 milyon manat verəcəkdi. Ölkə başçısının sərəncamına əsasən dövlət çempiona 500 milyon, məşqçisinə 250 milyon; ikinci yeri tutana 250 mil- yon, məşqçisinə 125 milyon; bürünc medalçıya 120 milyon, məşqçisinə isə 60 milyon manat ayırmışdı. Bundan savayı, bir çox şirkət və müəssisələr, iş adamları da Vətənin adını yüksəldəcək idmançılara mükafatlar vəd etmişdilər. XXVIII Yay Olimpiya Oyunlarının keçiriləcəyi Afina şəhərində Azərbaycan mis- siyası fəaliyyətə erkən başladı. Nümayəndə heyətimizin ilk qrupunun gəlişinə ha- zırlıq vaxtından əvvəl görülüb başa çatdırıldı. Təşkilat Komitəsi hər bir komanda üzvünün yerləşdirilməsi, məşq və istirahətinin təşkili kimi bir sıra vacib məsələləri dəqiqləşdirib, fəaliyyət planını hazırladı. Komandamız Yunanıstan paytaxtına 3 qrupda yola salınmalı idi. Avqustun 10-da səhər Heydər Əliyev adına Beynəlxalq Hava Limanında qələbəlik idi. Qəhrəmanlara uğurlar diləmək, qələbələr, arzulamaq, dəstək olub ruhlandırmaq üçün yol ayrıcına elliklə çıxmaq xalqımızın inanclara söykənən ulu adət-ənənəsidir. 4 il əvvəl olduğu kimi, Qafqaz Müsəlmanları Ruhani İdarəsinin rəhbəri Şeyxülis- lam Hacı Allahşükür Paşazadə idmançılara xeyir-duasını verdi, müqəddəs kitab Qurani-Kərimi ilk olaraq səfərə çıxan boks komandamızın lideri Ağası Məmmədova təqdim etdi. Ölkəmizdə fəaliyyət göstərən müxtəlif dünyəvi dini qurumların - xris- tian kilsəsinin, yəhudi icmasının rəhbərləri də idmançılara uğurlar arzuladılar. Elə həmin gün Afinadakı Olimpiya kəndində dövlət bayrağımızın qaldırılma- sı mərasimi oldu. Olimpiya kəndinin meri İoanos Manos komandamıza uğurlar arzulayıb Yunanıstan Milli Olimpiya Komitəsinin xatirə hədiyyəsini nümayəndə heyətimizə təqdim etdi. Merə isə üzərində Azərbaycan Milli Olimpiya Komitəsinin emblemi toxunmuş xalça hədiyyə edildi. Dövlət himnimizin sədaları ilə yüksələn bayrağımız Azərbaycanı 28-ci Oyunların iştirakçıları sırasına daxil etdi. Bəşəriyyəti sülhə, birliyə səsləyib, ən ulu ideyaların tərənnümçüsü olmuş Olim- piya Oyunlarının vətəni 1896-cı ildə böyük yola çıxanlara xeyir-dua verdiyi kimi, aradan 108 il keçəndən sonra yenidən böyük idman ailəsini öz ocağına topla- mışdı. Afinaya rekord sayda - 202 dövlətdən idmançılar təşrif buyurmuşdular. Söz yox ki, onlar arasında Azərbaycanımızın olması da hər birimiz üçün qürurve- rici hadisə idi. “Daha sürətli, daha yüksəyə, daha güclü” devizinə uyğun olaraq, Azərbaycanın da bu yarışlarda öz həyəcan dəqiqələri qarşıda idi. Artıq ölkədə hər kəs bu böyük təntənəyə qoşulan idmançıların əksəriyyətindən uğur gözləyirdi. İdmanımızın qısa müddət ərzində keçdiyi inkişaf yolunun ən böyük göstəricisi də elə bunlardır. Təntənəli açılış mərasimi, təbii ki, qədim Ellada tarixini özündə əks etdirən zəngin və maraqlı bədii proqramla müşayiət olundu. Dünyanın hər bir yanın- da olduğu kimi, Azərbaycan da nümayəndə heyətinin bu möhtəşəm bayrama qoşulmasını - parada çıxmasını gözləyirdi. Budur, ağırlıqqaldırma üzrə dünya çempionu Nizami Paşayev əlində üçrəngli ay-ulduzlu bayrağımızla komandamızın yürüşünə başçılıq edir. “Azərbaycan” sədaları ətrafa yayılır. Bu an dövlət başçı- sı İlham Əliyevin fəxri tribunada Beynəlxalq Olimpiya Komitəsinin prezidenti Jak Yüklə 4,8 Kb. Dostları ilə paylaş:
|