25
Gömrük işinin təşkili ilə əlaqədar SSRİ-nin qəbul etdiyi ilk böyük sənət 25 oktyabr 1924-cü ildə SSRİ
MİK Prezidumımın tərəfindən təsdiq edilmiş “SSRİ-nin Gömrük Nizamnaməsi” idi. Bu Nizamnamə SSRİ MİK
və XK Sovetinin 6 fevral 1925-ci ildə təsdiq edilmişdi.
SSRİ Xarici Ticarət Xalq Komissarlığı 2 fevral 1925-ci il tarixli 22 saylı qərarı ilə Gömrük
İdarələrinin vahid ştat cədvəli təsdiq olundu.
Yeni ştat cədvəlinə görə gömrük idarələrinin strukturu aşağıdakı kimi olmalı idi:
Gömrük İdarəsi:
1. Tarif şöbəsi
2. Smeta-hesablaşma şöbəsi
3. İnzibati-təsərrüfat şöbəsi
4. Statistika şöbəsi
5. Operativ-məhkəmə şöbəsi
6. Qaçaqmalçılıqla mübarizə üzrə şöbə
7. Nəzarət şöbəsi.
Xarici Ticarət Xalq Komissarlığının 02.02.1925-ci il 22 saylı əmri əsasında XTK-nın İşlər İdarəsinin
27 və 40a saylı əmrləri ilə yerlərə icra üçün göndərilmişdir.
SSRİ-nin Yeni Gömrük Nizamnaməsi 53 maddədən ibarət idi. Birinci maddədə deyilirdi:
Maddə 1. SSRİ-nin bütün ərazisində gömrük işinin idarəçiliyi Xarici Tİcarət Xalq Komissarlığına
məxsusdur. Öz vəzifələrini icra etmək üçün Baş Gömrük İdarəsi və digər təşkilatlar və onların yerli idarələri,
habelə xüsusi Əsasnamə ilə fəaliyyət göstərən Gömrük-Tarif Komitəsinin vasitəsi ilə həyata keçirir.
Əsasnamədə göstərilir ki, SSRİ Konstitusiyasının (1924-cü ildə qəbul olunmuşdur) 49 və 51-ci
maddələrinə görə xarici ticarət sahəsində dövlətin inhisarçılıq siyasətini nəzərə alaraq XTX Komissarlığı
yaradılır. Bu komissarlığın əsas vəzifələri - bütünlükdə Sovet İttifaqının qismən isə onun ayrı-ayrı hissələrinin
(yəni respublikaların - red.) maraqlarını nəzərə almaqla, İttifaqın xarici ticarət əlaqələrini inkişaf etdirmək
sahəsində ümumi tədbirlər planı hazırlamaq və həyata keçirmək və gömrük siyasəti məsələlərini hazırlamaqdır.
XTXK-nin tərkibinə xalq komissarında üzvü olduğu Kollegiya və Baş Gömrük İdarələri daxil idi.
XTXK-nin nəzdində Gömrük-Tarif Komitəsi və Qaçaqmalçılığa qarşı mübarizə üzrə Mərkəzi
Komissiya fəaliyyət göstərəcəkdi. Baş Gömrük İdarəsinin vəzifələrinə aşağıdakılar daxil idi:
1) gömrük orqanlarının təşkili və idarə edilməsi;
2) gömrük işi ilə əlaqədar beynəlxalq müqavilələr və konvensiyaların hazırlanmasında iştirak etmək;
3) gömrük tarifinin hazırlanması;
4) qaçaqmalçılığa qarşı mübarizə tədbirlərini hazırlamaq və həyata keçirmək;
5) gömrüklə əlaqədar bütün qanun və təlimatların icrasına nəzarət;
6) gömrük statistikasının aparılması.
İkinci maddədə deyilirdi ki, müttəfiq respublikalardakı gömrük orqanlarının fəaliyyətinə, həmin
respublikaların XKS-in nəzdindəki XTX Komissarlığı nəzarət edir. Müttəfiq respublikanın XTXK-nın
səlahiyyətinə aşağıdakılar aid edilirdi:
1) gömrük işi ilə əlaqədar mərkəzdən göndərilən qanun və qərarların icrasına nəzarət;
2) respublikanın bütün gömrük orqanlarını təftiş etmək;
3) gömrük orqanları ilə digər yerli orqanlar arasındakı narazılıqları lazımi qaydada həll etmək;
4) respublika miqyasında qaçaqmalçılığa qarşı mübarizə tədbirləri hazırlamaq.
Gömrük Nizamnaməsi SSRİ MİK Rəyasət Heyətinin qərarı ilə təsdiqləndi.
Qərarda deyilirdi:
1. SSRİ MİK-nın 25.10.1924-cü il qərarına əsasən SSRİ-nin Gömrük Nizamnaməsi qüvvəyə minsin.
2. “SSRİ və Müttəfiq Respublikaların Cinayət qanunvericiliyinin əsasları” haqqında qanunun (SSRİ
Qanunlar toplusu, 1924, №24, 6.205) 3-cü maddəsinə əsasən müttəfiq respublikaların İcrayyə Komitələri
qaçaqmalçılığa qarşı mübarizə tədbirləri ilə bağlı cinayət məcəlləsinə müvafiq maddələri əlavə etsinlər.
3. SSRİ MİK-in Rəyasət Heyətinin 12.12.1924-cü ildə qəbul etdiyi SSRİ-nin Gömrük Nizamnaməsi,
yerli gömrük orqanlarına daxil olduğu gündən hüquqi qüvvəyə malik olur.
Gömrük Nizamnaməsinin qüvvəyə minməsi ilə əlaqədar olaraq RSFSR XKS-in qəbul etdiyi qərarlar
qüvvədən düşmüşdür. Eyni zamanda Gömrük Məcəlləsi də qəbul olundu. Yeni Məcəllə isə gömrük işi ilə bağlı
bütün səlahiyyətlər vahid mərkəzdə cəmləşdirildi. Ümumiyyətlə, Mərkəzin yürütdüyü siyasətin əsas məqsədi
milli kadrların yetişdirilməsinə mane olmaq, milli sərvətlərdən əldə olunan gəlirləri mənimsəmək, yerlərdə
gömrük işini bütünlüklə nəzarətə götürmək, milli olmayan kadrları rəhbər vəzifələrə təyin etmək və s. idi.
Sizə bir neçə sənədi təqdim edirik. Birinci sənəd 11.04.1927-ci il tarixli AK (b) firkəsinin Mərkəzi
Komitəsinin tam məxfi qərarıdır (şəkil 20).
Sənədə diqqətlə baxsanız görərsiniz ki, orada cəmi 2 başlıq azəri türkcəsidir. Vəzifədən çıxarılanda,
vəzifəyə gətirilən də, təqdim edən də tamamilə başqalarıdır.
26
Şəkil 20.
İkinci sənəd AKP (b) MK Prezidumunun 03.08.1927-ci il tarixli 93 saylı Protokoludur (şəkil 21).
Protokol №93
1. İştirak edirlər: MK RH-nın üzvləri - Ağaverdiyev, Qarayev, Q.qasımov, N,Rzayev
AKP (b) MK-nın üzvləri - Əsəd Qarayev, Məmmədxanov, Mir Salayev
Qəzet redakatoru - Trinis
MK-nın şöbə müdirləri: Avakyan, Baskakov, Qlebov, Qolçsev, Müzəfər, Şlemova
Şəkil 21.
Sədr: yoldaş Qarayev
Dinlənildi: Azərbaycan Gömrük İdarəsinin rəisi barədə (müh. yol. Qarayev)
Qərara alındı: a) Zəqafqaziya Baş Gömrük İdarəsinin təklifi ilə Freyman Zaqafqaziya BGİ-nin
sərəncamına göndərilsin.
b) Freymanın əvəzinə Azərbaycan Gömrük İdarəsinə yoldaş Sumbatov rəis təsdiqlənsin.
c) Bu məsələ təsdiq üçün Zaqafqaziya ÜKP (b)-yə göndərilsin.
Gördüyünüz kimi mərkəz bir qeyri-türkün əvəzinə başqa bir erməni göndərir. İclasda iştirak edən AKP
(b) MK-nın şöbə müdirindən yalnız biri müsəlmandır. Bu siyasət sonrakı illərdə də davam edib.
Sizlərə heç bir
şərh vermədən laha 2 sənədi təqdim edirik. Bunlardan biri 02.11.1928-ci ildə MK-ya ünvanlanmış teleqram
(şəkil 22), digəri isə 14.09.1932-ci ildə MK-ya ünvanlanmış başqa bir teleqramdır (şəkil 23). Aradan 4 il
keçməsinə baxmayaraq Mərkəzin siyasətində heç bir dəyişikliyin olmadığını sizlər də şahidi oldunuz.
Məhz Moskvanın yürütdüyü siyasətin nəticəsi idi ki, Azərbaycanın gömrük orqanlarında
yaradılmasından keçən 120 il ərzində heç nə dəyişilməmişdi. Əmin olmağınız üçün Bakı gömrükxanasının 22
sentyabr 1928-ci il tarixinə olan şəxsi heyətinin siyahısını təqdim edirik (şəkil 24).
Bu siyahıda işçilərin milliyyəti ilə bərabər, onların sosial mənşəyi də göstərilib. 39 nəfər şəxsi heyətin
cəmisi 7-si türkdür ki, onlardan da 3-ü kuryer, biri hesabdar, biri dəftərxana şöbəsinin müdiri (içərilərində ən
böyük vəzifəsi olan da elə bu şəxsdir - müəllif.), biri inspektor, biri isə ekspeditordur. Məhkəmə müsadirə
şöbəsində bir nəfər də türk yoxdur. Mühasibat şöbəsindəki 11 nəfərdən biri türkdür. Çalışan 7 nəfər türkdən 4-ü
bilavasitə İnzibati-təssərüfat şöbəsində çalışır. Həmin şöbənin isə gömrük işinin təşkili və idarəedilməsi ilə
bağlılığı ən sonuncu yerlərdən birini tutur. Rusiya İmperiyasının siyasətində bu xətt ötən əsrin 70-ci illərinə
qədər davam etmişdir.
İlk “Gömrük Məcəlləsi” 1928-ci ildə hazırlanmış və qəbul olunmuşdur. Həmin vaxt bütünlükdə
gömrük işlərinə 23 fevral 1922-ci ildən fəaliyyət göstərən Gömrük Tarif Komitəsi rəhbərlik edirdi.
1929-cu ildən gömrükxanaların fəaliyyəti Mərkəzi İcraiyyə Komitəsinin və Xalq Komissarları
Şurasının 19 dekabr 1928-ci il tarixli müvafiq qərarı ilə tənzimləndi və əsas məsələlər kimi aşağıdakılar nəzərdə
tutulurdu:
a) sərhədi keçən sərnişinlərin, baqajların, yüklərin və nəqliyyat vasitələrinin müayinəsi və onların
buraxılması;
b) xarici ticarət inhisarçılığı haqqında qanunun yerinə yetirilməsinə faktiki nəzarət;
Şəkil 22.
c) qaçaqmalçılığın müəyyən edilməsi və tutulması; qaçaqmalçılıq barədə işlərin həll edilməsi;
ç) yük və sərnişinlərin dövlət sərhədini keçdiyi anda gömrük rüsum və yığımlarının hesablanması və
tutulması.
1946-cı ilin əvvəlində Bakı gömrükxanasının strukturu genişləndirildi və aşağıdakı kimi oldu:
1) Ümumi şöbə;
2) Mühasibat;
3) Məhkəmə - müsadirə şöbəsi;
4) Yük şöbəsi;