17
9. Bakı
10. Duvanı
11. Ələt
12. Kür Burnu (Kür Kosa)
13. Sara adası
14. Lənkəran
15. Şıx-Ağac
Vaxtilə Azərbaycan Respublikasının sərhəd məntəqələri açdığı yerlərdə təxminən 80 il sonra Dövlət
Gömrük Komitəsinin rəhbərliyi gömrükxana və gömrük postları açdılar.
Gömrük işinin təşkilini daha da yaxşılaşdırmaq üçün Azərbaycan Respublikası gömrük işçilərinin say
tərkibi artırıldı. Ştat cədvəlinə görə 1920-ci ildə gömrük işçilərinin sayı 336 nəfərə çatdırıldı. Yeni smetada
gömrük işçilərinin əmək haqları nəzərə çarpacaq dərəcədə artırıldı. Əgər 1919-cu ildə gömrük yoxlayıcısının
aylıq əmək haqqı 5880 rubl idisə, 1920-ci ilin ştat cədvəlində məvacib 3 dəfədən çox artırılıb 18000 rubla
çatdırılmışdır. 3-cü dərəcəli nəzarətçinin əmək haqqı isə 12125 rubldan 30 min rubla çatdırılmışdır.
II dərəcəli gömrükxana rəislərinin əmək haqqı 12750 rubldan 30 min rubla, III dərəcəli gömrükxana
rəislərinin məvacibi isə 10466 rubldan 25400 rubla çatdırılmışdır. Gömrük postlarının rəislərinin əmək haqqı isə
9432 rubldan 24 min rubla çatdırılmışdır. Bütün bunlardan başqa ilk dəfə olaraq Azərbaycan Dəniz yolu
xəttində Xaçmaz, Saqırı (Sığırlı), Yevlax, Hacıqabul və Gəncə stansiyalarında xüsusi gömrük nəzarətçiləri
ştatları (Müfəttiş, 2 nəfər - aylıq əmək haqqı 34 800 rubl, 5 nəzarətçi - aylıq əmək haqqı 30 000 rubl və 10
gömrük yoxlayıcısı - aylıq əmək haqqı 18000 rubl) ayrıldı.
1920-ci ilin fevral ayının 26-da Maliyyə Nazirliyi Azərbaycan ərazisindən tranzit keçirilən xalçalara
gömrük rüsumları müəyyən etdi. Bu Azərbaycan Respublikasının 23 aylıq fəaliyyəti ərzində Hökumətin gömrük
işinin təşkili və idarə edilməsi sahəsində son qərarı oldu. Çünki təxminən iki aya yaxın müddətdən sonra, dövlət
çevrilişi nəticəsində hakimiyyət kommunistlərin əlinə keçdi. Lakin qısa müddət ərzində hakimiyyət çox şərəfli
bir yol keçdi və ölkənin iqtisadi inkişafı sahəsində kifayət qədər lazımlı Qərar, Sərəncam və Qanunlar qəbul
etdi. Bir məsələni qeyd etmək istərdik ki, Azərbaycan Respublikasının 1918-20-ci illərdə yürütdüyü iqtisadi
siyasət haqqında, arxiv sənədləri əsasında ilk dəfədir ki, bu qədər ətraflı məlumat verilir. Milli tariximizin qısa
bir kəsiminə azacıq da olsa işıqlandıra bildiksə, bu şərəf bizlərə yetər.
1919-cu ilin martında F.Xoyski hökuməti istefa verdikdən sonra, N.Yusifbəyli Baş nazir (14 aprel
1919) oldu. Nəsib bəy parlamentdə hökumətin yeni proqramı ilə çıxış edərək, digər sahələrlə yanaşı qonşu
dövlətlərlə ilk iqtisadi əlaqələr yaradılmasını da xüsusi qeyd etmişdir. Lakin 1920-ci ilin Aprel inqilabı bu
siyasətin başa çatdırılmasına imkan vermədi.
18
AZƏRBAYCAN SOVET SOSİALİST RESPUBLİKASININ
GÖMRÜK TARİXİ
28 aprel dövlət çevrilişindən sonra Rusiyanın Azərbaycana olan marağı yenidən gündəmə gəldi.
Maraqlısı odur ki, indiyə qədər bəzi tarixçilər bizdə belə fikir formalaşdırmışdılar ki,
guya hakimiyyətə gələn
kommunistlər Azərbaycanı Rusiyaya təhvil veriblər. Lakin Rusiya Dövlət İqtisad Arxivindən (əvvəllər Oktyabr
İnqilabı adına Mərkəzi Dövlət Arxivi, sonra isə SSRİ Xalq Təsərrüfatının Mərkəzi Dövlət Arxivi adlanırdı) əldə
etdiyimiz materiallar bunun əksini deyir (Fond 413, siyahı 14, qorunma vahidi 68).
23 avqust 1920-ci ildə Moskvaya Xarici Ticarət Komissarına göndərilən gizli teleqramda deyilirdi:
1728/28 151
Azərbaycanda yaranmış vəziyyəti xəbər verirəm. Hakimiyyətə gələnlər sərbəst xarici ticarət siyasəti
yürüdür və Qərbi Avropa firmaları ilə Rusiyanı xəbərdar etmədən müqavilə bağlayırlar. Bu halda qiymətli
xammal olan neft məhsulları, pambıq, yun və s. çox asanlıqla düşmənlərimizin əlinə keçəcəkdir. İlkin olaraq
Azərbaycan Dəniz yoluna daxil olan Yalama stansiyasını Rusiyanın Petrovsk stansiyasının tabeçiliyinə vermək
lazımdır ki, biz Rusiyanın vahid ticarət siyasətini yürüdə bilək. Bu məqsədlə Rostov Baş Gömrük İdarəsinin
əməkdaşı Bakı gömrükxanası ilə danışıqlar aparmaq və vəziyyəti yerində araşdırmaq üçün iyul ayının 9-dan
Bakıdadır.
Qarçakov 1630
Teleqramdan göründüyü kimi Rusiya Azərbaycanın iqtisadi məkanına sahiblik etmək istəyirdi. 2
sentyabr 1920-ci ildə Gömrük Nəzarəti Baş İdarəsinin rəis əvəzi Polikovun Xarici İşlər Komissarlığının iqtisadi-
hüquq şöbəsinə göndərdiyi sorğuda (№1015/II) deyilirdi:
Gömrük Nəzarəti Baş İdarəsi Sizdən xahiş edir ki, Azərbaycan hansı şərtlər çərçivəsində Rusiya Sovet
Federativ Respublikasının tərkibinə daxildir.
Xarici İşlər Xalq Komissarlığının İqtisadi-hüquq şöbəsinin müdirir Paşukanisin cavabında göstərilirdi:
Sizin 2.IX.1920-ci il tarixli 1015/II saylı sorğunuza cavab olaraq bildiririk ki, Azərbaycan RSFSR-in
tərkibinə daxil olmayıb (10 sentyabr 1920, №2034/pr.).
Bakıya göndərilən Cənub Gömrük Dairəsinin müfəttişi A.S.Snejkovun 6.IX.1920-ci il tarixli Raportu
(daxil olma №1338) Rusiya siyasətinin əslində necəliyinə dəlaoət edir. Raport 3 səhifədən ibarət olduğu üçün
ixtisarla Sizlərə təqdim edirik.
Raport
16 iyul tarixli 946 saylı göndəriş əsasında Bakıya gəldim və Azərbaycan Respublikası Gömrük
İdarəsinin rəisi A.T.Qolovuya ilə tanış oldum. O bildirdi ki, Maliyyə Komissarlığının razılığı olmadan gömrük
təşkilatı Cənub Dairəsinin tabeçiliyinə keçə bilməz. Sonra mənim müraciət etdiyim Maliyyə Komissarı Tağıyev
elan etdi ki, Azərbaycan Hökuməti ASSR müstəqnil Respublika hesab edir, Federasiya ilə deyil Sovet Rusiyası
ilə dostluq münasibətlərinin qurulmasına xüsusi önəm verir. Nazir bildirdi ki, Rusiya Xalq Komissarları
Sovetinin (XKS) sədri V.Lenin Azərğaycan XKS-in sədri N.Nərimanova həm şifahi şəkildə, həm də
Azərbaycanda Sovet hakimiyyətinin qurulması ilə bağlı göndərdiyi teleqramda bu barədə söz vermişdir
(Raporta teleqramın surəti əlavə olunur).
.... Öyrəndim ki, Xarici Ticarət Xalq Komissarlığının səlahiyyətli nümayəndəsi yoldaş Qarçakov İrana
gedərkən N.Nərimanovla görüşüb. O mənə dedi ki, Azərbaycanın nümayəndə heyəti Hüseynovun rəhbərliyi
altında Moskvaya yola düşmüşdür. Onlar qayıtdıqdan sonra N.Nərimanov öz fikrini bildirəcək. Səhərisi gün
Maliyyə Xalq Komissarı Tağıyev mənə xəbər göndərdi ki, Bakını tərk edə bilərsiniz. Çünki ASSR müstəqil ölkə
kimi Rusiya tərəfindən tanınıb. Mən Qarçakovdan xahiş etdim ki, o XKS sədri N.Nərimanovdan Azərbaycan
hökümətinin bu məsələ ilə bağlı mövqeyini yazılı şəkildə tələb etsin. Lakin Qarçakov bu təklifi yersiz hesab
etdi.
Vaxtın uzanmasından istifadə edərək Azərbaycanın gömrük təşkilatları, onların
tərkibi və fəaliyyət
xarakteri və s. kimi tələb olunan məlumatları topladım ki, Azərbaycan təşkilatları cənub dairəsinin tərkibinə
daxil edildikdə təkrar gəlməyə ehtiyac olmasın və təşkilata sirkulyar göstərişlər verərkən bütün səhvlər istisna
olunsun.
... Azərbaycanla Ermənistan arasında sərhəd dəqiqləşdirilməyib, daimi olaraq toqquşma və hərbi
müdaxilə baş verir. Bundan əlavə, Azərbaycana məxsus Naxçıvan qəzasız ermənilərin nəzarəti altında olan
ərazilər arasında adam xatırladır və mərkəzlə əlaqəsi Ermənistanda olan diplomatik nümayəndəlik vasitəsi ilə
həyata keçirilir.