15
funtadək, çay - 0,25 funtadək, qənd və kürü - 1 funtadək, yumurta 10 dənə, çaxır və digər içkilər 2 butulka, yol
üçün lazım ola bilən qədər ev əşyaları. Göstərilənlərdən artıq olanlar müsadirə ediləcək.
Ölkə sərhədindən 30 verst aralı sahədə hərəkət azaddır. Nazirliyin razılığı olmadan bu zonaya
keçirilən bütün mallar qaçaqmalı kimi müsadirə olunacaq.
Bu qəbildən olan malların 30 verstlik sərhəd zolağında saxlanması və ya daşınması yalnız yerli
administrasiyaya bəyan etdikdən sonra mümkündür.
Ölkənin sərhədləri boyu yerləşən gömrükxanalarda gömrük işinin daha da yaxşılaşdırılması üçün
Maliyyə Nazirliyi lazımi işləri görürdü. Belə ki, 17 avqust 1919-cu ildə Nazirliyə daxil olan 451 saylı məktubda
Bakı, Akstafa, Balakən və Yalama gömrükxanalarına lazım olan tərəziləri (həm kiçik və həm də böyük) və
kerosin lampalarını (4 ədəd “Çudo”) almaq üçün 33 min rubl kredit tələb olunurdu. Lakin Hökumət daha fərqli
qərar qəbul etdi.
Azərbaycan Respublikası Hökumətinin 8 sentyabr 1919-cu ildə qəbul etdiyi qərardan çıxarışda
göstərilirdi:
Azərbaycan Respublikası Hökumətinin 08.09.1919-cu il qərarından
Çıxarış
Dinlənildi:
Akstafa, Bakı, Yalama və Balakən gömrükxanalarına lazım olan 26 min rubl dəyərində tərəzi və
lampaların alınmasından ötrü 1919-cu ilin xərclər smetasında dəyişik edilməsi haqqında Maliyyə Nazirinin
məruzəsi.
Qərara alındı:
Maliyyə nazirinə Bakı, Akstafa, Yalama və Balakən gömrükxanalarının xərclər smetasına aşağıdakı
dəyişiklər edilsin:
1) BĞakı gömrükxanasının 1919-cu il xərclər smetasına, 2 tərəzi almaq üçün 4000 rubl;
2) Akstafa gömrükxanasına 2 tərəzi və “Çudo” lampası almaq üçün xərclər smetasına 7750 rubl;
3) Yalama gömrükxanasına 1 tərəzi və 2 “Çudo” lampası almaq üçün xərclər smetasına 6500 rubl;
4) Balakən gömrükxanasına 2 tərəzi və 1 “Çudo” oampası almaq üçün xərclər smetasına 7750 rubl.
Ştampda 13 sentyabr 1919-cu il, giriş nömrəsi 7894 göstərilmişdir.
Sənədlərdən göründüyü kimi Hökumət 33 min rubl kredit ayırmaq əvəzinə, daha səmərəli yolu seçmiş
və 7 min rubl artıq xərcdən qaça bilmişdir.
8 sentyabr 1919-cu il tarixli başqa bir qərarla Azərbaycan Hökuməti Akstafa gömrükxanasında
müsadirə olunmuş xam parça Ticarət, Sənaye və Maliyyə Nazirliyinin sərəncamına verilmişdir. Müsadirə
olunan 184 top (5527 arşın) parça Maliyyə, Nəzarət və Ticarət, Sənaye və Ərzaq Nazirliklərinin işçilərinə
satmaq üçün xüsusi komissiya vasitəsi ilə verilmişdir. Qərarda göstərilir ki, satışdan əldə olunan bütün vəsait
Akstafa gömrükxanasının sərəncamına verilməlidir.
Azərbaycan Respublikasının Hökuməti ölkənin iqtisadi dayanıqlığını təmin etmək, daxili bazarını
qorumaq və ölkəyə lazım olan malların qanunsuz çıxarılmasının qarşısını almaq sahəsində əməli işlərini davam
etdirirdi. 29 oktyabr 1919-cu ildə tərtib olunmuş Azərbaycanın sərhəd mühafizəsinin sxematik xəritəsi çox
önəmlidir (şəkil 15).
Birincisi, bu xəritə-sxemdə Azərbaycan Respublikasının həmin tarixə olan sərhədləri öz əksini
tapmışdır. İkincisi, bu xəritə-sxemin ölkəni qonşu ölkələrlə, xüsusən də Ermənistan və Gürcüstanla olan sərhəd
dəqiqləşdirilmələrində çox vacibdir. Nəzərə alsaq ki, Ermənistanın işğal etdiyi ərazilər yaxın tarix baxımından
tamamilə Azərbaycan sərhədləri daxilində idi. Xəritə-sxemdəki şərti işarələr əsasında Gürcüstan, Ermənistan,
İran və sahil zonasındakı açıq və qapalı sərhəd zastavalarının və nəzarət dəstələrinin məntəqələrini
müəyyənləşdirmək olar.
Gürcüstan sərhədi boyu olan sərhəd məntəqələri aşağıdakılardır:
Açıq məntəqələr
1. Mazımçay
2. Podarçay
3. Souxçay
4. İlginçay
5. Bostim-Binə
6. Çardaxlı
7. Muğanlı
8. Podar
9. Lələli
10. Almalıq
16
11. Gakürlü
Bağlı məntəqələr, yəni açılması planlaşdırılanlar
1. Qaraca Mirli
2. Tarl-Delan
3. Karaskım
4. Aşağı Bayramlı
5. Mula-Kulu
6. Poylu
7. Salahlı
8. Aslanbəyli
9. Qırmızı körpü
Maraqlı olan odur ki, Ermənistanla sərhəd boyu bütün sərhəd məntəqələri bağlı şəkildə nəzərdə
tutulmuş, yəni sərhədboyu heç bir gömrükxana və gömrük postunun açılmaması qərara alınmışdır. Sərhəd
məntəqələri açılacaq kəndlərə diqqət yetirsək, onda bir çox məsələlər aydınlıq gətirə bilərik. Belə ki, indi
Ermənistanla sərhəddə olan Kəmərli kəndi o zaman daha çox içəridə olmuşdur.
Ermənistanla sərhəd boyu aşağıdakı məntəqələr yerləşirdi:
1. Kəmərli
2. Parazlı
3. Qızıl Hacılı
4. Əksi-Barı (Əskipara)
5. Çaxmaxlı
6. Hətəmağalı
7. Əlibəyli
8. Yuxarı Ağdam
9. Aşağı Ağdam
10. Eldar
11. Şınıx-Ayrum
12. Dilican
13. Palad-Ayrum
14. Mixaylovka
15. Aşağı Saratovka
16. Quşçu Dərəsi
17. Böyük Məzrə
18. Alagöl
19. Arpa
Xəritə-sxemdən göründüyü kimi, Naxçıvan Azərbaycandan ayrı deyildir və Ermənistanın İranla heç
bir sərhədi yoxdur. General-qubernatorluq isə Şuşa şəhərində yerləşirdi. Naxçıvanın Türkiyə ilə sərhədində
Nuraşen (indiki Sədərək) məntəqəsi var idi.
İranla sərhəd boyu aşağıdakı məntəqələr var idi:
1. Alışarı
2. Şahtaxtı
3. Nehrəm
4. Yayıcı
5. Ordubad
6. Culfa
7. Əlidərə
İranla sərhədboyu Bartazdan Astaraya qədər 25 məntəqə yerləşirdi ki, bunların çoxunda
gömrükxanalar və gömrük postları nəzərdə tutulmuşdur.
Xəzər dənizinin sahili boyu isə şimaldan cənuba qədər aşağıdakı mənbələr:
1. Məhərrəmkənd
2. Mixaylovka
3. Qızıl-Burun
4. Giləzi
5. Yaşma
6. Buzovna
7. Abşeron
8. Zığ