104
Quyu
Bizdə kəramətli Ağalar çoxdu. Mir Həsən Ağa hələ
onun kəramətinin əlaməti nədi. Yəni camaat onu Xırmandalı-
da deyib arabaynan gəliblər ki, aparsınlar. Ağa deyib, siz ge-
din, mən gələrəm. Arabaynan gələnlər gəlir görür ki, Ağa bur-
dadı. Məmmədxanlı camaatı deyib, ay Ağa, bizim suya ehti-
yacımız var. Kənd əhli yalvarır ki, ağa, cəddinə qurban olaq,
suyumuz qəhətə çıxıb. Deyir, ağa dua oxuyub, sonra üzünü
camaata tutub deyir ki, məni qovun, harda yorulub yıxılsam,
orda quyu qazarsız, su olar. Ağanı qovurlar, qovurlar, yıxılır.
Orda quyu qazırlar, su çıxır.
Oğru
Mir Həsən Ağanın kəramətləri nədi. Yenə bir gün onun
həyətinə oğru girir, soğan oğruluğuna. Deyirlər ki, ay Ağa, oğ-
ru girib soğanlığa. Deyib, ola bilməz. Gəlib baxır görür ki, so-
ğanı dəriblər. Həyətin də hər tərəfi kolluğdu. Deyib oğru üçün:
ay bala, ay bala, sən nə əziyyət çəkmisən. Halal xoşun olsun.
Sərçələr
Mir Həsən Ağa öz evində ata-baba ocağında məhərrəm-
likdə, qədr gecələrində həmişə ehsan verərmiş. Mötəbər adam-
lar, ağanı sevənlər ağaya divarlarında quşlar yuva salan köhnə
evini söküb, yerində təzəsini tikməyi məsləhət görərmiş.
Mir Həsən Ağanın sora istiyiblər ki, evini söküb təzəli-
yələr. Onun da evində hələ çalğı çalınmıyıb. Deyirlər ki, gəl,
105
ay Ağa, köhnə evdi də, qədimnən qalmadı, gəl bunu sökək,
təzəliyək. Deyir:
– Yaxşı təzələdiz, bəs bu sərçələrin yuvaları hara gedəcək?
Qoymuyub ona təzə ev tikməyə.
Maşın yerindən tərpənmir
30-cu illərdə mömin adamların başı çox müsibət çəkib.
Ürəklərində Allah xofu olmayanlar, rühanilərimizi, seyidləri-
mizi izləyib, çoxunu sürgünə göndərib vətəndən didərgin
salıblar. Bir gün NKVD işçiləri Mir Həsən ağanı dini təbliğ
etdiyi üçün günühlandırıb, maşınla harasa aparmaq istəyirlər.
Maşın yerindən tərpənmir. Ağanı düşürürlər. Maşın işə düşür,
ağanı mindirirlər maşın işə düşmür. Qərəz, bu möcüzə bir ne-
çə dəfə təkrar olunduqdan sonra gələnlər:
– Biz səni görməmişik, – deyə kor-peşiman geri qayıdırlar.
Mir Həsən Ağanın mərhəməti
Nəql edirlər ki, Mir Həsən Ağa yolu çox vaxt pay-piyada
gedərmiş. Rastına çıxan daşları götürüb, yolun kənarına qoyar-
mış. Ağa yol adamı kimi, yol quşunun da bu daşlardan zərər
görməsini istəməzmiş. Ağa adamları günah işlərdən çəkindirər,
onlara öz davranışı ilə ibrət dərsi verir, qəlblərində ədəb-ərkan
çırağı yandırardı. Bir dəfə ağanı üstü açıq arabasında aparan
şəxs öz atını bərk qamçılayır, ürəyi soyumur, hələ bir söyür də.
Ağa deyir:
– Bala, arabanı saxla!
Və düşür. Deyir:
– Sür get! Mən piyada gedərəm!
106
Arabaçı peşimançılıqla dillənir ki, ay ağa, olmaya xət-
rinə dəydim? Ağa deyir ki, rəhmətliyin oğlu, bu at sənə nə
pislik edib? Həm döyürsən, həm də söyürsən. Evinə suyu,
out, ruzini atla gətirmirsənmi? Deyilənlərə görə həmin adam
bu hadisədən sonra özü ilə qırmanc gəzdirməyi belə tərk edib.
Masallı Qala bazarını gəzərkən və ya qonşu rayonlara gedən-
də verilən nəzir-niyazları Mir Həsən Ağa həmin anda kim-
səsizlərə və imkansızlara paylayarmış.
Pul saxla
Bir dəfə onunla uzaqdan gələn bir adam Ağanın səxavətin-
dən və alicənablığından heyrətə gəlib deyir ki, Cəddinə qurban
olum, ay ağa, elə et ki, heç olmasa günorta yeməyə pul saxla!
Gəmiricilərin dəfi
Atamın başına gələndən danışım. Atam şəhərdə işləyən-
də diyir ki, İrandan Azərbaycana humanitar yardım gətirmiş-
dilər: xurma, kişmiş. Bizə göstəriş verilmişdi ki, buları uşaq
evlərinə paylamaq lazımdır. O vaxt güclü nəzarət altında idi,
represiya dövrü idi. Hətta bir gilə kişmiş mən cibimdən götürə
bilməzdim, yolda yoxlayırdılar. Atam diyir ki, bir gün ambara
baxdım gördüm ki, siçan, mışovul xurmanı yeyir.
Getdim dedim indiki milis yox, NKVD olub. NKVD-yə
didim, NKVD dedi, sən qorumalısan. Mən necə qoruya bilər-
dim? Qaldım belənçiy, gəldim beşdiy taxtalar varıydı, oların
içinə yığdığ, gənə də heç nə olmadı. Dedilər, siçanın mışovu-
lun qabağın almasan, səni tutacuğ. Diyir ki, qorxurdum ki,
məni tutub aparacağlar. Dayanmışdım. Gördüm Mir Həsən
107
Ağa gəlir, tez özümü yığışdırdım. Ağa yaxınlaşanda salam
verdim. Ağa məndən soruşdu:
– Nəyə narahatsan?
Mən demək istəmədim. Ağa dedi:
– A bala, mən bilirəm. Mən istəyirəm ki, sənin öz dilin-
dən eşidim. Gördüm Ağa bilir hər şeyi. Mən danışdım Ağaya.
Ağa dedi ki, narahat olma. Əlində əsa vardı. Atam diyir ki,
həmən əsanı binanın ətrafına gəzə-gəzə əfsun oxuyurdu. Əf-
sun oxuya-oxuya yeri cızırdı. Binanın dörd tərəfinə oxudu.
Qapıya çatanda didi ki, get, rahat yat. Sən qorxub eləmə, mən
özüm gedib danışaram. Atam didi, ağa diyəndən sora qarolçu-
ya təhvil verdim. Səhər gələndə hər dəfə qarolçu məni qarşıla-
yırdı. Gördüm bu, yoxdu. Bu vaxtı bu yatmazdı. Mən gələndə
həmişə ayığ olurdu. Gəldim soruşdum, dedim, nolub?
Dedi:
– Axşam siz gedəndən sora göy gurulladı.
Dedim:
– Gedim baxım, yoxladım binanı, sora gəlim girim içəri.
Helə göy gurullamamışdı. İldırım çaxdı. Yer işıqlanmağıynan
gördüm bir sürü pişik böyüklükdə ala-bula pişiyə oxşar şey-
lərdi, cumur qapılara. Bir dəstəsi gedirdi. Məni vahimə bürü-
dü səhərə kimi çıxmamışam ambardan. Getdik gördük ki, am-
barın qabağında siçanlardı ölüb. Bundan başa düşdük ki, bu
ağanın möcüzəsidi. Atam NKBD-ni çağırıb. Olar görüb ki,
yaxşı bir şey var. Sora o yeri məçid elədilər.
Mir Həsən Ağanın inək satmağı
Mir Həsən Ağa o vaxtlar Masallının kəndlərini gəzər-
miş. Hacıtəpə kəndində savadlı ədəbiyyat müəllimi (indi rəh-
Dostları ilə paylaş: |