Damğalar, rəmzlər… mənimsəmələr
- 278 -
siyasi maraqların girovu olan subyektiv ideoloji vasitəyə çevrilir.
Həqiqətən də, tarix vicdanlı alimlərin axtardıqları irfani yoldur. Onun da
öz «övliyaları», «pirləri», hətta «iblisləri» var. «Nəzarətdən çıxan», saxta-
laşdır
ılan tarix isə məkrli siyasətçilərin əlində təsirli silahıdır. Rusiya və
Ermənistanda isə bu silah Azərbaycanın tarixi torpaqlarına iddiaların formalaş-
masına, o cümlədən Qafqaz Albaniyasının maddi-mənəvi irsinin, dövlətçilik
ənənələrinin mənimsənilməsinə yönəldilmişdir. Şərti olaraq «Qafqaz Alba-
niyası
» adlandırılan dövlət eramızdan əvvəl təqribən IV-III əsrlərdən eramı-
zın VIII əsrinədək tarixi Azərbaycan ərazilərində mövcud olmuş və müasir
Ermənistan Respublikasını, Gürcüstanın və Dağıstanın cənub hissələrini əhatə
etmişdir. Qafqaz Albaniyasının
etnik mənsubiyyəti və inancları ətrafında
müzakirələr bu gün obyektiv elmi araşdırma çərçivəsindən kənara çıxaraq,
geosiyasi və etnosiyasi maraqlar səviyyəsinə qalxmışdır. Bu günün geosiyasi
reallıqları bu mövzunun həm də xarici qüvvələrin əlində Azərbaycana qarşı
separatçılıq və əsassız ərazi iddialarının ödənilməsi vasitəsi olduğunu göstərir.
Antik tarixçi Strabonun məlumatına görə, Qafqaz Albaniyasının əhalisi 26
dildə danışan tayfalardan ibarət idi. Eramızın ilk əsrlərindən başlayaraq, sa-
sani hökmdarlarının göstərişi ilə əraziyə bir sıra irandilli tayfalar köçürülmüş
və elə həmin ərəfədə isə şimaldan - Dərbənd keçidindən hunların, subarların,
xəzərlərin, barsillərin və digər türkdilli xalq və tayfaların cənuba doğru növbəti
miqrasiyası başlanmışdır. Xüsusən də, döyüşkən subar (suvar) tayfaları Al-
baniyanın içərilərinə doğru irəliləyərək, onun qədim paytaxtı Qəbələ şəhəri
ətrafında məskunlaşmışdılar. Buna görə də ilkin orta əsrlərə aid mənbələrdə
bu şəhər «Qəbələ-Subar» da adlandırılırdı. Ərəblərin regiona yürüşünə qədər
ölkə əhalisi üç etnik qrupdan – türkdilli, qafqazdilli və irandilli əhalidən ibarət
idi. Buna baxmayaraq, S.Yeremyan, A.Mnasatakanyan, A.Babaxanyan kimi
erməni tarixçilərinin iddialarına görə, guya V əsrin sonlarından etibarən ölkə
əhalisinin böyük hissəsi erməniləşmiş, «işğalçı türk tayfaları» isə Qafqaza və
Cənubi Qafqaza ən yaxşı halda VIII əsrdə ayaq basmışlar.
Əbülqazi Bahadur xan Xivəli «Şəcərəyi-Tərakimə» əsərində (1660-cı il)
yazırdı: «
Oğuz xan dövründən Çingiz xan zamanına kimi Tın (Don), İdil
(İtil, Volqa)
və Yaik çayları arasında yerləşən Qıpçaq ölkəsindən başqa
diyar yox idi. Onlar bu ölkədə dörd min il yaşamışlar. Buna görə də bu
torpaq «Dəşti-Qıpçaq» (Qıpçaq çölü) adlanır». Bir sıra qədim və orta əsr
müəlliflərinin əsərlərində, o cümlədən Fəzlullah Rəşidəddinin «Oğuznamə»,
Müslihiddin Larinin 1566-cı ildə qələmə aldığı «Miratül-Ədvar və Mürkatül
Əxbar» salnamələrində qədim türklərin sasanilərdən təqribən bir əsr əvvəl (177-
Damğalar, rəmzlər… mənimsəmələr
- 279 -
ci il) Qafqazda, eləcə də Dərbənd və Dərbənd ətrafında məskunlaşmasından
bəhs olunur.
142
Ermənistanın və Rusiyanın bəzi siyasi dairələrinin fitvası ilə hərəkət edən
Dağıstan separatçıları isə arqumentsiz-filansız Qafqaz Albaniyasını «mü-
asir Rusiyanın tarixi torpaqları» kimi görmək niyyətindədirlər. Məsələn,
erməni «tarixçiləri» Vladimir Barxudaryan və Suren Ayvazyan həyasızcasına
Azərbaycanı «ermənilərə aid olan tarixi faktları siyasi məqsədlər naminə sax-
talaşdırmaqda» ittiham edirlər. Qafqaz Albaniyası ətrafında mübahisələrdə
özünə yer edən və Rusiyada etnik separatizmi və Azərbaycana qarşı ərazi
iddialarını rəsmi dövlət səviyyəsinə qaldıran «Federal Ləzgi Milli-Mədəni
Muxtariyyətı» adlı qondarma qurumun təşəbbüsü ilə 2008-ci ilin may ayında
Moskvada «Qafqaz Albaniyası və ləzgidilli xalqlar (kursiv bizimdir – A.Q.):
tarixi-mədəni irs və müasirlik» mövzusunda beynəlxalq konfrans keçirilmiş-
dir. Rusiyanın Regionların İnkişafı və Xarici İşlər nazirliklərinin, Dövlət Du-
masının və Rusiya Elmlər Akademiyasının birgə təşkilatçılığı ilə keçirilən və
siyasi təyinatını gizlətməyən bu psevdoelmi tədbir, əslində, Azərbaycana qarşı
ərazi iddialarının təkcə Ermənistan tərəfindən dəstəklənmədiyini açıq şəkildə
göstərir. Lakin hər iki separatçı qrup arasındakı simbiozun özü də şərtidir.
Misal üçün, Rusiyadakı ləzgi separatçıları Qafqaz Albaniyasının ərazilərini
tarixdə mövcud olmayan və XXI əsrin antiazərbaycan yönümlü geosiyasi id-
dialarının nəticəsində dövriyyəyə buraxılan qondarma «Ləzgistan dövləti»nin
şəriksiz «tarixi əraziləri» hesab edirlər. Ermənilər isə öz növbələrində Qaf-
qaz Albaniyasını uydurma «Böyük Ermənistan»ın bir parçası olmasına, bu-
radakı maddi-mənəvi irsin şəriksiz erməniləşdirilməsinə iddialıdırlar. Lakin
bu sərsəm ideya müəllifləri Azərbaycan əleyhinə istənilən kampaniyada bir
araya gələn kimi müvəqqəti atəşkəs elan edir, «ortaq məxrəc» tapmağa çalı-
şır və Qafqaz Albaniyasını «tarixdə erməni-ləzgi dövlətçiliyinin nümunəsi»
qismində tanıtmağa çalışırlar. Bu yerdə ixtisasca yarımçıq fizik olan psevdo-
albanşünas, millətçilik hissləri paranoya xarakteri almış Hacı Abdurəhimovun
«Qafqaz Albaniyası-Ləzgistan: tarix və müasirlik» adlı «monoqrafiyasını»
(Dağıstan Dövlət Universiteti nəşriyyatı, 1995-ci il) xatırlamaq yerinə düşər.
Suren Ayvazyan və Zori Balayanın üslubu ilə yazılan kağız yığnağında heç
bir tarixi fakta və maddi sübutlara söykənmədən Qafqaz Albaniyası dövlətinin
yaranması, maddi-mədəni irsi, hətta əlifbası yalnız «ləzgi tayfalarının» adı
ilə bağlanır, Bakıya, Şamaxıya, Şəki və Qəbələyə, Qusara ərazi iddiaları
edilir, Nizami Gəncəvi, Abbasqulu ağa Bakıxanov, Uzeyir Hacıbəyov «et-
142 К.Алиев. «Кипчаки на Кавказе до и после нашей эры», газета «Ёлдаш/Времена», 28-03-2008
Dostları ilə paylaş: |