çünki bəzi həmcins üzvləri bir məvhumda birləşdirib bir sözlə
ifadə etmək olmur.
Qədim türk yazısı abidələrinin dilində cümlənin bütün
üzvləri həmcins ola bilir.
Həmcins mübtədalar. Cümlənin digər həmcins üzvləri
kimi həmcins mübtədalar da tabesizlik əlaqəsi ilə bir-birinə
bağlanır. Qədim türk yazısı abidələrinin dilində tabesizlik
bağlayıcıları inkişaf etmədiyi üçün həmcins mübtədalar bir-biri
ilə, əsasən, sadalama intonasiyası ilə bağlanır; məsələn:
Kisi
oğlmta üzə eçüm-apam Bumm kağan, İstəmi kağan olurmıs (KT
ş 1) «İnsan oğlunun üzərində əcdadlarım Bumm xaqan, İstəmi
xaqan oturmuş»
...kırkız, kurıkan, otuz tatar, kıtay, tatabı kop
yağı ermis (KT ş 14) «...qırğız, kurıkan, otuz tatar, kıtay, tatabı -
hamı yağı imiş».
Səkiz oğuz, tokuz tatar kalmadı, kəlti (MÇ 15)
«Səkkiz oğuz, doqquz tatar qalmadı, gəldi».
Həmcins xəbərlər. Qədim türk yazısı abidələrinin dilində
həmcins xəbərlərin işlənməsi geniş yayılmışdır. Abidələrin
dilində
həmcins xəbərlər bir-birinə tabesizlik əlaqəsi,
sadalanma intonasiyası və birləşdirici fasilə ilə bağlanır, ya bir
mübtədaya, ya da mübtədalar qrupuna aid olur. Abidələrin
dilində həmcins xəbərəlrin mübtəda və ya mübtədalar qrupu ilə
uzlaşmasında belə bir qanunauyğunluq özünü göstərir: həmcins
xəbərlər nəqli keçmiş zaman və
felin şərt şəkli ilə ifadə
edilirsə, mübtəda ilə uzlaşmır, felin qalan şəkil və zamanlarında
həmcins xəbərlər türk dilləri üçün ümumi qanunauyğunluq
əsasında mübtəda ilə uzlaşır: Eçümiz, apamız Bumın kağan tort
buluQığ kısmıs, yığmış, yaymış, basmıs (O 1)
«Əcdadımız
Bumm xaqan dörd tərəfi sıxışdırmış, yığmış, yaymış, basmış».
...kop anta alkıntığ, arıltığ (KT c 9) «...orada tamamilə
zəiflədin, seyrəldin».
Altı çub Soğdak tapa sülədimiz, buzdımız
(KT ş 31) «Altı qəbiləli Soğdaya qarşı qoşun çəkdik, pozduq».
Az bodunığ ölürtim, altım, içgirtim (BK ş 26) «Az xalqmı
öldürdüm, aldım, tabe etdim».
Həmcins
tamamlıqlar. Həmcins tamamlıqlar tabelilik
əlaqəsi ilə eyni bir xəbərə aid olur, xəbər tərəfindən idarə
olunur. Qədim türk yazısı abidələrinin dilində həmcins
166
tamamlıqlar da vasitəsiz həmcins tamamlıqlar və vasitəli
həmcins tamamlıqlar deyə iki qrupa ayrılır.
Həmcins vasitəsiz tamamlıqlar ismin təsirlik halında
işlənən söz və söz birləşmələri vasitəsilə ifadə olunur; məsələn:
...
yabğuğ, şadığanta birmiş (KT ş 14) «...yabğunu, şadı o vaxt
vermiş».
Altı yegirmi yaşında eçim kağan ilin, törüsin ança
kazğantı (KT ş 31) «On altı yaşmda əmim xaqan elini,
qanununu
elə qazandı».
Açsık, tosık öməz sən (KT c 8) «Aclıq, toxluq
bilməzsən».
Həmcins vasitəli tamamlıqlar ismin adlıq, yiyəlik və
təsirlik hallarından başqa bütün hallarında, habelə qoşmalarla
işlənən isim, substantivləşmiş digər nitq hissələri, ikinci və
üçüncü növ təyini söz söz birləşmələri və feli sifət tərkibləri ilə
ifadə olunur; məsələn: ...
on ök oğlı/Ja, tatırja təgi bum körü
bilitj (KT c 12) «...on ox oğluna, yadlara təki bunu görərək
bilin».
Iğar illigdə, ığar kağanlığda yəg bitim (KT ş 29)
«Sədaqətli eldə, sədaqətli xaqanlıqda yaxşılıq eldim».
İnim Kül
tiğin birlə, eki şad birlə ölü, yitü kazğantım (KT ş 27) «Kiçik
qardaşım Kül tigin ilə, iki şad ilə əldən düşərək qazandım».
Həmcins təyinlər. Tabesizlik əlaqəsi ilə bağlanan
həmcins təyinlər arasında sadalama intonasiyası və birləşdirici
fasilə əlaqəsi olur.
Cümlədəki təyinlərin həmcins olması üçün iki şərt
zəruridir:
1. Təyinlər cümlənin müxtəlif üzvlərinə deyi), bir üzvünə
aid olmalı, bir üzvünü təyin
etməlidir. Təyinlər cümlənin
müxtəlif üzvlərini, hətta ayn-ayrılıqda həmcins üzvlərini təyin
edərsə, həmcins təyinlər ola bilməz.
2. Cümlənin təyinlərinin bir üzvə aid olması da onların
həmcins olmasını göstərmir. Cümlənin bir üzvünə aid olan
təyinlər həmin üzvü ayrı-ayrı cəhətlərdən deyil, bir cəhətdən
təyin etdikdə həmcins təyinlər olur. Cümlə üzvünü ayn-ayrı
cəhətlərdən təyin edən sözlər həmcins təyinlər ola bilmir.
Həmcins olmayan təyinlərin sıralanması belədin təyinlənən
sözün bilavasitə yanında onun ən mühüm əlamətini bildirən
təyin işlənir; əlamətin mühümlüyü zəiflədikcə təyin təyinlənən
167