Ekoloji təhlükəsizlik
126
üçün yerli axma ventilyasiyadan istifadə edilir. Ümumi mübadilə
axma ventilyasiyasından fərqli olaraq bütün iş sahəsinə deyil,
yalnız məhdud hissəsinə verilir. Yerli axma ventilyasiya qurğuları
fərqləndirilir: hava duşları və oazislər, həmçinin hava-istilik
pərdələri.
Hava duşlarından işçilərin intensivliyi 350 Vt/m
2
-dən çox
olan istilik şüalanmasının təsirindən qorunması üçün istifadə edilir.
Bu qurğunun iş prinsipi işləyərkən sürəti 1-3,5 m/san olan
nəmləndirilmiş hava axını ilə üfürülməsinə əsaslanmışdır. Bu
halda insan orqanizminin ətraf mühitə istilik verilməsi yüksəlir.
Hava oazisləri istehsalat sahəsinin daşınan arakəsmələr ilə
məhdudlaşan elə bir hissəsini təşkil edir ki, burada mikroiqlimin
tələb olunan parametrləri yaradılır.
İlin soyuq vaxtında həddən artıq soyuqlarda insanların
qorunması üçün qapı oyuqlarında və darvazalarda hava və hava-
istilik pərdələri quraşdırılır. Onların iş prinsipi ona əsaslanır ki,
istehsalat sahəsində soyuq hava axınına bucaq altında hava axını
yönəldir ki, (otaq temperaturunda və ya qızdırılmış) bu da soyuq
hava axınının sürətini azaldır və istiqamətini dəyişərək yelin
yaranma ehtimalının qarşısını alır, ya da soyuq hava axınını
qızdırır (hava-isti pərdə halında). Belə hava-istilik axınları
metropoliten stansiyalarının girişində və ya iri maqazinlərin
qapılarında quraşdırılır.
Hazırda
mikroiqlimin
tələb
olunan
parametrlərini
dəstəkləmək üçün havanın kondesləşdirmə qurğularından istifadə
edilir (kondisionerlər).Havanın kondesləşdirilməsi istehsalat və ya
məişət otaqlarında xarici meteoroloji şəraitdən asılı olmayaraq
sabit və ya müəyyən proqram üzrə havanın temperaturunun,
nəmliyinin, təmizliyinin və havanın hərəkət sürətinin yaradılması,
saxlanılmasını təmin edir ki, bu da əməyin komfort şəraitini
yaradır və ya texnoloji prosesin normal getməsinin tələblərini
ödəyir. Kondisioner – avtomatlaşdırılmış ventilyasiya qurğusudur
və o, mikroiqlimin tələb olunan parametrlərini saxlayır. Havanın
kondesləşdirilməsi
qurğularının
istismar
xərcləri
adətən
ventilyasiya sistemlərinin istismarından baha başa gəlir.
T.D.Ağayev,Ş.Ə.Əhmədov,T.A. Xəlilov
127
İlin soyuq vaxtında mənzil və iş yerlərində havanın
temperaturunun verilmiş qiymətində saxlanması üçün müxtəlif
qızdırma sistemlərindən istifadə edirlər: su, buxar, hava və
kombinə edilmiş.
Su qızdırma sistemlərində istilik daşıyıcısı kimi 100C-yə
qədər və ya bundan yuxarı həddə qədər qızdırılmış sudan istifadə
edirlər. Bu qızdırılma sistemləri sanitar-gigiyenik nöqteyi
nəzərdən daha effektlidir.
Buxar qızdırma sistemlərindən adətən istehsalat sahələrində
istifadə edilir. Burada istilik daşıyıcıları alçaq və ya yüksək
təzyiqli su buxarıdır.
Hava sistemlərində qızdırılma məqsədilə xüsusi qurğularda
qızdırılmış (kolorifer) havadan istifadə edirlər. Kombinə edilmiş
sistemlərdə
yuxarıda
baxılan
qızdırılma
sistemlərinin
elementlərindən istifadə edilir.
İstehsalat sahələrində mikroiqlimin parametrləri müxtəlif
cihazlar tərəfindən nəzarət edilir. İstehsalat sahələrində havanın
temperaturunun ölçülməsindən ötrü civə (havanın temperaturunun
0C-dən aşağı temperaturları ölçmək üçün) termometrlərdən
istifadə edilir. Temperaturun daimi olaraq dəyişməsini izləməkdən
ötrü termoqraf adlanan cihazlardan istifadə olunur. Məsələn,
Rusiya istehsalı olan M-16 tipli termoqraf müəyyən period
ərzində temperaturun dəyişməsini qeyd edir (sutka və ya həftə).
Havanın temperaturunun ölçülməsi üçün digər qurğular da
mövcuddur, məsələn, termocütlər.
Havanın nisbi nəmliyini ölçmək üçün psixrometr və
hiqrometrlərdən, zaman ərzində bu parametrlərin dəyişməsini
qeyd etmək üçün isə qiqroflardan istifadə edilir.
Sadə psixrometr – quru və nəmli termometrlərdən ibarət
olan qurğudur. Nəmli termometrdə rezervuar hiqroskopik parça
ilə sərinmiş və ucu distillə edilmiş su ilə doldurulmuş stəkana
salınmışdır. Quru termometr istehsalat sahəsində havanın
temperaturunu göstərir, nəm termometr isə aşağı temperaturunu
göstərir, çünki termometrin rezervuardan aldığı istiliyi nəm
parçadan buxarlanması hesabına edir. Xüsusi çevirici psixrometrik
Ekoloji təhlükəsizlik
128
cədvəllər mövcuddur ki, bunların vasitəsilə quru və nəm
termometrlər ilə istehsalat sahəsindəki havanın nisbi nəmliyini
təyin edirlər.
Konstruktiv cəhətdən daha mürəkkəb, lakin daha dəqiq
aspirasiya psixrometridir ki, bu da metal borulara daxil edilmiş
quru və nəm termometrlərdən ibarətdir və sürəti 3-4 m/san olan
hava ilə üfürülür. Nəticədə termometrlərin göstəricilərinin
stabilliyi artır və praktiki olaraq istilik şüalanmasının təsiri aradan
qaldırılır. Nisbi nəmliyin təsiri, həmçinin psixrometrik cədvəllər
vasitəsilə həyata keçirilir. Aspirasiya psixrometrləri, məsələn MB-
44 və ya M-34 eyni zamanda iş yerində havanın temperaturunun
və nisbi nəmliyinin ölçülməsi üçün istifadə edilir.
Nisbi nəmliyi ölçmək üçün digər cihaz olan hiqrometrdən
istifadə edilir ki, onun da iş prinsipi bəzi üzvi birləşmələrin
xüsusiyyətlərinə əsaslanır (üzvi membran, insan tükü): o nəm
havada uzanır və quru havada qısalır. Həssas elementin
deformasiyasını ölçməklə (membran və ya tük) istehsalat
sahəsində nisbi nəmliyin qiyməti barədə mühakimə yürütmək olar.
Hiqroflara nisbi nəmliyin zamanın funksiyası kimi nümunə olaraq,
M-21 tipli cihazı göstərmək olar ki, bu da sutka və ya həftə
ərzində qeyd olunan parametrin yazılışını aparır.
İstehsalat sahəsindəki havanın hərəkət sürəti anemometr
cihazları ilə ölçülür.
Qanadlı anemometrin işi alüminium qanadları ilə təchiz
olunmuş xüsusi çarxın fırlanma sürətinin dəyişməsinə əsaslanır.
Qanadlar çarxın fırlanma oxu müstəvisinə 45 altında yerləşmişdir.
Çarxın oxu fırlanma sayğacı ilə birləşdirilmişdir. Hava axınını
sürətinin dəyişməsilə çarxın fırlanma sürəti də dəyişir, yəni
müəyyən müddət ərzində fırlanma sayı artır və ya azalır. Bu
informasiya əsasında hava axınının sürətini təyin etmək olar.
Dalğalı anemimetrlərdən sürəti 0,4-10 m/san olan hava
axınının qiymətlərini ölçmək üçün tövsiyə olunur, 1-35 m/san isə
qanadalar fincanlarla əvəz edilməsi tövsiyə edilir. Qanadlı
anemometr kimi ACO-3 tip B, fincanlı isə MC-13 tipli
anemometri nümunə göstərilə bilər.
Dostları ilə paylaş: |