158
tənəffüs və damar xəstəliklərinin aşkarlanması perioperativ idarəetmədə vacibdir. Damar yolu
üçün istifadə olunan venaların, arterial kateterizasiya üçün periferik arteriyaların
dəyərləndirilməsi lazımdır. Anesteziya baxımdan bütün xəstələr havayolu keçiriciliyi cəhət-
dən müayinə olunmalıdır.
Cədvəl 1
Əməliyyatönü fiziki müayinə
Həyat göstəriciləri:
Boy, çəki
Dərman dozaları, pompa axını, kardiak indeksin hesablanması
üçün
Havayolu
Ventilyasiya,intubasiya olunması üçün
Boyun
Vidaci venanın kateterizasiya baxımdan, venoz dilatasiya(xroniki
ürək çatışmazlığı), trill (titrək səs), küy,yuxu arteriyalarının
xəstəliyi
Ürək
Küy: patologiyanın xarakteristikası, S3( yüksək LVEDP),
S4(azalmış komplians)
Lateral PMİ ( Point of Maximum İmpulse: maksimum vurma
nöqtəsi) yerdəyişməsi-kardiomeqaliyada
Tənəffüs
Ağciyərlər üzərində küylər(xroniki ürək çatışmazlığı), xırıltı və
vizinqlər (XOAX, astma)
Qarın
Palpasiya-pulsativ qaraciyər (xroniki ürək çatışmazlığı, üçtaylı
qapaq çatışmazlığı), ağrılı palpasiya
Damar sistemi
Periferik nəbzlər, venoz və arterial damarların anatomik quruluşu
Ətraflar
Periferik ödem(xroniki ürək çatışmazlığı, xroniki venoz
çatışmazlığı)
Sinir sistemi
Hər iki tərəfin simmetrikliyi, motor və hissi defisit
Laborator müayinələri. Aşağıdakı laborator müayinələri əməliyyatönü dövrdə mütləq
aparılmalıdır: hemoqram, qlükoza, urea, kreatinin, ALT, AST, LDH, ü.bilirubin, d.bilirubin,
albumin, ü.protein, elektrolitlər, TSH, T4, qanama zamanı, laxtalanma zamanı, PTZ, APTZ,
qan qrupu, serologiya, sidiyin ümumi analizi.
Diaqnostik müayinələr. EKQ, döş qəfəsinin rentgenoqrafiyası; exokardioqrafiya, tam
abdominal USM, karotis arteriyalarının rəngli doppler müayinəsi.
159
Əməliyyatönü riskin dəyərləndirilməsi
Koronar şuntlama cərrahiyyəsində risk faktorları və riskin klassifikasiyası
Risk faktorları:
Qeyri-stabil angina və ya yeni Mİ
Sol mədəcik disfunksiyası
Ürək çatışmazlığı əlamətləri
Ciddi piylənmə (bədən kütlə indeksi>30)
Təcili cərrahiyyə
Təkrari əməliyyat
Ciddi yanaşı xəstəliklər
Risk klassifikasiyası
Normal risk:
Yuxarıdakılardan heç biri yoxdur.
Orta risk:
Yuxarıdakılardan biri mövcuddur.
Yüksək risk:
Yuxarıdakılardan birdən daha çoxu mövcuddur.
Yanaşı xəstəliklər
Koronar arteriya cərrahiyyəsində ölüm və ağırlaşma faizini artıran yanaşı xəstəliklərdən
ən çox rast gəlinəni şəkərli diabet və dializ ehtiyaclı xroniki böyrək çatışmazlığıdır. Bununla
yanaşı, uğurlu əməliyyat üçün hipertoniya, ağciyər xəstəlikləri, piylənmə və digər xəstəliklər
də nəzərə alınmalıdır.
Koronar arteriya cərrahiyyəsində xəstələrin 22%-ni şəkərli diabet xəstələri təşkil edir və
bunların 40%-i insulin istifadə edir. Cərrahi stress, katexolamin (inotrop olaraq), əməliyyat
zamanı hipotermiya insulinə rezistentliyi artırdığına görə qanda şəkərin kontrolu çətinləşir.
Dekstrozlu priming məhlullar da bu təsiri artırır. Adətən diabetik xəstələrdə digər xəstələrlə
müqayisədə çox damar xəstəliyi mövcud olur. Əlavə olaraq ürəyin atım fraksiyası aşağıdırsa,
daha yaşlı və qadındırsa ağırlaşma (İABP ehtiyacı, sternum ayrılması, böyrək çatışmazlığı) və
ölüm faizi daha yüksəkdir. Bu vəziyyətdə intraoperativ qan şəkəri ciddi təqib edilməlidir və
insulin infuziyası ilə nəzarət olunmalıdır. İsinmə mərhələsində və katexolamin infuziyası
başlanılarsa insulin ehtiyacını yenidən dəyərləndirmək lazımdır. Bu xəstələrdə böyrək
çatışmazlığı daha çox müşahidə olunduğu üçün sidik ifrazına nəzarət edib, profilaktik
(mannitol, diuretiklər və ya renal dozada dopamin) tədbirlər görülməlidir.
Koronar arteriya cərrahiyyəsindən sonra yaranmış böyrək çatışmazlığının yetərsiz renal
perfuziyaya bağlı olduğu düşünülməlidir. Ürək cərrahiyyəsində ciddi renal çatışmazlıq
yaranmış xəstələrdə ölüm faizi yüksək (65%) olur. Koronar arteriya cərrahiyyəsində renal
çatışmazlıq yaranması 6% hallarda olur. Yaşlı, preoperativ kreatinin yüksəkliyi və qapaq
cərrahiyyəsi ilə yanaşı olan koronar arteriya cərrahiyyəsində bu risk daha çox olur. Ürək
cərrahiyyəsindən sonra yaranan renal çatışmazıqların yarısına hemodializ ehtiyacı olur.
Əməliyyatönü dializə bağlı olmaq da ölüm (10%) və ağırlaşma faizinə (71%) mənfi təsir edir.
Hipertoniya da yanaşı xəstəlik kimi ciddi əhəmiyyət kəsb edir. Bu xəstələrdə
intraoperativ mərhələdə arterial qan təzyiqinin qeyri-stabil, yüksək müşahidə olunması ST
seqmentinin dəyişikliyinəsəbəb olur. Bir xəstəlik kimi hipertoniya aterosklerozu sürətləndirir,
sol mədəcik hipertrofiyası və xroniki ürək çatmamazlığının yaranmasına səbəb olan risk
faktorudur. Hipertrofiyalı sol mədəcik öz kompliansını itirir və diastolik disfunksiya yaranır.
160
Həmçinin relaksasiyası və tam həcmlə dolma effekti pozulur. Bu xəstələrdə mövcud olan
taxiaritmiyalar tədricən kardiak output və qan təzyiqini əhəmiyyətli dərəcədə aşağı salır.
Antihipertenziv müalicə stress təsirinə görəeffektli olmasa da, β-blokator istifadə etmiş
xəstələrdə intraoperativ anesteziya induksiyasında ürək ritmi və arterial qan təzyiqinin qeyri-
stabilliyi, miokard işemiyası daha az müşahidə olunur.
Ateroskleroz sistemik proses olduğuna görə koronar arteriya xəstəliyi olanlarda adətən
karotis və ya periferik arteriyalarda da aterosklerotik proses inkişaf edir. Bu baxımdan arterial
kanyulyasiya və ya aortadaxili kontrpulsator (İABP) yerləşdirilməsi zamanı bunlar nəzərə
alınmalıdır. Koronar arteriya cərrahiyyəsi tətbiq olunan xəstələrin 10%-də karotis arteriyalarda
stenoz
qeyd olunur ki, bunun da yarısı simptomsuz olur.
İntraoperativ mərhələ
Premedikasiya. Premedikasiyanın məqsədi həyəcan və qorxunu farmakoloji olaraq
azaltmaq, induksiyadan əvvəl olunacaq prosedurlarda (venoz, arterial kateterizasiya) ağrını
azaltmaq və bir az amneziya yaratmaqdır. Koronar arteriya xəstələrində effektli premedikasiya
bu mərhələdə yarana biləcək anginoz ağrıların qarşısının alınmasında əhəmiyyətli rol oynayır.
Premedikasiya üçün narkotik və ya sedativ dərmanlarla birgə bəzən antixolinergiklər də
istifadə olunur.
Monitorizasiya. Əməliyyat otağında xəstəyə ilk olaraq EKQ, qeyri-invaziv arterial qan
təzyiqi və puls oksimetr monitorizasiyası aparılır. Ardınca kardiovaskulyar, pulmonar,
mərkəzi sinir sistemi və metabolizm monitorizasiyası aparılır.
Orqan/sistem
İlkin monitorizasiya
Əsaslı
monitorizasiya
Kardiovaskulyar
EKQ
Qeyri-invaziv A/T
İnvaziv qan
təzyiqi
CVP (MVT)
PAP/PCWP
Kardiak output
TEE
Pulmonar
SpO
2
Kapnoqrafiya
Havayolu təzyiqi
Stetoskop
Oksigen analizi
Arterial qan qazı
Mərkəzi sinir
sistemi
EEQ
SSEP
Transkranial
Doppler
BOS təzyiqi
Metabolik
Bədən temperaturu
Sidik ifrazı
Serum elektrolitləri
Qələvi-turşu
tarazlığı
Qlükoza
Serum osmolyarlığı
Hematokrit