inqilabın ikinci mərhələsində hərəkata rəhbərliyin şah hakimiyyətinə
müxalif olan ruhanilərin əlinə keçdiyi aydın görünürdü. Bu dövrdə, hələ
60-cı illərdən şahlığın və Amerika imperializminin ölkədəki nüfuzunun
barışmaz əleyhdarı kimi tanınmış ayətulla-əl- üzma (böyük ayətulla-dini
başçı) Ruhulla Musəvi Xomeyninin geniş kütlə içərisində şöhrəti son
dərəcə artmışdı. Buna görə də bütün əsas siyasi sol təşkilatlar da onu artıq
inqilabın lideri kimi tanımalı oldular.
İnqilabın ikinci mərhələsinin ilk çıxışları şah hakimiyyəti tərəfindən
sentyabrın 7-də ölkənin 12 şəhərində, Təbrizdə isə sentyabrın 8-dən
başlayaraq hərbi vəziyyət elan olunması və qadağan saatları qoyulmasına
qarşı etiraz nümayişləri ilə başlandı. Hərbi vəziyyət haqqında qərarın
qüvvəyə minməsinə baxmayaraq, İranın bir çox şəhərlərində olduğu
kimi, Təbrizdə də sentyabrın 8-də hakimiyyətə qarşı nümayiş və ümumi
tətil keçirildi. Çıxışların əsas mərkəzlərində nümayişçilərin şiddətli atəşə
tutulması, çoxlu ölən və yaralanan olması hərəkatın qarşısını ala bilmədi,
əksinə, inqilabın daha böyük sıçrayışla vüsət almasına səbəb oldu. «Qanlı
cümə günü» adını almış həmin gün əhalinin şaha qarşı qəzəb və nifrətini
daha da artırdı.
Sentyabrın sonları və oktyabrın əvvəllərindən bütün İranda başlanan
və getdikcə artan tətil hərəkatı, xüsusilə neft sənayesi fəhlələrinin bu
hərəkata qoşulması inqilabın genişlənməsində böyük rol oynadı. Neftçi
fəhlələrin noyabr ayında iki həftəlik, daha sonra isə 1978-ci ilin
dekabnndan 1979-cu ilin fevralın əwəllərinədək davam etmiş aramsız
ümumi tətili şah hakimiyyətinə ağır zərbə vurdu və inqilabın taleyini həll
etdi. Bütün ölkəni bürümüş tətil hərəkatı zamanı başlıca olaraq
SAVAK-ın (gizli polis qurumu) ləğv edilməsi, İran cəmiyyətinin
demokratikləşdirilməsi və başqa tələblər irəli sürülürdü. 1978-ci ilin
noyabrında Fransada ayətulla Xomeyni ilə Milli Cəbhənin başçısı Kərim
Səncabinin görüşündən sonra onların birgə bəyanatında Pəhləvi sülaləsi
hakimiyyətinin
' Məhəmməd Rza şahın daxili və xarici siyasətinə qarşı çıxışlarına görə dəfələrlə
həbs edilmiş R.M.Xomeyni 1964-cü ildə Türkiyəyə sürgün edilmiş, daha sonra oradan
İraqa köçmüşdü. O, 1978-ci il oktyabrın əvvəlində İraq hökumətinin təkidi ilə ölkəni tərk
etməli və Parisə getməli olmuşdur. Buradan onun şahlığın devrilməsi çağırışı ilə İran
xalqına müraciətləri yazılmış lent yazılan İrana gətirilərək hərbi vəziyyət şəraitində
yeganə leqal yığıncaq yeri olan məscidlərdə səsləndirilməklə əhaliyə çatdınlırdı.
440
ləğv edilməsi zərurəti qeyd olundu. Bundan sonra hələ 29 bəhmən Təbriz
üsyanı gedişində irəli sürülmüş «şaha ölüm» şüan bütün hərəkata hakim
kəsildi.
Cənubi Azərbaycanda da tətil və nümayişlər ara verməmişdi.
Oktyabrın 1-də Urmiya, Zəncan, Həmədan və başqa şəhərlərdə ayətulla
Xomeyninin traqı tərk etməyə məcbur edilməsinə qarşı geniş kütlənin
nümayişi keçirilmiş, bütün oktyabr-noyabr ayları ərzində Azərbaycanın
Təbriz, Ərdəbil, Marağa, Urmiya, Culfa, Zəncan, Həştrud, Şahpur və b.
şəhərlərində fəhlələrin, müəllimlərin, dövlət qulluqçularının, gömrük
işçilərinin tətilləri keçirilmiş, geniş kütlənin, tələbə və şagirdlərin iştirakı
ilə hakimiyyətə qarşı nümayişlər olmuşdur. Bu nümayişlər zamanı
nümayişçilərin, bəzən polis və hərbi hissələrlə toqquşmaları da baş
vermişdir.
Dekabrın 2-dən başlanan müsəlmanların müqəddəs məhərrəm
ayında Azərbaycanda hakimiyyətə qarşı çıxışlar və hərbi hissələrlə
toqquşmalar daha kəskin şəkil aldı. Dekabrın 11-də aşura günü bütün
İranda olduğu kimi, Azərbaycanda da son dərəcə əzəmətli nümayişlər
keçirilmişdir. Bütün dekabr ayında ara verməyən nümayişlər zamanı
polislə toqquşmalarda onlarla ölən, yaralanan və həbs edilən olmuşdu.
Dekabrın sonlarında Cənubi Azərbaycanın Sərab, Urmiya, Marağa,
Ərdəbil şəhərlərində də geniş nümayişlər keçirilmiş, bunlardan birinci iki
şəhərdə nümayişçilərlə ordu hissələri və polis arasında toqquşmalar baş
vermişdir.
1979-cu ilin ilk günlərindən həm hərəkat rəhbərlərinin «şah
getməlidir» təkidli tələbi, həm də sayı milyonları ötmüş inqilabçılann
təzyiqi nəticəsində şah, nəhayət, yanvarın 16-da çalıb-çapdığı böyük
sərvətlə şəxsi təyyarəsində İrandan qaçdı. İran əhalisi bu qələbəni böyük
təntənə ilə qarşıladı.
Cənubi Azərbaycanın bütün şəhərlərində şahın heykəllərini vurub
yıxdılar. Küçə nümayişləri ilə müşayiət olunan bu mərasimlər zamanı
şaha sadiq qalmış hərbi hissələrlə inqilabçılar arasında toqquşmalar baş
vermiş, ölən və yaralanan olmuşdu.
Fevralın 1-də ayətulla Xomeyninin Parisdən Tehrana gəlməsi ilə
özünün qələbəsinə doğru gedən inqilabın son günləri Cənubi
Azərbaycanda, xüsusilə Təbrizdə nümayişlər daha izdihamlı şəkildə
davam etmişdir.
Azərbaycanlılar İranın digər başqa yerlərindəki inqilabi çıxışlarda,
xüsusilə qələbə ilə nəticələnən Tehran üsyanında ən fəal surətdə iştirak
etmişdilər.
441
Şahlığın devrilməsi və fevralın 11-də paytaxtda şah tərəfdarlan
üzərində qələbə çalınmasına baxmayaraq, bir çox yerlərdə, eləcə də
Cənubi Azərbaycanda əks-inqilab qüvvələri hələ bir neçə gün qu-
duzcasına müqavimət göstərdilər. Bu səbəbdən, xüsusilə Təbrizdə ölən
və yaralananların sayı çox idi.
İnqilabi qüvvələr fevralın 13-14-də şahpərəst qüvvələrlə qanlı
vuruşmalar aparmalı oldular. Fevralın 15-də bütün şəhər əhalisi ayağa
qalxaraq hərbi qarnizonu əhatə etdi. Ciddi atışmadan sonra təbrizlilər
qarnizonu ələ keçirərək oradakı zabit və əsgərləri həbs etdilər. Fevralın
16-da şahpərəstlərin tör-töküntüləri Cənubi Azərbaycanın hər yerində
tamamilə zərərsizləşdirildi və burada da nəzarət xalqın əlinə keçdi.
Beləliklə, 1979-cu il fevralın 11-də Tehranda qələbə çalan inqilab
Cənubi Azərbaycanda fevralın 16-da başa çatdırıldı.
1978-1979-cu illər İran inqilabı dövründə azərbaycanlılar 25 min
nəfərə yaxın qurban verdilər.
442