7.
Diaqnoz. Əskər helmintozlarda parazitoloji diaqnoz xronik mərhələdə qoyulur.
Bağırsaq helmintozlarmda isə kopıo- ovoskopik metod kifayət edir. Lakin bəzi
helmintozlarda (enli lentşəkilli qurd) qalın yaxmanı tədqiq etmək kifayətdirsə,
digərlərində, xüsusilə az yumurta ifraz edən helmintlərdə (ankilostoma, nekator,
tükbaş) mütləq zənginləşdirilmə metodlarından istifadə edilməlidir. Burada
materialın düzgün götürülməsi və laboratoriyaya vaxtında çatdırılması (təzə
ifraz olunmuş, konservanta qoyulmuş) böyük əhəmiyyət daşıyır. Toxuma
helmintozlarının diaqnostikasında immunoloji metodlardan istifadə edilir, bu
zaman seroloji metodlara üstünlük verilir.
8.
Helmintozların yayılması aşağıdaki amillərdən asılıdır: iqlim (temperatur,
rütubət, yağıntı); əhalinin sanitar-gigiyenik vərdişləri (nəcisdən kübrə kimi
istifadə edilməsi), qida məhsullarından çiy və yarımçiy formada istifadə
edilməsi, ayaqyalın gəzinti, sosial-iqtisadi şərait.
Helmintlərin orqanizmə patogen təsiri təkcə onların yerləşdiyi orqanların
zədələnməsi ilə deyil, həm do xəstə şəxsin orqanizminə göstərdikləri ümumi təsirlə
bağlıdır. Onun yaranmasında allergik və toksik reaksiyalar durur ki, bu da helmintlərin
həyat fəaliyyətinin məhsulları tərəfindən törədilir. Allergik reaksiyalar xüsusilə
xəstəliyin kəskin mərhələsində nisbətən çox təzahür edir, super- və reinvaziyalar
zamanı daha da güclənir. Orqanizmin allergik cavabı müxtəlif lokalizasiyalı və
intensivlikli dəri səpgiləri, limfadenopatiyalar, hipercozinofiliyalar, mialgiyalar,
artralgiyalar, ağciyər və abdominal sindrom, hepatosplenomeqaliyalar şəklində təzahür
edir. Helminlozun toksik effekti iştahanın azalması, bağırsaqda qida maddələrinin
sorulması prosesinin zəifləməsi, boy artımının ləngiməsi və yoluxmuş şəxsin əqli və
fiziki inkişafdan geri qalması şəklində təzahür edir. Parazitlərin orqanizmə mexaniki
təsirlərinə aiddir: öd yollarının və mədəaltı vəzin axacaqlarının tutulması; qaraciyərin
və mədəaltı vəzin absesi (irinli ocaq), bağırsaq keçməməzliyi, appcndisit, bağırsağın
perforasiyası (deşilməsi), peritonit.
273
downloaded from KitabYurdu.org
ACKAPHA03
Askaridoz (Ascaridosis) - askiradalar tərəfindən törədilir. Askarida (Ascarid
lumbricoides) - yer üzərində ən geniş yayılmış qurd xəstəliyidir. Bunların erkək və
dişi cinsləri olur. Dişisinin uzunluğu 25-40 sm-dır, diametri (eni) 6 mm-dir, erkəyi isə
nisbətən kiçikdir: uzunluğu 15-20 sm, eni 3 mm-dir. Bədəni üç hissədən ibarətdir, ağ
və ya çəhrayı rəngli kutikula ilə örtülmüşdür. Başında mikroskopun kiçik böyüdücüsü
ilə görülə bilən üç ədəd iri dodaqların olması xarakterdir. Erkək fərdin quyruq ucu
adətən qarmaq şəklində əyilmişdir. Yumurtası oval formadadır, mayalanmış və ya
mayalanmamış ola bilər.
Bu qurd insanın nazik bağırsağında yerləşir və oradan yumurta xaric edir. Cinsi
yetişmiş dişi askarida insanın bağırsağında gündə təxminən 200 minə qədər
mayalanmış yumurta ifraz edir, onlar insanın nəcisi ilə ətraf mühitə düşürlər.
Mayalanmasına baxmayaraq, bağırsaqda lazimi qədər oksigen olmadığı üçün onlar
inkişaf edə bilmir, ona görə də, həmin yumurtalar ancaq xarici mühitdə torpaqda, daha
doğrusu onun üçün lazımi rütübət, hərarət, həmçinin oksigen olduqda inkişaf edir.
Yumurtalar 24-30°C temperaturda 10-15 gün ərzində inkişaf edərək invazion
sürfə şəklinə düşür. Yüksək və aşağı temperaturda isə onlar inkişafdan qalıb məhv
olurlar. Buna görə quraqlıq və soyuq olan yerlərdə askaridoza az təsadüf olunur.
Ətraf mühitdə temperaturdan asılı olaraq onların inkişafı 3 aydan bir neçə aya
qədər davam edə bilir. Yumurtalar torpaqda həyat qabiliyyətini bir neçə il saxlaya
bilərlər. İnvazion yumurtalar, başqa sözlə yetkin sürfəyə malik yumurtalar ələ,
tərəvəzə, meyvəyə, oradan isə ağıza düşür. Milçəklər qidanın yumurtalarla
çirklənməsində rol oynayırlar.
Udulmuş yumurtalardan insanın bağırsağında sürfələr çıxır, onlar venoz
sistemə daxil olur və qan cərəyanı ilə ürəyin sağ hissəsindən ağ ciyərə daxil olur.
Burada sürfələr kapilyarları dağıdaraq alveolun mərkəzinə keçir. Sürfələr təxminən
10-16 gün ərzində miqrasiya edirlər. Onlar bronxlardan keçərək yenidən udlağa daxil
olur, ağız suyu ilə udulur və 2,5-3 aydan sonra bağırsaqda yetkin askaridaya
çevrilirlər. Askaridin insan orqanizmində yaşama müddəti 1 ilə yaxındır.
274
downloaded from KitabYurdu.org
Sürfələr miqrasiya dövründə bağırsağı, qaraciyəri, xüsusilə ağ ciyəri
zədələyiıiər. Burada uçucu eozinofil infiltratlar, qanaxmalar inkişaf edir. Xəstələrdə
öskürək, döş qəfəsində ağrılar, bədən temperaturunun artması müşahidə olunur
(askaridozun ağciyər mərhələsi).
Parazitlər bağırsaqda paı azitlik etdikdə isə (bağırsaq mərhələsi) iştahanın
azalması, ürək bulanması, qarında ağrılar, davamsız nəcis ifrazatı qeyd olunur.
Xəstələri baş ağrısı, yuxu pozulma, qıcıqlanmalar, əmək qabiliyyətinin aşağı
düşməsi narahat edir. Askaridlər bağırsaq keçməməzliyinin, əməliyyatdan sonrakı
ağırlaşmaların səbəbi ola bilər. Bəzən onlar öd yollarına, qida borularına, tənəffüs
yollarına keçirlər ki, bu da ölümlə nəticələnə bilər. Askaridoz bir çox xəstəliklərin
gedişini ağırlaşdırır.
Erkən, ağ ciyər fazasında askaridozun sürfələrini bəlğəmin mikroskopiyası
zamanı aşkar etmək olar. Qanda yüksək cozinofiliya, ağ ciyərlərdə uçucu
infiltıatların olması, davamlı öskürək, xüsusilə gecələr, askaridozun olmasından
şübhələnməyə imkan verir.
Bağırsaq mərhələsini aşkar etmək üçün yumurtaları tapmaq məqsədilə
nəcisin müayinəsini aparırlar. Müsbət nəticə aldıqda məhz hansı yumurtanın -
mayalanmış və ya mayalanmamış - aşkar edildiyini qeyd edirlər. Bu, həmin xəstənin
mikroocaqda mümkün olan epidemioloji rolunu qiymətləndirmək üçün
əhəmiyyətlidir. Əgər bağırsaqda yalnız erkək fərdlər və ya yalnız cavan, cinsi
yetişkənlik səviyyəsinə çatmamış askaridlər yaşayırsa, onda nəcisdə yumurtalar
olmur.
Müalicənin effektivliyini müəyyən etmək məqsədilə 2 həftədən sonra nəcisin
laborator analizini həyata keçirirlər.
Askaridozla mübarizədə əsas tədbirlərdən biri - bu helmintoza görə əlverişli
olmayan yaşayış məntəqələrində, həmçinin mütəşəkkil kollektivlərdə, ambulator və
stasionar xəstələrin kütləvi şəkildə müayinəsi yolu ilə invaziyalaşmış şəxsləri aşkar
etməkdir. Aşkar edilmiş şəxslər qısa müddətdə dehelmintizasiya olunur, torpağın
askaıida yumurtaları ilə çirklənməsinə yol verməmək üçün müalicə prosesində ifraz
edilən nəcisi xlorlu əhənglə zərərsizləşdirirlər.
Torpağı fekal çirklənmədən qorumaq üçün yaşayış məskənlərinin sanitar
abadlaşdırmasının mühüm əhəmiyyəti vardır. Hər bir həyətdə düzgün tikilmiş
tualetlər olmalıdır, zibilləri kompostlaşdırma yolu ilə zərərsizləşdirmək lazımdır,
bostan və dirrikləri zərərsizləşdirilməmiş nəcis və tullantılarla gübrələmok qadağan
olunur.
275
downloaded from KitabYurdu.org
Dostları ilə paylaş: |