Çox zaman xəstələrin özləri və ya yoluxmuş uşaqların valideynləri anal
dəlikdən «kiçik sapşəkilli qurdların» - bizquy- ruqların xaric olmasını qeyd edirlər.
Xaric olan helminllorə baxmaq dəqiq diaqnoz qoymağa imkan verir.
Laborator metodlardan daha əhəmiyyətlisi yumurtaları aşkar etmək məqsədilə
perianal nahiyədən alınmış qaşıntı kütləsinin mikroskopiyasıdır. Bu zaman 50%-li
qliserin məhlulunda isladılmış pambıq tampondan istifadə etməklə bizquyruğun
diaqnostikası daha effektlidir. Diaqnostikanın etibarlılığını artırmaq üçün 2-3 gün
fasilə ilə perianal nahiyədən üç dəfə qaşıntı materialı götürmək lazımdır. Nəcisdə
bizquyruq yumurtaları az hallarda tapılır, çünki dişi qurdlar bağırsaqda adətən
yumurta qoymurlar.
Enterobioza hər yerdə rast gəlinir. Lakin daha çox sanitar rejimin
gözlənilmədiyi uşaq kollektivlərində qeydə alınır. Profilaktika tədbirlərini təşkil
etdikdə entcıobiozun makroocaqlarını (uşaq evləri, məktəb, internat), raikroocaqlarını
(uşaq bağçasının qrupu və ya ailə), qəsəbəni *və ya bir rayonu əhatə edən ərazi
makroocaqlarını nəzərə almaq lazımdır.
Məktəbəqədər müəssisələrdə uşaqları, həmçinin aşağı sinif şagirdlərini ildə 1
dəfə laborator müayinədən keçirirlər. Bu zaman perianal nahiyədən qaşıntı kütləsini
2-3 gün fasilə ilə 3 dəfə götürürlər. Əgər enterobiozla xəstələnmə 15%-dən
yüksəkdirsə, sonrakı müayinələri dayandırır və həmin kollektivin bütün uşaq əhalisini
müalicəyə cəlb edirlər.
Xəstə aşkar edildikdə ailənin bütün üzvləri mütləq müayinə olunmalıdır. Uşaq
kollektivinin xəstələnməsi 10% və daha yüksəkdirsə, bu kollektivə gələn bütün
uşaqların ailələrini də müayinədən keçirirlər. Uşaq kollektivində müalicə-profilaktika
tədbirləri
həyata keçirilməsə, enterobiozla mübarizə faydasız olacaqdır.
Şəxsi gigiyena qaydalarına da mütləq əməl etmək lazımdır. Dırnaqları qısa
kəsdirmək, yataqdan durduqdan və tualetdən istifadə etdikdən sonra, həmçinin
yeməkdən əvvəl əlləri sabunla yumaq, yatmazdan əvvəl dar tuman geymək, səhər
yataq və alt paltarları isti ütü ilə ütüləmək lazımdır.
Uşaq bağçalarında sanitar və dezinfeksiya rejimi gözlənilməlidir.
ictimai qidalanma müəssisələrinin işçilərini və onlara bərabər şəxslərin işə
daxil olmazdan əvvəl, sonralar isə sanitar-helmintoloji göstərişlərə görə laborator
müayinəsini həyata keçirmək lazımdır.
280
downloaded from KitabYurdu.org