ŞƏBİH TAMAŞALARININ
HAZIRLANMASI
Şəbih tamaşalarının təşkilatçısına (rejissoruna) şəbihgərdan deyilir.
Şəbihgərdan özü əsas rolları ifa etməklə iştirakçılar arasında rol bölgüsü aparır. Şəbih
oynanılan məkanın bütün tərtibatını, geyimlərin seçilməsini, qrim işlərini də baş şəbihgərdan görür.
İmam övladlarına su verməyən Şümürün lal-dinməz obrazını, adətən, başqa millətdən olanlar
oynayırlar.
Şəbih tamaşalarında şir, göyərçin kimi rəmzi obrazlardan istifadə edilir. Şir imam Hüseynin
damarlarından axan qanın qoruyucusu, göyərçin isə mələklər rəmzidir.
Şəbihgərdan quruluş verdiyi tamaşalarda natural effektlərdən istifadə edir. Məsələn, mal
bağırsaqlarına qan doldurulub əvvəlcədən hazırlanır.
Tamaşa vaxtı bu bağırsaqları şəhid olacaq yetmiş iki nəfərin boyunlarına, sinələrinə
dolayırlar. Yezidin qoşunları onları qılıncdan keçirəndə dəhşətli mənzərə alınır, tamaşaçılar hönkür-
hönkür ağlayırdılar.
Mücərrəd rəmz-effektlərdən də istifadə olunurdu. Belə ki, ortalığa bir ləyən su qoyulurdu.
Şümürü oynayan şəbihçi də əli qılınclı onun yanında dayanırdı. Guya bu, Fərat çayıdır.
Yaxud, yerə sancılan bir neçə ağac budağı camaata xurma bağı kimi çatdırılırdı. Tamaşaçı bu
rəmz effentləri təbii qəbul edir, onu da qanlı at cıdırının, döyüş səhnələrinin reallığı kimi qavrayırdı.
Şəbihçi aktyorlar susuzluq əzablarını, imam övladlarının keçirdəkləri psixoloji sarsıntıları
həssaslıqla, bacarıq və məharətlə ifa edə bilirlər.
Uzun illər şəbih mərasimlərində, xüsusən əza qafiləsində dərvişlər də fəal iştirak ediblər.
Onlar həm tək, həm də dəstə ilə şəhərləri, kəndləri dolanır, həyəcanlı səslə imamları vəsf edən
qəsidələr oxuyur, Kərbəla müsibətləri barədə rəvayətlər söyləyirdilər.
Şəbihlər yay, yaz, payızın ilk aylarında açıq havada, məhərrəmlik ayı miladi təqvimlə qış
günlərinə düşəndə qapalı yerlərdə göstərilib. Bu tamaşalarda çoxlu obrazlardan istifadə edilib və
onların əksəriyyəti tarixi şəxsiyyətlər olublar. Onlardan daha çox işlənənlərini və müəyyən söz
terminlərinin qısaca açıqlamasını vermək müəyyən aydınlıq yaradır.
Əhlibeyt. Şəbih tamaşalarında və əza qafiləsində imam Hüseynin arvad-uşağımı və ailə
üzvlərini təmsil edən surətlər toplusuna deyilir.
Əcsad. Cəsəd, rəmzli müqəvvalar,
kəsilmiş əl-qol, baş doldurulmuş xərəklər əza qafiləsində
xüsusi yer tutur. Müqəvvalara qum doldurulur və ya saman təpılırdı. Onların hamısına bir yerdə
əcsad deyilib və el arasında "əmvat" deyimi də var.
Əşkal. Təsvirlər toplusu və təsvirlərin təcəssümü anlamındadır. Şəbih açıq havada olanda
dekor funksiyası daşıyan ağacları, əza xərəklərini, qapalı binada oynanılanda isə divarları Kərbəla,
Məkkə, Mədinə təsvirləri çəkilmiş lövhələr bəzəyib. Əza qafiləsində belə lövhələr əllərdə
bayraqlarla yanaşı gəzdirilib. Hamısı bir yerdə əşkal adlanıb.
Təziyə. Məhərrəmlik mərasiminə və onun ayrı-ayrı mərhələlərdə keçirilMəsmə verilən
ümumi addır.
Xeyməgah. Məhərrəmlik mərasimlərində, xüsusən də şəbih tamaşalarında açıq
havada imam
Hüseynin və onun tərəfdarlarının yaşadıqları çadırlar (xeymələr) qurulurdu. Onların hamısına bir
yerdə x e y m ə g a h deyilirdi.
Sütun haşiyə. Şəbih göstərilən yerlərdə ağaclardan və ya divarlardan üzərinə Quran ayələri
yazılmış pərdələr asılırdı. Sütun haşiyə adlanan həmin pərdələrə ayələri xüsusi xəttatlar yazırdılar.
Sütun haşiyələri cazibəli, gözəgəlimli yerlərə bənd edirdilər. Həmin işin icraçılarına a s q ı ç
ı deyilirdi.
Təndirəcuzə. Rəvayətlərdən birinə görə Şümür imam Hüseynin başını kəsib və təndirdə
gizlədib. Təndirdən işıq saçıb və ətrafı nura qərq edib. Camaat bundan duyuq düşüb.
Məhərrəmlik mərasimində gəzdirilən əza qafiləsində təndirəcuzə modeli düzəldilir və
xərəyin üstünə qoyularaq nümayiş etdirilirdi.
Mərsiyəxan. Məhərrəmlik təziyələrinin davam etdiyi otuz doqquz-qırx
gündə müxtəlif
mərasimlərdə mərsiyələr deyilirdi. Mərsiyəni gözəl səsli, şaqraq avazlı, əruzun mahir biliciləri
söyləyirdilər. Onların ustadları mərsiyəxan çağırılırdılar.
Zülfüqar. Həzrət Əlinin ikiağızlı qılıncının adıdır. Zülfüqar şəbih tamaşalarının bəzəyi
sayılır.
Ziyarətnamə. Şəbih tamaşalarının bəzən əvvəlində və əsasən,
qurtarandan sonra xüsusi
şəbihgərdanlar on iki imamın müqəddəs ruhları şərəfinə, onların xatirələrini ehtiramla yad etmək
məqsədilə birgə dualar və ya mədhiyyələr oxuyurdular. Tamaşaçıların əksəriyyəti onlara vagirlik
edirdilər. Bu, ziyarətnamə adlanırdı. Bununla şəbih tamaşalarının sona çatdığı bildirilirdi.
Zinpuş. Bu, imam Hüseynin Zilcənah adlı atının çulunun rəmzidir. Əza qafiləsində həm
əllərdə gəzdirilir, həm də atın belinə atılıb tamaşaya toplaşanlara göstərilirdi.
Zilpuş al qana boyanır, üstünə qırmızı rəngli səksən səkkiz ox bənd edilirdi. Oxlar ona edilən
amansız zülümlərin, verilən dəhşətli işgəncələrin rəmzi idi. Zilpuşun dövrəsmdə müəyyən tamaşalar
oynanılır, qəmli şeirlər söylənilirdi.
Əli. Müəyyən şəbih tamaşalarında Əli ibn Əbutalıb (şiələrin birinci imamı və ilk müqəddəs
dörd xəlifənin axırmcısı) teyf kimi iştirak edirdi. Onun üzündə mütləq ağ niqab olurdu.
Din xadimləri Əlini "Şahimərdan", "Əli Mürtəza", "Həzrət Əli" deyimləri ilə də ehtiramla
şərəfləndirirdilər.
Fatimə. Məhəmməd peyğəmbərin sevimli qızı, Həzrəti Əlinin arvadı və imam Hüseynin
anasıdır. Şəbih tamaşalarında o da üzü niqablı, teyf şəklində görünürdü. Tamaşaların çox müqəddəs
obrazlarından sayılır.
Zeynəbxatun. Şəbih tamaşalarında böyük ehtiram və məhəbbətlə ifa olunan qadın
obrazlarından biridir. İmam Hüseynin bacısının taleyini təcəssüm etdirən surətdir.
Əza qafiləsində Zeynəbxatunun iki oğlunun nəşi gəzdirilirdi. Onlar qara geyimdə olurdular.
Zeynəbxatun obrazının ifaçısı da başdan-ayağa qara libas geyinirdi. Ya xərəyin gəzdirildiyi arabada
otururdu, yaxud da arabanın ardınca gedə-gedə ucadan və təsirli avazla ağlayırdı.
Yezid (Yəzid). Xəlifə Müaviyyənin oğludur. Kərbəla müsibəti Yezidin xəlifəliyi dövründə
törədilib.
Yezid şəbih tamaşalarında az iştirak edir. Lakin şəbihlər göstərilən zamanda, əza qafiləsinin
gəzdirilmə mərasimində, qafilə iştirakçılarının oyun-tamaşalı yürüşlərində Yezidin adı tez-tez və
lənətlə çəkilir. Ünvanına qəzəblə söyüşlər və lənət-lər yağdırılır.
Yezid rolunu ifa edən şəbihçi başına şəbkulah qoyur və yaşıl çalma vururdu. Əyninə sarı,
üstündə qara ləkələr olan xalat geyinirdi. Ətrafdakılarla çığır-bağırla danışırdı.
Şümür. Xəlifə Yezidin qoşun başçısı olub. Şəbih tamaşalarının ən mənfi personajlarından
sayılır. Tamaşalarda Şümürün mindiyi at mütləq qara olurdu. Onun ifaçısı başına dəmir dəbilqə
qoyur, zirehli libas geyinirdi. Şümür tamaşa boyu imam əshabələrini qətlə yetirdikcə vəhşətlə
qəlıqəhələr çəkirdi.
Küffar qoşunu. Dinsizlər, kafirlər qoşunu kimi səciyyələnir. Bu rollarda çıxış edən
şəbihçilər qara atlara süvar olurdular. Bəzən onlara şümür qoşunu da deyilirdi.
Şəbih tamaşalarında yaraqlı olan küffar qoşununun döyüşçüləri başlarına əlvan yaylıqlar
bağlayır, əllərindəki nizələrin ucuna insan "başları" keçirirdilər. Libasları qıpqırmızı, qan rəngində
parçadan tikilirdi. Orılar əza qafiləsində bəzəkiİ dəvələrə minirdilər, hərəkətlərini musiqi müşayiət
edirdi.
Küffar qoşunu iştirakçılarının rollarında çıxış edən şəbihçilər üçün dinamik, çılğın,
əndazədən kənar hərəkətlər səciyyəvi idi.
Cinnicəfər qoşunu. Bəzi şəbih tamaşalarında imam Hüseynə öz köməklərini təklif edən
silahlı, ərəb geyimli dəstə belə adlanırdı. Bir qayda olaraq, Cinnicəfər qoşunu dəstəsindəki