204
v FƏSİL
siyalı qruplarının yaradılması əsas məsələlərdən biridir. Bu sahədə maraqlı tərəflərin əsas
vəzifəsi yerli şəraitdə davamlılıq barədə ümumi rəyə nail olmaq, qarşıya ümumi məqsədlər
qoyub nəticələr əldə etməkdir. Bu fəaliyyətin nəticəsində davamlılıq modeli hazırlanır və
bu model müxtəlif şəraitdə tətbiq olunmaq üçün formalaşdırılır.
Kanadada model meşələrin təşkilinin ilk müsbət təcrübəsi model meşələrin beynəlxalq
şəbəkəsinin yaradılması üçün əsas oldu. 1992-ci ildə BMT-nin ətraf mühit və inkişaf üzrə
beynəlxalq konfransında bu təşəbbüs irəli sürüldü və digər ölkələrə bu prosesdə iştirak et-
mək təklif olundu.
Hazırda Beynəlxalq model meşələr şəbəkəsinə (BMMŞ) dünyanın 20-dən artıq
ölkəsində 50 model meşə daxildir. Beynəlxalq şəbəkənin kaytibliyi Kanadanın paytaxtı
Ottava şəhərində yerləşir. Bu icra orqanının əsas vəzifəsi meşə landşaftlarının və təbii ehti-
yatların davamlı idarə edilməsinin qabaqcıl təcrübəsinin qlobal səviyyədə inteqrativ olaraq
inkişaf etdirilməsidir.
Model meşə - bir tərəfdən coğrafi anlayış, digər tərəfdən isə meşələrin və təbii ehtiyat-
ların davamlı idarə edilməsində ictimaiyyətin iştirak etdiyi xüsusi prosesdir. Coğrafi nöqteyi-
nəzərdən model meşə kifayət qədər böyük ərazidə meşələr, kənd təsərrüfatı sahələri, xüsusi
mühafizə olunan təbiət əraziləri, su obyektləri və yaşayış məntəqələrini əhatə edir. Model
meşə - davamlılığa nail olmaq üçün ərazinin təbii ehtiyatları barədə kifayət qədər məlumatı
olan insanların könüllü iştirakı və əməkdaşlığı sayəsində yaradılır.
Model meşənin əsas tərkib hissələri aşağıdakılardır:
•
landşaft – meşə ehtiyatlarının və onların sosial, iqtisadi, ekoloji istifadə imkan-
larının bütün müxtəlifliyini əks etdirən
kifayət qədər böyük ərazidir;
•
ictimaiyyətin geniş iştirakı – regionda təbii ehtiyatların səmərəli istifadəsində
maraqlı olan davamlı inkişafın yerli prioritetlərini və məqsədini həyata keçirmək
üçün ümumi fəaliy yət üsullarını hazırlayaraq birgə məqsədə nail olan insanların
əməkdaşlıq münasibətləri şəffaflıq və razılaşma
prinsipləri üzərində qurulur;
•
davamlılıq – model meşənin yaradılması əməli siyasi və qanunvericilik səvi-
yyəsində təbii ehti yat ların davamlı idarə edilməsinə yönəldilir. Bu prosesdə
maraqlı tərəflər təbii ehtiyatların davamlı idarə edilməsinə innovativ yanaşmaların
hazırlanmasında müntəzəm olaraq iştirak edirlər.
Dünyada 50-yə qədər model meşə fəaliyyət göstərir ki, bu möhtəşəm təşəbbüs vasitəsilə
beynəlxalq model meşələr şəbəkəsi davamlı inkişaf məsələlərinin inno vativ cəhətdən prob-
lemin az vəsait qoyuluşu tələb edən və effektiv həlli imkanlarını nümayiş etdirir.
İsveçin boreal meşələrindən başlayaraq, Pataqo niyanın mülayim meşələri və İndonezi-
yanın tropik meşələrinə qədər müxtəlif landşaftlarda model meşələr uğurla fəaliyyət göstərir.
Bu landşaftların hər biri tarixi baxımdan unikal, yerli əhalinin mədəniyyətinə, təsirinə görə
təkrarolunmaz, ölkə qanunvericiliyə görə müxtəlifdir.
Coğrafi ərazilərin və regionların müxtəlifliyinin nəzərə alaraq Beynəlxalq model meşələr
şəbəkəsinin üzvləri arasında əlaqələri və vəhdəti təmin edən əsas 6 prinsip vardır. Model
meşələrin fəaliyyətinin əsas prinsipləri aşağıdakılardır: