209
AZƏRBAYCAN MEŞƏLƏRİNİN DAVAMLI İDARƏ EDİLMƏSİNİN ƏSASLARI.
BİOEKOLOJİ TƏLƏBLƏR
tiyatının təyin edilməsi üsulları məlumdursa, meşə ekosisteminin funksiyalarının (içməli su
təminatı, karbon qazının udulması və s.) qiymətləndirilməsi qay da ları hələ tam işlənməyib-
dir. Digər tərəfdən so sial resursların (əhalinin müxtəlif qruplarının təhsil səviy yəsi, bilik və
bacarıqları, milli-mənəvi dəyərləri, intel lektual, yaradıcılıq qabiliyyətlərinin inkişafı və s.)
qiymət ləndirilməsi o qədər də sadə məsələ deyildir.
Effektivlik prinsipi. Bu prinsipə əsasən arzuolunan nəticəni əldə etmək üçün təbii ehti-
yatların minimal istifadəsi nəzərdə tutulur. Təbii ehtiyatlar məhdud oldu ğundan bir neçə as-
pekti nəzərdən keçirək. Meşələrin bərpası və artırılması üçün aparılan tədbirlərin (toxu mluq
ağacların seçilməsi, tinglikdə bitkilərin becə ril məsi, qulluq qaydaları və s.) texniki effek-
tivliyini qiymət lən dirən zaman meşənin biomüxtəlifliyinin artması, su qoru yucu və istirahət
üçün rekreasiya funksiyası da mütləq qiymətləndirilməlidir. Cənubi Afrikada yaradılan
evkalipt plantasiyaları torpağın su ehtiyatlarını sərf etdiyinə görə yaxınlığındakı yaşayış
məntəqələrində yerli əhalinin içməli su təminatını və torpağın məhsuldarlığını təhlükə altın-
da qoyur. Bu baxımdan meşələrin belə idarə edilməsi ekoloji cəhətdən effektiv hesab edilə
bilməz. Biomüxtəlifliyin qorunması və digər tələblərin yerinə yetirilməsi meşədən alınan
iqtisadi
gəliri azaltsa da, uzunmüddətli perspektivdə daha çox səmərə verə bilər.
Sosial ədalət prinsipi. Meşə insanların həyatında çox əhəmiyyətli rol oynadığına görə
müxtəlif sosial qrupların meşələrin idarə edilməsinə olan tələbatı da müxtəlifdir. Məsələn,
əgər sənaye meşələri olan ölkələrdə əhalinin bir sosial qrupu meşə qırmalarından gəlir əldə
edirsə, qeyri-oduncaq ehtiyatlarından istifadə edən digər qruplar itirirlər. Meşə ehtiyat-
larının davamlı istifadəsi meşə ətrafı kənd və qəsəbələrin əhalisi üçün həyati əhəmiyyətli
məsələ olub, ailənin sosial təminatı, milli-mənəvi dəyərlərin və adət-ənənələrin saxlanması
üçün vacibdir. Yerli əhalinin ovçuluq, balıqçılıq və qida məhsulları toplamaq məqsədilə
istifadə etdiyi, müqəddəs ziyarətgahların olduğu meşə sahələrinin bir hissəsi saxlanmalı və
yaxud əvəzində müəyyən şərtlər yerinə yetirilməlidir.
Burada meşədən istifadə hüquqlarının və maraqların təmin olunması əsas şərtlərdən
biridir. Mühüm qərarların qəbul edilməsi zamanı bütün maraqlı tərəflərin rəyi nəzərə alınır.
Bu zaman əsas üç məsələyə aydınlıq gətirilir:
1.
Hansı qruplar öz tələblərini irəli sürür? Bu qruplara meşə istifadəçiləri, tor-
paq istifadəçiləri, istehlakçılar, ayrı-ayrı vətəndaşlar, dövlət müəssisələri, təbiəti
mühafizə və sosial ictimai təşkilatlar, həmkarlar təşkilatı, dini qurumlar, kütləvi
informasiya
vasitələri,
assosiasiyalar, siyasi partiyalar aid edilir.
2.
Bu hansı tələblərdir? Meşələrdən istifadənin neqativ təsirin azaldılması, təbii
ehtiyatlardan istifadə hüququnun təmin edilməsi, qərar qəbul edilməsində işti-
rak etmək və qərarların qəbuluna təsir etmək hüququ maraqlı tərəflərin irəli sürə
biləcəyi tələblərdir.
3.
Bu tələblər nəyə əsaslanır? Tələblərin mövcud qanunvericiliyə, beynəlxalq kon-
vensiyalara və sazişlərə, beynəlxalq standartlara, insan hüquq larının təmin olun-
masına və milli-mənəvi dəyər lərə əsaslanması nəzərə alınır.