97
4 - c ü F Ə S İ L
ÜNSİYYƏT
Qısa xülasə
Ünsiyyət haqqında anlayış. Ünsiyyətin tərifi, əsas cəhətləri,
məzmunu, məqsədi və vasitələri. Ünsiyyətin növləri: maddi, koqno-
tiv, kondision, motivlərlə bağlı işgüzar; bioloji, sosial, vasitəli,
vasitəsiz; verbal, qeyri-verbal. Ünsiyyətin funksiyaları. Ünsiyyət və
fəaliyyətin vəhdəti.
Ünsiyyət informasiya mübadiləsi kimi. İnformasiya
mübadiləsi və onun ünsiyyətdə yeri. İnformasiya mübadiləsi
tərəfləri: kommunikator və resipient. Kommunikasiya vasitələri: ver-
bal və qeyri-verbal. Nitq verbal ünsiyyət kimi. Nitq dil vasitəsilə
həyata keçirilən ünsiyyət prosesidir. Dil şərti danışıq işarələri sistemi
kimi. Nitqin xüsusiyyətləri: məzmunluluğu, anlaşıqlılığı, təsirliliyi,
ifadəliliyi. Nitqin mexanizimləri. Nitqin qavranılması və
anlaşılması. Nitqin növləri və formaları. Qeyri verbal ünsiyyət. Qeyri
verbal ünsiyyətin vasitələri. Şəxsiyyətlərarası ünsiyyətdə özünü
göstərən zonalar.
Ünsiyyət qarşılıqlı təsir kimi. İnsanların qarşılıqlı təsiri və
qarşılıqlı münasibətlərinin tənzim olunması. Sosial normalar və so-
sial nəzarət. Ünsiyyət prosesində rol və rol gözləmələri. Dostlar
arasında ünsiyyətin xarakteri. Ünsiyyətdə maneələr və onların
qarşısını almaq yolları. Məna maneələri və onları doğuran səbəblər.
Ünsiyyət insanların bir-birini qavraması və anlaması ki-
mi. Qarşılıqlı anlama prosesində sosial persepsiyanın rolu. İnsanların
bir-birini qavramalarının mexanizimləri: eyniləşdirmə, refleksiya,
stereotipləşdirmə. İnsanların bir-birini qavramasında, oreol effektinin
(himayə effekti) yeri.
II.4.1. Ünsiyyət haqqında anlayış
Ünsiyyətin tərifi, məzmunu, məqsəd və vəzifələri.
İnsanlar birgə yaşayış və birgə fəaliyyət zamanı daima bir-biri
98
ilə informasiya mübadiləsi aparır, bir-birinə qarşılıqlı təsir
göstərir və ya bir-birini qavrayır və anlayırlar. Başqa sözlə
ünsiyyətə girirlər. İnsanın hər cür fəaliyyətində ünsiyyət zəruri
şərt kimi özünü göstərir. Ünsiyyət olmadan insanların birgə
fəaliyyəti həyata keçirməsi mümkün deyildir.
Ünsiyyət insanlar arasında təmasın yaranması və inkişafı
prosesi kimi meydana çıxır. Heç bir insan birliyi oradakı adam-
lar arasında təmas yaradılmadan birgə fəaliyyəti həyata keçirə
bilməz və onların arasında qarşılıqlı anlama baş verməz.
Ünsiyyət insanlar arasında birgə fəaliyyət təlabatından doğan
təmasın çoxplanlı inkişaf prosesidir. Başqa sözlə, insanların öz
münasibətlərini aydınlaşdırmaq və ümumi nəticə əldə etmək
məqsədilə öz səylərini əlaqələndiməyə və birləşdirməyə
yönəldilmiş qarşılıqlı təsirinə ünsiyyət deyilir.
Ümumipsixoloji baxımdan nəzərdən keçirdikdə, əvvəla,
ünsiyyət iki və daha çox şəxs arasında baş verir; ikincisi,
həmin proses az-çox dərk edilmiş olur; üçüncüsü, ünsiyyət in-
sanlar arasında informasiya mübadiləsi olmaqla bərabər
qarşılıqlı təsir prosesi, real gerçəkliyi əks etdirmək vasitəsidir;
dördüncüsü, ünsiyyət dinamik prosesdir, onun müxtəlif forma
və vasitələri vardır. Deməli, ümumipsixoloji baxımdan
ünsiyyəti fəaliyyətin xüsusi bir növü hesab etmək olar.
Ünsiyyət prosesində insanlar arasında fikir, bilik, rəy, təcrübə
və hisslər mübadiləsi gedir, onlar bir-birinin inam və əqidəsinə
təsiri
olan müxtəlif tipli məlumatları əsasən başqaları ilə
ünsiyyət prosesində əldə edir, öz bilik və təsəvvürlərini
başqalarına
aşılayırlar. Aydındır
ki, ünsiyyət
həyat
tələbatlarından doğur və demək olar ki, insanın ictimai
həyatının gedişini tənzim edir. Təsadüfi deyildir ki,
tədqiqatçılar ünsiyyəti insanların bir-birini anlaması başa
düşməsi prosesi (S.L.Rubinşteyn), fikirlərin təəssüratların
başqalarına verilməsi
prosesi (L.S.Vıqotski), insanların
başqalarına olan tələbatı (Y.L.Kolominski) və s. hesab
99
etmişlər.
Ünsiyyət prosesində insanlar nəinki mühit haqqında
məlumat əldə edir, eyni zamanda müxtəlif adət və vərdişlərə
yiyələnir ki, bunlar da real varlığın dərk edilməsinə xüsusi
istiqamət verir. Deməli, ünsiyyət, hər şeydən əvvəl, obyektiv
varlığın dərk edilməsini təmin edən əsas şərtdir.
Həyati faktlar göstərir ki, ünsiyyət eyni zamanda psixi
proseslərin təzahüründə özünəməxsus tərzdə iştirak edir.
Ünsiyyət psixi proseslərin dinamikasına, təzahürünə təsir
göstərir və onları daha da mütəhərrik edir.
Ünsiyyət eyni zamanda şəxsiyyətin formalaşmasına da
müəyyən tərzdə istiqamət verir. Demək olar ki, şəxsiyyətin
təşəkkülü müəyyən mənada ünsiyyət prosesinin məhluludur.
Ümumi psixologiya baxımından ünsiyyət probleminin
maraqlı cəhətlərindən biri də ondan ibarətdir ki, insanın özünü
dərk etməsi, öz məninə nəzər salması, özünü başqaları ilə
müqayisə edərək qiymətləndirməsi belə ünsiyyət prosesinin
məhlulu kimi qəbul edilə bilir. İnsan yalnız başqaları ilə
ünsiyyət prosesində onları dərk edir.
Müasir sosial psixologiyada ünsiyyətin üç mühüm tərəfi,
cəhəti qeyd olunur:
1) ünsiyyət informasiya mübadiləsi kimi və yaxud ünsiy-
yətin kommunikativ tərəfi;
2) ünsiyyət qarşılıqlı təsir prosesi kimi və ya ünsiyyətin
interaktiv tərəfi;
3) ünsiyyət insanların bir-birini qavraması, anlaması kimi
və yaxud ünsiyyətin perseptiv tərəfi.
Ünsiyyətin özünəməxsus məzmunu, məqsədi və vasitələri
mövcuddur (R.S.Nemov).
Ünsiyyətin məzmunu dedikdə fərdi təmas zamanı bir in-
sandan digərinə ötürülən inıormasiya nəzərdə tutulur. Məhz öz
məzmunundan asılı olaraq insanların ünsiyyəti müxtəlif xarak-
ter daşıya və fərqlənə bilir.
Ünsiyyətin məzmununu, hər şeydən əvvəl, insanın daxili
Dostları ilə paylaş: |