47
Mövzu 9.
Dəmir yolu ilə daşınan yüklərin
gömrük rəsmiləşdirilməsi qaydaları
Yük dedikdə - marşrutla, vaqonla, konteynerlərlə və kiçik həcmlərdə dəmir yolu ilə daşınan və ya
daşınması nəzərdə tutulan mallar nəzərdə tutulur.
Azərbaycan Respublikasının gömrük ərazisinə gətirilən və oradan aparılan bütün yüklər gömrük
rəsmiləşdirilməsindən keçməlidirlər.
Gömrük rəsmiləşdirilməsi qaydası DGK-nın normativ sənədləri ilə müəyyən olunur. Gömrük
orqanlarının və dəmir yolunun qarşılıqlı münasibətləri qaydası hüquqi-normativ aktlarla müəyyən edilir.
Yüklərin gömrük rəsmiləşdirilməsi Gömrük Məcəlləsində nəzərdə tutulmuş müddətlərdə icra olunur.
Yüklərin gömrük rəsmiləşdirilməsi gömrük orqanlarının razılığı ilə yüklərin müvəqqəti saxlanc anbarlarında
yerləşdirilməsi və ya faktiki yerləşdirilməsi (müəssisələrin keçid yollarında yerləşdirilməsi) ilə Dəmir yolu
şöbələri tərəfindən təsis edilmiş müvəqqəti saxlanc anbarları DGK-nın tələblərinə müvafiq təchiz
olunmalıdırlar.
Dəmir yolu müəssisələri tərəfindən təsis edilən müvəqqəti saxlanc anbarlarında gömrük orqanlarının
razılığı ilə müvəqqəti saxlanc haqqında Əsasnamədə (müvəqqəti saxlanc anbarlarında) nəzərdə tutulan
qeydiyyat (uçot) sistemindən yayınmalara yol verilə bilər. Dəmir yolu ilə yük daşımalarının təkmilləşdirilməsi
məqsədilə DGK və Nəqliyyat Nazirliyinin Dəmir Yolu İdarəsi ilə DYİ birgə avtomatlaşdırılmış nəzarət və
idarəetmə sistemləri tətbiq edə bilərlər.
Gömrük rəsmiləşdirilməsi başa çatmamış yüklərin iki gömrük orqanı arasında daşınması gömrük
nəzarəti altında, daşınmanı icra edən dəmir yollarının məsuliyyəti ilə həyata keçirilir. Gömrük nəzarəti altında
daşınan yüklər haqqında gömrük orqanlarının vəzifəli şəxslərinin öz səlahiyyətləri daxilində verdikləri qərarın
icrası dəmir yolunun işçiləri üçün vacibdir.
Dəmir yolu tərəfindən yüklərin gömrük nəzarəti altında daşınması yüklərin daşınması qaydalarına,
beynəlxalq yük daşımaları haqqında müvafiq razılaşmalara uyğun olaraq Gömrük Məcəlləsinə riayət olunmaqla
həyata keçirilir. Dəmir yolu tərəfindən yüklərin gömrük nəzarəti altında nəqli texniki vəziyyəti yüklərin
saxlanmasını təmin edən vaqonlarda və konteynerlərdə (bundan sonra daşıma vasitələri) həyata keçirilir.
Göndərən gömrük orqanı adi daşıma müddətlərinə əsaslanaraq, dəmir yolunun nəzərdə tutulan marşrut
imkanlarını və başqa şərtləri nəzərə alaraq, yükün təyinat gömrük orqanına çatma müddətini təyin edir. Dəmir
yolu normal daşınma və saxlanma şəraitində təbii aşınma və ya azalma istisna olunmaqla, qablaşdırma
materiallarını və malları dəyişməmiş vəziyyətdə təyinat stansiyasına çatdırmağa və yükün çatdırılması haqqında
müvafiq gömrük orqanına məlumat verməyə borcludur.
Dəmir yolu ilə yüklərin gömrük nəzarəti altında daşınması zamanı gömrük ödənişlərinin ödənilməsinin
təmin olunması tələb olunmur. Ancaq dəmir yolu işçiləri gömrük nəzarəti altında daşınan yüklərin gömrük
orqanlarının razılığı olmadan sahiblərinə vermə hüququ yoxdur. Bu halda dəmir yolu Gömrük Məcəlləsinə
müvafiq olaraq məsuliyyət daşıyır.
9.1. Yüklərin gömrük ərazisinə
gətirilməsi zamanı gömrük
rəsmiləşdirilməsi qaydası
Azərbaycan Respublikasının gömrük ərazisinə yüklərin gətirilməsi zamanı gömrük rəsmiləşdirilməsi,
sərhəd stansiyasının işçiləri tərəfindən gömrük orqanının vəzifəli şəxslərinin yükün xaricdən daxil olması
haqqında məlumatlandırılması ilə başlayır. Məlumatlandırma iki nüsxədə ötürmə cədvəllərinin (peredatoçnaya
vedomostm), həmçinin, daşınma və müşayiət etmə sənədlərinin gömrük orqanına verilməsindən ibarətdir (əlavə
6).
Gömrük orqanının vəzifəli şəxsi ötürmə cədvəllərinin hər iki nüsxəsinin yuxarı sağ küncündə aşağıdakı
formada ştamp vurur:
“Sənədlər gömrük tərəfindən qəbul edilib ____ saat_____dəq. dəmir yol stansiyasına
qaytarılıb_____saat_____dəq. gömrük orqanının vəzifəli şəxsinin imzası____________dəmir yolu stansiyasının
işçisinin imzası ______________” ştamp
Ötürmə cədvəlinin bir nüsxəsi gömrük məqsədləri üçün nəzərdə tutulmuş malı müşayiət edən sənədlərin
əlavə nüsxələri ilə birlikdə (əgər belə nüsxələr varsa) gömrük orqanında qalır, digər nüsxəsi isə ötürmə cədvəli
ilə birlikdə təqdim edilmiş bütün sənədlərlə stansiyanın əməkdaşına qaytarılır.
Gömrük orqanının vəzifəli şəxsləri ötürmə stansiyasının əməkdaşları ilə birlikdə stansiyanın
fəaliyyətinin texnoloji prosesində nəzərdə tutulmuş müddətlərdə daşıma vasitələrinin sayını, nömrələrini,
48
plombların vəziyyətini, açıq hərəkət tərkibində yükün vəziyyətini və s. yoxlayırlar. Stansiyasının əməkdaşları
tərəfindən bütün aşkar olunmuş uyğunsuzluqlar haqqında ümumi formada akt və yük daşımaları Qaydalarında
nəzərdə tutulmuş hallarda kommersiya aktları tərtib edilir. Yoxlamada iştirak etmiş sərhəd gömrük orqanının
vəzifəli şəxsinin soyadının tərtib edilmiş aktlarda göstərilməsi zəruridir. Tərtib edilmiş aktların surəti gömrük
orqanlarının tələbi ilə onlara verilir.
Sərhəd gömrük orqanının vəzifəli şəxsi yuxarıda göstərilən, idxal olunan yüklərin sənədlərini yoxlayır,
onları qeydiyyata alır və aşağıdakı qərarlardan birini qəbul edir:
a) yükün tam gömrük rəsmiləşdirilməsi haqqında;
b) yükün və sənədlərin alınması və ya təkrar yoxlama aparılması haqqında;
c) yükün gömrük nəzarəti altında təyinat gömrük orqanına göndərilməsi haqqında.
DGK-nin müəyyən etdiyi hallarda, daxili gömrük orqanlarında tam gömrük rəsmiləşdirilməsi üçün
nəzərdə tutulmuş qaydada və müddətlərdə tam gömrük rəsmiləşdirilməsi sərhəd gömrük orqanında aparıla bilər.
Yükün geri qaytarılması haqqında qərar dəmir yolu qaiməsində yükün adının altında səbəbi
göstərilməklə “Geri qaytarılmalıdır” ştampı ilə və ya analoji yazı ilə göstərilir. Ştamp və ya yazı gömrük
orqanının vəzifəli şəxsinin nömrəli şəxsi möhürü ilə təsdiq edilir. Texniki, kommersiya və başqa xarakterli
daşımaların şərtlərilə bağlı yüklərin geri qaytarılması zamanı daşınma sənədlərinə ümumi formada akt əlavə
edilir.
Yükün və onun sənədlərinin alınması və ya yükün təkrar yoxlanılması haqqında qərar daşınma
sənədlərində səbəbi göstərilməklə “Buraxılması qadağandır” ştampı ilə göstərilir. Ştamp və yazı gömrük
orqanının vəzifəli şəxsinin nömrəli şəxsi möhürü ilə təsdiq edilir. Bu halda stansiyanın işçiləri ümumi formada
akt tərtib edir, yükün çatdırılma müddəti isə saxlanma dövrünə müvafiq artırılır.
Sərhəd gömrük orqanı tərəfindən gömrük rəsmiləşdirilməsi (tam gömrük rəsmiləşdirilməsindən başqa)
və yüklərə nəzarət sərhəd keçid stansiyasının işinin texnoloji prosesi ilə müəyyən olunan və gömrük
rəsmiləşdirilməsi məqsədilə gömrük orqanları ilə razılaşdırılmış müddətlərdə aparılır.
Xaricdən gəlmiş gömrük yükləri təyinat stansiyalarında ümumi istifadə yerlərində olan müvəqqəti
saxlanc anbarlarında yerləşdirilir və ya müvəqqəti saxlanc anbarı olan müəssisələrin keçid yollarına verilir.
Müvəqqəti saxlanc anbarları olmayan müəssisələr gömrük orqanlarına aşağıdakı öhdəlikləri verərlərsə
yüklərin bu müəssisələrin keçid yollarına verilməsinə icazə verilir:
- gömrük orqanlarının icazəsi olmadan yüklərlə heç bir əməliyyat aparmamaq;
- yük keçid yoluna daxil olduqdan sonra səkkiz saatlıq, üç iş günü ərzində və ya gömrük orqanı fasiləsiz
iş rejimində işlədiyi hallarda, bir sutka ərzində gömrük rəsmiləşdirilməsini başa çatdırmaq. Bu şərtləri yerinə
yetirən müəssisələrin siyahısı gömrük orqanları tərəfindən müvafiq dəmir yolu stansiyalarına verilir.
Yük təyinat stansiyasına çatdıqdan sonra stansiyanın işçiləri təyinat gömrük orqanına və yük alana
xəbər verməlidirlər.
Gömrük orqanının vəzifəli şəxsi yükün daxil olması haqqında məlumatı qeydə alır və gömrük
rəsmiləşdirilməsinin vaxtı haqqında qərar qəbul edir.
Yük alan, stansiyadan məlumat aldıqdan sonra, gömrük nəzarəti və rəsmiləşdirilməsi üçün lazım olan
sənədləri və məlumatları gömrük orqanına təqdim edir. Ərazisində gömrük orqanlarının struktur bölmələri
yerləşən dəmir yolu stansiyalarında daşınma sənədləri gömrük orqanlarının vəzifəli şəxslərinə bilavasitə
stansiyanın işçiləri tərəfindən verilir və bu fakt xüsusi kitabda rəsmiləşdirilir. Bu stansiyalarda daşınma
sənədlərinin gömrük orqanının vəzifəli şəxsinə təqdim etmədən yük alana verilməsi qadağan olunur.
Gömrük orqanının vəzifəli şəxsləri təqdim olunmuş sənədləri yoxlayır və müəyyən olunmuş qaydada
gömrük rəsmiləşdirilməsini həyata keçirirlər. Gömrük rəsmiləşdirilməsinin nəticələrinə görə təyinat stansiyası
üçün nəzərdə tutulmuş beynəlxalq dəmir yolu qaiməsinin müvafiq qrafasında “Buraxılmağa icazə verilib” və ya
səbəbi göstərilməklə “Buraxılması qadağandır” ştampı vurulur və sənədlər stansiyanın işçilərinə qaytarılır.
Gömrük rəsmiləşdirilməsi başa çatanadək gömrük orqanının “Buraxılmağa icazə verilib” ştampı vurulana qədər
yüklərin müvəqqəti saxlanc anbarlarından verilməsi və ya keçid yollarına verilmiş yüklərə sərəncam verilməsi
qadağandır.
9.2. Yüklərin Azərbaycan Respublikasından
kənara aparılması zamanı gömrük
rəsmiləşdirilməsi qaydası
Yüklərin Azərbaycan Respublikasından kənara aparılmasına gömrük rəsiləşdirilməsi başa çatdıqdan
sonra icazə verilir. Yüklərin dəmir yolu ilə daşınmasına təhvil verilməsindən əvvəl yük göndərən planlaşdırılan
yükləmə gününə kimə əvvəlcədən aşağıdakı sənədləri gömrük orqanlarına təhvil verməlidir: