türkçülük duyğularını tamamilə itirən Boris bundan qəzəblənərək
oğlunun əvvəlcə gözlərini çıxarır, sonra isə öldürür. Ardınca Boris
idarəetmənin əsasını təşkil edən Xalq Məclisini çağıraraq kiçik oğlu
Simonu knyaz elan edir.
Bütün bunlara baxmayaraq, xristianlığın qəbulu Bizansla münasibətləri
tamamilə yaxşılaşdıra bilmir. Doğrudur, məsihiliyin qəbulundan sonra
Bizans hədiyyə olaraq Çağra ovalığını bulqarlara versə də, sonralar
imperator Vasili 14 min bulqar əsgərini əsir alaraq gözlərini çıxartdırır.
Tuna-bulqarları 1018-1187-ci illərdə Bizansın hakimiyyəti altında
olsalar da, 1373-1878-ci illərdə digər bir türk ulusu olan Osmanlıların
tabeçiliyində yaşayırlar.
Tuna-Bulqar dövlətini “Xan” adlanan hökmdar idarə edirdi və eyni
zamanda Xalq Məclisi fəaliyyət göstərirdi. Xanlıqda 12 heyvanlı türk
təqvimi işlədilirdi. I Boris xana qədər türkçülük ənənələrini yaşadan
bulqar hökmdarları bunlardır : Tervel (701-718), Sevar (724-740),
Qurumuş (740-756), Vinek (761-764), Telets (761-765), Sabin (765-767),
Toktu (767-772), Paqan (772), Teleriq (772-777), Kardam (777-803),
Kürüm (803-814), Omurtaq (814-831), Balamir (831-856,xristianlığı
qəbul edən qardaşını öldürür.), Presiyan (836-853).
Bulqar-Türk dövlətinin süqutundan əsrlər keçsə də,bir qism bulqar
türçülüklərini itirmədilər. Məhz buna görədir ki, sonralar da bulqar
türklərinə qarşı çirkin planlar hazırlandı. 1878-1879-cu illərin Rus-
Osmanlı savaşında və 1912-1913-cü illərin Balkan müharibələrində 1,7
milyon Bolqarıstan türkü ölkədən qovuldu. Berlin konfransından sonra
bulqar türklərinin dil və təhsillə bağlı hüquqları bərqərar edilsə də, bu
hal 1921-23-cü illərədək davam etdi. Sosialist rejimin dağılmasından
sonra bulqar türkləri yenidən hüquq və azadlıqları uğrunda
mübarizəyə başlayırlar. Hazırda Bolqarıstanın 8 milyonluq əhalisinin
1.5 milyonu türkdür. Onların “Zaman-Bulqariya", "Bultürk" kimi
qəzetləri fəaliyyət göstərir. Tarixin unutdura bilmədiyi bir həqiqət
Sofiya şəhərində Kürüm xana qoyulmuş heykəldir. Heykəlin altında isə
türk tarixinin ən şərəfli dövrlərindən birini ehtiva edən bu kəlmələr
yazılıbdır : “Bolqar xalqı onları Bizans ağalığından xilas etdiyinə görə
Kürüm xana minnətdardır”.
IX yarpaq
İdil suyu axar durur
Böyük Bulqar dövləti parçalandıqdan sonra 463-cü ildə bulqarların bir
qismi İdil (Volqa) çayı sahilində məskunlaşır. Buradakı bulqarların
əsas hissəsini otuz-oğurlar təşkil etsə də, onların tərkibinə xəzərlər,
sabarlar, uzlar və hunların qalıqları da daxil idi. Əvvəllər qrup halında
yaşayan bulqarlarda hər qrupun bir hökmdarı olurdu, lakin IX əsrdən
bulqarlar bir dövlət ətrafında birləşməyə başladılar. Bu qruplar
bunlardır : Bulqar, Suvar, Barzula, İskil.
Bulqar dövləti 965-ci ilədək Xəzər xaqanlığından asılı vəziyyətə idi və
vergi verirdi. Xəzər xaqanlığının devrilməsindən sonra müstəqilləşən
bulqarlar 985-ci ildə Kiyev-Rus dövlətinin hücumuna məruz qalır, lakin
ruslar tezliklə ərazini tərk edirlər. 1006-cı ildə bulqarlarla ruslar
arasında ticarət müqaviləsi imzalanır.
Rusların bulqarlara qarşı mənfi münasibətinə baxmayaraq 1024-cü ildə
Suzdal knyazlığında aclıq baş verərkən bulqarlar ruslara yardım
göstərirlər. Yeri gəlmişkən qeyd edək ki, bulqarlar bərəkətli
torpaqlarda məskunlaşdıqlarından oturaq həyat tərzi sürürdülər,
əkinçilik (ağ darı, buğda və arpa əkirdilər), heyvandarlıq, zərgərlik,
dəriçilik və kürkçülüklə məşğul olurdular. Xəzər və Aral dənizləri
ətrafı, Xarəzm, İran, Misir, Türküstan və hətta Şimal Buzlu okean
əraziləri ilə ticarət edirdilər. Ticarətlərinin əsasını müxtəlif kürk və dəri,
silahlar, bal və fındıq təşkil edirdi. “Bulqari” adlanan dəri və çəkmələr
daha çox məşhur idi. Bulqarların kürk istehsalı bu ticarətlə məşğul olan
digər xalq olan ruslarla münaqişələrə səbəb olurdu. Məhz bu səbəbdən
XI-XIII əsrlərdə ruslarla savaşlar aparılır.
İdil-Bulqar şəhərləri bunlardır: Suvar, Osal, Tetiş, Cuke-tav, Züye,
Kaşan, Kermencük, Kazan. Paytaxt Bulqar şəhəri IX-XII əsrlərdə Şərqi
Avropanın ən mühüm ticarət mərkəzlərindən idi. Bu mərkəz indiki
Kazan şəhərindən 115 km cənubda yerləşirdi. Şəhərin ən məşhur
sarayları “Ağ saray” və “Qara saray” adlanan tikililərdir.
İdil-bulqarları qərbdə burtaslarla və ruslarla, şərqdə başqurdlarla
həmsərhəd olublar. İdil çayının adının Hun xaqanı Atillanın ismindən
götürüldüyü qeyd olunur. Bulqarların nəsli hesab edilən çuvaşlar
“Adıl” adlandırırlar. Digər türk xalqları tərəfindən Atil, Etil, İtil və İdil
kimi tələffüz olunur. Valday yaylasından başlayan İdil çayı Şupaşkar,
Qorki, Kazan, Kuybişev, Volqoqrad və Astarxandan keçərək Xəzər
dənizinə tökülür.
İdil suyu axar durur
Qaya dibini oyar durur
Bütün balıqlar baxa durur
Gölü bilə daşırırlar.
( “Divani-lüğət it-türk”dən)
Volqa bulqarları haqqında əsas məlumatları İbn Fədlan “Səfərnamə”
əsərində verib. “Səfərnamə”də qeyd edilir ki, Bulqar xanı Şelkey oğlu
Almış islami bilgilər əldə etmək üçün xəzər türklərindən Baştonun
rəhbərliyi ilə xəlifə əl-Müqtədirə elçi göndərir.(920) 922-ci ilin mayın 12-
də İbn Fədlanın başçılığı ilə Xilafətdən islam alimlər və inşaatçılar
Bulqar şəhərinə ayaq basırlar. Saraydakı görüşdə Almış xan xəlifənin
şərəfinə 3 dəfə bal şərabı içir. Fədlan Almış xanın islama səmimiyyətlə
inandığını və onun “Allahım, bulqar xanı Yaltavarı islah et” duasını
etdiyini qeyd edir. İslamdan əvvəlki bir sıra adətlər saxlanılsa da, yeni
dinin ritualları ciddi şəkildə yerinə yetirilirdi. Hətta sübh namazını
vaxtında qılmaq üçün gecələr oyaq qalınırdı.
İbn Fədlan bu səyahəti əsnasına bulqarlarla yanaşı oğuzlar, xəzərlər,
başqurdlar, slavlar haqqında dəyərli məlumatlar verir. Özünə Cəfər
adını götürən Almış 944-də oğlu Əhmədi həccə göndərir və eyni
zamanda xəlifəyə dəyərli hədiyyələr və bayraq ərmağan edir.
Beləliklə, İdil-Bulqar dövləti islamı dövlət dini edən ilk türk dövləti
olur. Almış xan isə İslamı qəbul edən ilk türk hökmdarlarından biri
kimi tarixə keçir.
Xanlıqda eltəbər, buyruq, tudun kimi vəzifələr mövcud olub. Almış
Cəfər xandan sonrakı bulqar başçılar bunlardır : “Mikayıl, Talib ibn
Əhməd, Mömin ibn Əhməd, Mömin ibn Əl-Həsən.
Bulqar türklərində din- İstər Tuna, istərsə də, İdil bulqarlarında yeni
dinin qəbulundan əvvəlki dinləri eyni idi. Bulqar totemizmində əsas
yeri qartal və qurd tuturdu. Madara qəsəbəsindən tapılmış yazılarda
Tanqra sözü bulqarların Tenqri inancından xəbər verir. Bulqarlar
Tanqranı səmavi hesab edirdilər və başqa xalqlar kimi Tanqranın insan
olduğunu
düşünmür,
eyni
zamanda
hökmdarı
Tanrı
kimi
səciyyələndirmirdilər. Xan sadəcə olaraq onların üzərində hakim
olması üçün seçildiyindən digər insanlardan fərqləndirilirdi. Çünki
xanın da hakimiyyətinin fani olduğunu, bir gün öləcəyini və öldükdən
sonra
onun
yerinə başqasının gələcəyini bilirdilər. Madara
qəsəbəsindəki yunanca olan yazının birində “Tanrı tərəfindən
göndərilən, Tanrıya bənzər Balamir xan” ifadəsi qeyd olunub. Arxeoloq
Dostları ilə paylaş: |