VIII yarpaq
Tuna bizdən utanır, biz Tunadan
Bulqar adı tarixdə ilk dəfə V əsrin II yarısından etibarən işlədilir.
Mənbələrdə 482-ci ildə Bizans imperatoru Zenonun şərqi qotlarla savaş
üçün Qara dənizin şimalında yaşayan bulqarlardan kömək istəməsi
qeyd olunur. Məlumdur ki, 453-cü ildə Atillanın ölümündən sonra hun
tayfaları Avropa ərazilərinə yayılmağa başlayır. Atillanın ikinci oğlu
Dengizikin ölümündən sonra (469) onun kiçik qardaşı İrnək özünün
başçılıq etdiyi hunlarla birgə Orta Avropanı tərk edərək Qara dəniz
sahillərinə gəlirlər və buradakı oğur (bunların tərkibinə Saraqur (Sarı
və ağ Oğur), Bittiqur (Beş-Oğur), Ultingur (Altı-Oğur), Kutri-qur-
Kuturqur ("Tukurqur"-Doqquz-Oğur), Unqur-Hunuqur-Onuqur (On-
Oğur), Utiqur-Uturqur (Otuz-Oğur) boyları aiddir.) adlanan türk
tayfaları ilə qarışdıqdan sonra “bulqar” (türkcə “qarışmaq” deməkdir.)
adlanmağa başlayırlar. Tarixdə kimmerlərin (qamərlərin) bulqarların
əcdadı olması fikri də mövcuddur. Prokopius kimmerləri bulqarların
əcdadı kimi qeyd edir. İran və Xəzər rəvayətlərində bulqarların ataları
kimi Kimaridən bəhs edilir. “Mücməül-tavarix” əsərində Yafəsin
yeddinci oğlu Kimarinin bulqarların əcdadı olduğu göstərilir. Eyni
zamanda Macar mifologiyalarında vaxtilə Kimmer hökmdarının
Kutirqur və Utirqur adlı iki oğlunun olması qeyd olunur. Digər bir türk
tayfası xəzərlər isə öz nəsillərini bu cür qeyd edirlər: Nuh-Yafəs-
Kimmer-Turqarma.
558-ci ildən sonra bulqarlar bir müddət avarların hakimiyyəti altında
yaşayırlar. 567-ci ildə avarlar göktürklərə məğlub olandan sonra Orta
Avropaya və indiki Cənubi Rusiya ərazilərinə köç edirlər.Avarların bu
köçü nəticəsində bulqarların bir qismi də onlara qoşularaq ərazini tərk
edir, digər qismi isə göktürklərin tabeçiliyinə keçir. Bizansın yardımı ilə
bulqarlar göktürklərin tabeçiliyindən çıxırlar və müstəqil dövlət
yaradırlar. İlk hökmdarları Asiya Hun xaqanlarının sülaləsindən gələn
Qurd (Kubrat) xan olur. Kubratın zamanında dövlətin sərhədi Kuban
çayından Tunayadək uzanırdı. Dövlətdə əsas yeri on-oğur türkləri
tuturdu. Bizans mənbələrində (VI əsr) bulqarların yaşadığı ərazilər
"Patria Onoguria" adlanırdı ki, bu zaman şimalı Qafqaz əraziləri
nəzərdə tutulurdu. 665-ci ildə Qurd xanın ölümündən sonra Böyük
Bulqar dövləti xəzərlərin hücumlarına davam gətirməyərək parçalanır.
Bu hadisədən sonra əsasının otuz-oğurların təşkil etdiyi bir dəstə
şimala doğru çəkilsə də, Kubratın oğullarından Bat Bayan macarlar və
on-oğurlarla birgə ərazidə qalırlar. Bu günkü balkarlar yurdu (Şimali
Qafqazı) tərk etməyənlərdir. Digər bir dəstə Bat Bayanın kiçik qardaşı
Asparuxun (679-702, adın açılışı təmiz türkcədir. “Aspar” türklərdə
tituldur, “ux” isə “oğul,varis” deməkdir. Ad V əsrdə Alban feodalı olan
Asprakın ismi ilə eynidir.) başçılığı ilə Tuna (Dunay) çayı ərazilərinə
gedərək orada məskən salırlar və Dobrucanın cənubunda Tuna-Bulqar
dövlətini yaradırlar. Asparuxun başçısı olduğu bulqarlar iç bulqarlar
kimi tanınır.
Bizansla münasibət-Tuna Bulqarlarının qonşu Bizansla münasibətləri
ziddiyyətli xarakter daşıyır. Bəzən xəzər türkləri kimi Bizansın
yardımına çatan bulqarlar bəzi xanların dövründə şiddətli savaşlar
aparırlar. Belə ki, 717-ci ildə bulqarlar Konstantinopolu mühasirə edən
ərəb ordularına müqavimət göstərən Bizansa yardım edir. II Yustinian
Tervel xanın (702-718) yardımı ilə iki dəfə taxta çıxır. 716-cı ildə
Bizansla
ticarət
müqaviləsi
imzalanır.
Lakin
bulqarların
güclənməsindən ehtiyat edən imperator V Konstantinin (741-775)
zamanında Bizans xanlığa qarşı yürüşlər təşkil edir. İmperator I
Nikefor 811-ci ildə xanlığın mərkəzi Pereyaslava qoşun çıxarır, lakin
məğlub olaraq özü də döyüş meydanında öldürülür. Ardınca bulqarlar
imperator II Mixaili də məğlub edirlər. Bizansın yürüşlərinə cavab
olaraq Kürüm xan cənubi Macarıstanı və Tansilvaniyanı əraziyə qatır,
809-cu ildə Sofiyanı, ardınca Niş və Belqrad qalalarını işğal edərək 814-
cü ildə Konstantinopolu mühasirəyə alır. Lakin mühasirə zamanı Atilla
kimi ağız və burun qanaxmasından vəfat edir.(13 aprel 814). Kürümün
oğlu Omurtaq (814-831) Bizansla 30 il müddətə sülh müqaviləsi
imzalayır.
Tuna bulqarlarının ən parlaq dövrləri Omurtaq xanın zamanına təsadüf
edir. Belə ki, Bizansla sülh bağlandıqdan sonra Omurtaq xan iç duruma
daha diqqətli yanaşmağa başlayır. Bu dövrdə yeni şəhərlər salınır,
möhtəşəm saraylar, abidələr tikilir, su yolları çəkilir. Roma dövrünə aid
olan Kara çayı ətrafındakı duz mədənləri yenidən işlək vəziyyətə
salınır. Arxeoloq G.Feherin Pereslav şəhərinin Madara qəsəbəsindən
aşkar etdiyi 40 kv.metrlik sahəni əhatə edən qaya üzərindəki Kürüm
xana aid atlı barelyef Omurtaqın zamanında hazırlanıb.
Omurtaq Avropanın digər bir güclü dövləti olan Frank imperiyası ilə
savaş apararaq Tuna-Sava-Drava hövzələrini ələ keçirir.
Lakin digər türk toplumlarından uzaqlıq və eyni zamanda slavyanların
say çoxluğu tədricən türklərdə milliliyin itirilməsi ilə nəticələnir. Artıq
bulqarlarla yanaşı slavlar da dövlət idarəetməsində iştirak etməyə
başlayırlar. Bulqarların slavlarla evlənmələri bu prosesi daha da
sürətləndirir. I Boris xanın zamanında məsihiliyin qəbul edilməsi artıq
slavlaşmanın kuliminasiya nöqtəsinə gətirib çıxarır.I Boris xan 864-865-
ci ildə Bizansın təsiri ilə xristianlığı rəsmi dövlət dini elan edir. 869-870-
ci ildə Konstantinopol kilsələr yığıncağında Bulqar kilsəsi rəsmən
tanınır. Bunula da, bulqarların Tanqra (Bir Tanrı) inancı zəifləməyə
başlayır. Əsl adı Boqaris olan xan Boris adını götürür və “xan” titulu
“knyaz”la əvəz olunur.Boris xanlıqda Bizans apostolları olan Kiril və
Mefodinin baxışlarını yaymağa çalışır. Artıq xristianlıq qəbul
edildikdən sonra türk adlarının slavyan adları ilə əvəzlənməsi
başlanılır. Knyaz Boris yaşlandıqdan sonra rahib həyatına qapılaraq
hakimiyyəti oğlu Vladimirə tapşırır. Vladimir tenqrilik inancında
olduğundan atasının qəbul etdiyi bir sıra qərarları ləğv edir. Lakin artıq
məsihilik əhalinin böyük bir qismi tərəfindən qəbul edilmişdi. Bütün
Dostları ilə paylaş: |