211
adlı bir kitab yazdı. Yazırdı ki, ayaq əzələləri gəzməyə xidmət etdiyi
kimi, beyin əzələləri də düşünmək üçündü. Sonralar fransız
riyaziyyatçı Laplas belə bir
fikirlə ifrat mexaniki baxışı ifadə edib: Əgər bir zəka müəyyən bir
vaxtda maddənin bütün zərrəciklərinin olduğu mövqeləri bilsəydi, “heç
nə naməlum olmaz, həm keçmiş, həm də gələcək gözlər qarşısına açıq
sərilərdi”. Buradakı əsas fikir gələcəkdə olacaq hər şeyin əvvəlcədən
müəyyən olunmasıdı. Bu baxışa determinizm deyilir.
Onda elə çıxır ki, dünyada azad iradə yoxdu.
Elədi. Hər şey mexaniki proseslərin, həmçinin bizim fikir və
arzularımızın məhsuludu. XIX əsrdə alman materialistləri bəyan
edirdilər ki, fikrin beyinlə əlaqəsi sidiyin böyrəklə, ödün öd kisəsilə
münasibəti kimidi.
Amma sidik və öd maddidi, əllə tutula bilər. Fikirlər isə yox.
Məsələnin cövhərini tutdun. Bu barədə sənə bir əhvalat danışım. Bir
rus astronavtı ilə rus beyin cərrahı dini müzakirə edirmişlər. Beyin
cərrahı xristiandı, dindardı, astronavt isə yox. Astronavt deyir: “Mən
dəfələrlə fəzada olmuşam, amma orada nə Tanrı, nə də mələklər
görmüşəm”. Beyin cərrahı belə cavab verir: “Mən də dəfələrlə ağıllı
beyinləri əməliyyat etmişəm, amma heç vaxt bir dənə də fikir
görməmişəm!”
Amma bu o demək deyil ki, fikirlər mövcud deyil.
Yox, amma bu misal fikirlərin üzərində əməliyyat aparılacaq, yaxud
daha kiçik hissələrə bölünə biləcək şeylər olmadığını göstərmək
üçündü. Dəlilik əməliyyatla düzəldiləcək bir şey deyil, bu,
cərrahiyyədən çox-çox dərinlərdə yatan bir məsələdi. XVII əsrin
görkəmli filosofu Leybnisə görə, maddi və ruhi şeylər arasındakı fərq
məhz ondadı ki, maddiyyat daha kiçik, xırda hissələrə bölünə bilər, ruh
isə hətta iki yerə də bölünə bilməz.
Bəli, hansı cərrah bıçağı bunu bacara bilər!?
Alberto başını tərpətdi. Bir qədərdən sonra aralarındakı masaya işarə
edərək dedi:
XVII əsrin iki böyük filosofu Dekart və Spinoza idi. Onlar “ruh” və
downloaded from KitabYurdu.org
212
“bədən” arasındakı əlaqə məsələsi ilə məşğul olurdular və biz indi
onları daha yaxından öyrənəcəyik.
Tez başlayaq. Çünki 7-yə qədər evdə olmalıyam.
Dekart
...o, bütün tör-töküntünü yerdən təmizləmək istəyirdi...
Alberto divandan qalxdı, qırmızı plerinanı çiynindən götürüb stulun
üstünə qoydu və yenidən oturdu.
Rene Dekart 1596-cı ildə dünyaya gəlmiş və həyatının müxtəlif
dövrlərində cürbəcür Avropa ölkələrində yaşamışdı. Gənc yaşlarından
insanın və kainatın təbiətinin mahiyyətinə varmaq üçün böyük istəyi
vardı. Lakin fəlsəfə oxuduqdan sonra əslində heç nə bilmədiyini gördü.
Sokrat kimi?
Təxminən onun kimi, bəli. Bundan başqa, Sokrat kimi o da əmin idi
ki, səhih biliyə yalnız ağıl vasitəsilə nail olmaq olar. Kitablarda
yazılanlara kor-koranə inanmamalıyıq. Hisslərimizin də dediklərinə
arxalanmaq olmaz.
Platon da elə düşünüb. O da inanırdı ki, yalnız ağıl bizə səhih bilik
verə bilər.
Tamamilə doğrudu. Sokrat və Platondan Müqəddəs Avqustinə,
Dekarta miras xətti uzanır. Onların hamısı rasionalist olub, ağlın biliyə
gedən yeganə yol olduğunu düşünüblər. Ətraflı öyrənəndən sonra
Demokrit belə nəticəyə gəldi ki, orta əsrlərdən miras qalmış biliyin əsas
hissəsi heç də etibarlı deyil. Sən onu Afinanın mərkəzi meydanında
hökm sürən ümumi baxışlara etibar etməyən Sokratla müqayisə edə
bilərsən. Bəs deyə bilərsənmi, belə bir insan nə edir?
Öz fəlsəfəsini işləyib hazırlamağa başlayır.
Doğrudu! Sokrat həyatını Afinada insanlarla söhbət etməkdə
keçirdiyi kimi, Dekart da Avropanı gəzmək qərarına gəlir. Öz sözlərilə
desək, həmin vaxtdan başlayaraq özünü ya öz daxilində, ya da
“dünyanın böyük kitabında” tapacağına inandığı müdrikliyə həsr edir.
Beləcə, orduya yazılıb müharibəyə gedir, bu, ona Mərkəzi Avropanın
müxtəlif hissələrində yaşamaq imkanı verir. Sonralar bir neçə il Parisdə
yaşayır, 1629-cu ildə Hollandiyaya yollanır, ömrünün son iyirmi
downloaded from KitabYurdu.org
213
ilə yaxın dövrünü riyazi və fəlsəfi əsərləri üzərində işləyərək orada
keçirir. 1649-cu ildə Kraliça Kristina onu İsveçə dəvət edir. Amma
“ayılar, buzlar, qayalar ölkəsi” adlandırdığı bu ölkəyə qısa səfəri
zamanı o, pnevmaniyaya yoluxur və 1650-ci ilin qışında vəfat edir.
Deməli, öləndə 54 yaşı olub.
Bəli, amma onun fəlsəfəyə ölümündən sonra da çox böyük təsiri
olub. Şişirtmədən demək olar ki, Dekart müasir fəlsəfənin atasıdı.
Renessans dövründə insanın və təbiətin inadkarlıqla yenidən kəşf
olunmasından sonra o dövrün müasir düşüncələrinin ətraflı bir fəlsəfi
sistemdə toplanmasına ehtiyac yarandı. İlk böyük sistem yaradıcısı
Dekart oldu, onun ardınca Spinoza və Leybnis, Lok və Berkli, Yum və
Kant kimi filosoflar gəldi.
Fəlsəfi sistem deyəndə nəyi nəzərdə tutursan?
Sıfırdan başlayaraq qurulan və fəlsəfənin bütün əsas suallarına
cavab tapmağa çalışan bir fəlsəfəni nəzərdə tuturam. Antik dövrün
Platon və Aristotel kimi böyük sistem yaradıcıları vardı. Orta əsrlərdə
Foma Akvinalı Aristotel
fəlsəfəsi ilə xristian teologiyası arasında körpü qurmağa çalışırdı. Sonra
təbiət və elm, Tanrı və insana dair köhnə və yeni inancları qovuşduran
Renessans gəldi. On yeddinci yüzilədək yeni ideyaları aydın fəlsəfi
sistem şəklində toplamağa cəhd edən filosof olmamışdı və ilk cəhdi
Dekart etdi. Fəlsəfəni sonrakı illərdə ən çox məşğul edəcək layihəni o
irəli sürdü. Onu əsasən bizim nəyi bilib, nəyi bilə bilməyəcəyimiz,
başqa sözlə, səhih bilik mövzusu narahat edirdi. Məşğul olduğu digər
böyük məsələ bədən və ruh arasındakı əlaqə idi. Flər iki sual növbəti
yüz əlli ilin fəlsəfi müzakirələrinə böyük təsir göstərdi.
Görünür, öz zamanından xeyli irəli getmişdi.
Elədi, amma məşğul olduğu məsələlər zamanın tipik sualları idi.
Səhih biliyə çatmaq məsələsində şübhəçilik (skeptisizm) hakim idi.
Onlar hesab edirdilər ki, insan heç nə bilmədiyini qəbul etməli, bununla
barışmalıdı. Lakin Dekart bununla barışmadı. Elə etsəydi, zatən əsl
filosof olmazdı. Bu məsələdə Dekartla Sokrat arasında yenidən paralel
apara bilərik, çünki Sokrat da sofistlərin skeptisizmini qəbul etmirdi.
downloaded from KitabYurdu.org
Dostları ilə paylaş: |