DÜNYA ƏDƏBİYYATI KLASSİKLƏRİ
Lakin bu gecə mənim qoşunum azdır, sabah səhər kömək göndərə
bilərik.
-
Yox, əlahəzrət! - Kuaktye bağırdı, - ona bu saat kömək gön-
dərilməlidir, yoxsa quldurlar səhərə kimi iyirmi dəfə məhkəmə bina-
sını dağıdıb, məhkəmə rəisini asa bilərlər! Əlahəzrət, Allah eşqinə,
səhərə kimi qoşun göndərin!
-
Sizə dedim ki, sabah səhər göndərərik, - kral onun gözlərinin
içinə diqqətlə baxaraq dedi.
Bu, elə bir baxış idi ki, bundan sonra artıq cavab verməyə ehtiyac
yox idi. XI Lüdovik bir qədər susduqdan sonra yenə səsini ucaltdı:
-
Kum Jak, hər halda, sizə məlum olmalıdır. Paris hakiminin
feodal hüququ nədən ibarət idi... - sonra sözünə düzəliş verərək,
-
ibarətdir? - dedi.
-
Əlahəzrət, onun ixtiyarında Qalandr və Erbri küçələri arasın-
dakı məhəllə, Sen-Mişel meydanı, camaat arasında Hasararası deyilən
məhəllə, Notr-Dam-an-Pre kilsəsinin civarındakı (burada XI Lüdovik
şlyapasını bir qədər qaldırdı) on üçə qədər ev var; sonra Möcüzələr
sarayı civarındakı cüzam xəstəxanası və nəhayət, bu xəstəxana ilə
Sen-Jak qapıları arasındakı məhəllə də onun ixtiyarındadır. Şəhərin
bütün bu hissələrində məhkəmə və nəqliyyat haqqı ona aiddir; o,
burada hakim sayılır.
-
Vay, vay, vay! - Kral sağ əlilə sol qulağını qaşıyaraq dedi.
-
Bu ki mənim gözəl Parisimin böyük bir tikəsidir! Cənab məhkəmə
rəisi şəhərin bütün hissəsinə hakim imiş ki!
O, bu dəfə sözünə düzəliş vermədi və öz-özünə danışırmış kimi
dalğın-dalğın sözünə davam etdi:
-
Cənab məhkəmə rəisi, demək, siz beləymişsiniz! Demək,
cənab məhkəmə rəisi, siz bizim Parisimizin gözəl bir loğmasını
dişlərinizin arasında saxlamısınız!
Sonra hərarətlə dedi:
-
Bizim mülklərimizdə özünə məhkəmə rəisi, ağa və hakim adı
verib, hər meydanda, hər küçədə dar ağacı quran və bizim sadiq
təbəələrimizi asan bu ağalar rədd olsun cəhənnəmə! Onların sayə-
sində bildiyi say qədər Allahı olan yunan və gördüyü ulduzlar qədər
Allah tanıyan iranlı kimi hər bir fransız da gördüyü dar ağacı qədər
kral saya bilər. Lənətə gəlsin! Belə iş yaramaz, mən buna son qoy
748
downloaded from KitabYurdu.org
malıyam! Paris şəhərində bizim ədalətimizdən başqa məhkəmə, bizim
təyin etdiyimiz yol vergilərindən başqa yol vergisi, bizdən başqa bir
hökmdar ola bilərmi!? Ruhuma and içirəm ki, cənnətdə bir Allah
olduğu kimi, Fransada da yalnız bir kral, yalnız bir hökmdar, yalnız
bir hakim olmalıdır.
O, yenə papağını qaldırdı və it sürüsünü qışqırdan ovçu kimi
kimsəyə müraciət etmədən sözünə davam etdi:
-
Yaxşı, mənim xalqım! Çox gözəl! Bu yalançı ağaları məhv et!
Öz işinə davam et! Rədd olsunlar gözümdən! Talan et, dar ağacından
as, evlərini tar-mar et! Bəli, ağalar, siz kral olmaq istəyirdiniz! Onları
yaxşıca döyəclə, ey mənim xalqım, yaxşıca döyəclə!
Ancaq burada ağzından qaçmış bir fikri, sanki, tutmaq istəyirmiş
kimi dayandı və dodağını gəmirdi. Sonra ətrafındakıları sırayla
nəzərdən keçirdi, başındakı papağını çıxarıb ona baxdı və dedi:
-
Ah, sən mənim başımda nə olduğunu bilsəydin, mən səni
yandırardım! - Sonra yenə bütün ətrafı diqqətli və təşvişli tülkü
nəzərilə gözdən keçirərək sakitcə əlavə etdi: - Ancaq məsələ bunda
deyil! Biz hakimə yardım göndərəcəyik. Lakin təəssüf ki, hal-hazırda
bizim ixtiyarımızda çox az qoşun var və bu qədər adama qalib gələ
bilməz. Sabaha qədər gözləmək lazımdır. Şəhərdə intizam bərpa
ediləcək, ələ keçənlər isə cəzalarını alacaqlar.
-
Ah, əlahəzrət, - Kuaktye dedi, - az qalmışdı, bir şeyi sizə xəbər
verməyi unudum. Gecə qarovulu bu dəstədən iki nəfəri tutmuşdur.
Əlahəzrət onların üzünə baxmağı arzu edərsə, yaxındadırlar, onları
gətirtmək olar.
-
Necə arzu etməmək? - kral bağırdı. - Bu cür şeyləri nə cür
unuda bilirsən. Olivye, tez ol, onları buraya gətir!
Olivye otaqdan çıxdı və bir dəqiqə sonra yenə qayıtdı; bu dəfə
onun yanında kral qarovulu nişançılanyla əhatə olunmuş iki əsir
vardı; əsirlərdən birinin şişkin, axmaq, sərxoş və heyrətli üzü vardı.
Əyninə cır-cındır geyinmişdi, yeridikcə ayaqlarını sürüyür və
çökürdü. İkincinin üzü gülümsər və solğun idi. Onu oxucular tanıyır.
Kral bir dəqiqə onların üzünə baxdı, bir söz söyləmədi, sonra
qırıq bir səslə birincidən soruşdu:
-
Sənin adın nədir?
-
Zoffirua Pensburd.
-
Sənətin nədir?
749
downloaded from KitabYurdu.org
DÜNYA ƏDƏBİYYATI KLASSİKLƏRİ
-
Avarayam.
-
Sən bu cinayətkar dəstəyə nə üçün qoşulmusan?
Avara əllərini oynadaraq mənasız-mənasız kralın üzünə baxırdı.
O, başında sönmüş şam işığı qədər işıq olmayan dar düşüncəli
adamlardan biriydi.
-
Bilmirəm, - o cavab verdi, - onlar getdi, mən də onların dalın-
ca getdim.
-
Sizin Paris şəhəri hakimi və ağanızı arsızcasına qarət etmək
və öldürmək məqsədiniz yox idi?
-
Bilmirəm. Mən yalnız onu bilirəm ki, birini soymağa gedirdi-
lər, başqa heç bir şey bilmirəm.
Qarovulçulardan biri quldurun əlində tutulmuş orağı krala gös-
tərdi. Kral soruşdu:
-
Bu silah sənindir?
-
Bəli, bu mənim orağımdır. Mən bağbanam.
XI Lüdovik o biri əsiri göstərərək sözünə davam etdi:
-
Bu adamın sənin yoldaşın olduğunu etiraf edirsən?
-
Yox, mən onu heç tanımıram.
-
Yetər, - kral dedi və qapının yanında hərəkətsiz və dinməz-
söyləməz dayanmış, oxucunun nəzər-diqqətini cəlb etdiyimiz adama
əlilə işarə edərək əlavə etdi:
-
Kum Tristan, bu adamı götür, o sənindir.
Adamayovuşmaz Tristan təzim etdi və qarovulçuların qulağına
nəsə dedi. Qarovulçular zavallı sərsərini apardılar.
Kral ikinci əsirə yaxınlaşdı; bu əsirin alnında iri tər damcıları
görünürdü. Kral ondan soruşdu:
-
Sənin adın nədir?
-
Pyer Qrenquardır, əlahəzrət.
-
Sənətin nədir?
-
Filosofam, əlahəzrət.
-
Məlun, sən bizim dostumuz Paris hakiminin üzərinə hücum
etməyə necə cəsarət etdin? Sən bu iğtişaş haqqında nə söyləyə
bilərsən?
-
Əlahəzrət, mən onda heç iştirak etməmişəm.
-
Necə iştirak etməmisən, məlun? Səni qarovulçular bu köpək
uşağının arasında tutmayıb?
-
Əlahəzrət, belə deyil, burada bir səhv var, bədbəxt bir təsadüf.
Əlahəzrət, lütfən mənə qulaq asın, mən tragediya yazıram: mən
750
downloaded from KitabYurdu.org
Dostları ilə paylaş: |