DÜNYA ƏDƏBİYYATI KLASSİKLƏRİ
XI Lüdovik asta addımlarla qutunun ətrafında gəzişərək diqqətlə
ona tamaşa etdiyi halda Olivye hündürdən oxuyurdu:
-
“Qalın dirəklərdən, tor və dəmirlərdən hazırlanmış doqquz fut
uzunluğunda, səkkiz fut enində və yeddi fut hündürlüyündə olan bu
qutu qalın dəmir təbəqəylə əhatə olunmuşdur. Bastilyanın Sent-
Antuan qüllələrindən birində olan bu qəfəsdə mərhəmətli kralımızın
əmrilə əvvəllər köhnə və yarıuçuq qəfəsdə olan bir məhbus saxla-
nılırdı. Yeni qəfəsə - hər birinin uzunluğu 12 fut olan 96 üfüqi dirək,
52 perpendikulyar dirək sərf edilmişdir; bu dirəkləri yonmaq, rən-
dələmək və hamarlamaq üçün iyirmi gün ərzində...”
-
Pis palıd deyil, - Kral yumruğuyla dirəklərə vuraraq dedi.
Olivye davam etdi:
-
“...Bundan başqa həmin qəfəsə iki yüz iyirmi dəmir təbəqə sərf
edilmişdir. Hər bir təbəqənin doqquz və səkkiz fut uzunluğu var.
Gödək dəmir təbəqələr, qurşaqlar, həncamalar, rəzələr bu hesaba
daxil deyildir. Cəmi 3735 girvənkə dəmir sərf edilmişdir; bundan
başqa həmin qəfəsi döşəməyə bərkitmək üçün səkkiz ədəd böyük
dəmir halqa, dəmir mıxçalar sərf edilmişdir; bunların da ağırlığı 218
girvənkə olmuşdur; bundan başqa, həmin qutunun yerləşdiyi otağın
qapılarını və pəncərələrini pərdiləmək üçün və başqa bəzi dəmir işləri
üçün...”
Kral dedi:
-
Yüngül bir ağlın qarşısını almaq üçün nə qədər dəmir sərf edil-
mişdir.
“...Cəmisi 317 livr beş su yarım xərc edilmişdir...”
-
Pasxaya and olsun! - kral səsləndi.
O, bu sözləri söyləyərkən qəfəsin içindəki adamı oyatdı; onun
zəncirləri daş döşəməyə dəyərək səsləndi. Sanki, qəbirdən çıxan zəif
bir səs gəldi. Bu səs boğuq-boğuq inildəyərək dedi:
-
Əlahəzrət! Əlahəzrət! Rəhm edin! - Bu sözləri deyən adam
görünmürdü.
-
tlç yüz on yeddi livr beş su yarım! - kral təkrar etdi.
Qəfəsin içindən gələn zavallı səs Olivye də daxil olmaqla bura-
dakıların hamısını diksindirdi; yalnız kral heç bir şey eşitmir kimi
görünürdü. O, Olivyeyə oxumasını əmr edərək yenə qəfəsi yoxlamağa
başladı.
Olivyenin yeknəsəq səsi eşidilirdi:
742
downloaded from KitabYurdu.org
-
Bundan başqa, qəfəsin yerləşdiyi otağın içinə dəmir atmaq
üçün dəlik açan bənnaya - bu dəmirlər olmasa, döşəmə qəfəsin
ağırlığına tab gətirə bilməzdi - iyirmi yeddi livr on dörd su...
Qəfəsin içindən yenə səs eşidildi:
-
Əlahəzrət, rəhm edin! And içirəm ki, xəyanət edən mən deyi-
ləm, cənab Anjer kardinalıdır.
-
Amma bu bənna yaman hiyləgər adammış! - kral dedi. -
Olh/ye, davam edin!
-
“...Pəncərə çərçivəsini, taxtı, ayaqyolu oturacağını və başqa
xırda şeyləri düzəltmək üçün xarrata iyirmi livr iki su...”
-
Aman, əlahəzrət, yəni siz mənim sözümə qulaq asmaq istə-
mirsiniz? Sizi inandırıram ki, bu barədə Giyen hersoquna yazan mən
yox, cənab kardinal Balyu olmuşdur!
-
Amma xarrat da işi çox ucuz görməmişdir. Yaxşı, qurtardı? -
kral dedi.
-
Hələ qurtarmayıb, əlahəzrət. “Həmin otağın pəncərələrinə şüşə
salmaq üçün şüşəçiyə qırx səkkiz yarım Paris susu...”
-
Rəhm edin, əlahəzrət! Bütün mülklərimin məni mühakimə
edənlərə, bütün qab-qacağımın cənab Torsiyə, kitabxanamın Pyer
Doriolüyə, xalılarımın Russilyon valisinə verilməsi kifayət deyil?
Mən heç bir şeydə müqəssir deyiləm, budur, on dörd ildir ki, dəmir
qəfəsdə çürüyürəm. Əlahəzrət, rəhm edin, Allah sizə bunun əvəzini
verər!
-
Cəmi nə qədərdir, Olivye?
-
üç yüz altmış yeddi livr səkkiz su çərək.
-
Müqəddəs Məryəm! - kral bağırdı, - bu qəfəs nə yaman baha
oturdu?
O, bu sözləri deyib Olivyenin əlindəki dəftəri qapdı, gah kağıza,
gah da qəfəsə baxaraq, barmağıyla hesablamağa başladı. Bu zaman
qəfəsin içindən məhbusun hıçqırıq səsi açıq-aydın eşidilirdi. Hıçqırıq
səsi kralı əhatə edənlərə dərin və sarsıdıcı təsir bağışladığından onlar
sapsarı saralmışdılar.
-
Əlahəzrət, düz on dörd ildir! Düz on dörd il! 1469-cu ilin aprel
ayından bəridir! Sizi həzrəti-Məryəmə and verirəm, mənə qulaq asın!
Siz bu on dörd il ərzində günəş işığından feyz almısınız, lakin mən,
mən zavallı bu işığı bir daha görə biləcəyəmmi!? Aman verin,
əlahəzrət! Mərhəmətli olun! Mərhəmət və şəfqət - hökmdarların
zinətidir. Əlahəzrət, siz elə zənn edirsiniz ki, insan ölüm ayağında
743
downloaded from KitabYurdu.org
DÜNYA ƏDƏBİYYATI KLASSİKLƏRİ
olanda yer üzündə heç bir təhqiri cəzasız qoymadığı üçün özünə
təsəlli verə biləcək? Padşahım, sizə and içirəm ki, mən sizə xəyanət
etməmişəm, sizə Anjer kardinalı xəyanət etmişdir. Mənim ayaq-
larımdakı qandallar və dəmir kündələr həddindən artıq ağırdır. Əla-
həzrət, rəhm edin!
-
Olivye, - kral başını yırğalayaraq dedi, - zənnimcə, əhəng tor-
basını mənim üçün iyirmi suya hesablamışlar, halbuki onun qiyməti
on iki sudur. Hesabı düzəldin.
Sonra arxasını qəfəsə doğru çevirdi və qapıya doğru yönəldi.
Zavallı məhbus işığın və addım səslərinin uzaqlaşdığını eşidib kralın
getdiyini zənn edərək böyük ümidsizlik içində bağırdı:
-
Əlahəzrət! Əlahəzrət!
Lakin qapı örtüldü, otaq dərin qaranlığa daldı. Onun qulaqlarına
yalnız ara-sıra zümzümə edən keşikçinin xırıltılı səsi gəlirdi.
Kral dinməz-söyləməz iş kabinəsinə qalxdı, məiyyəti isə zavallı
məhbusun iniltilərinin ağır təsiri altında onun arxasınca getdi.
Birdən XI Lüdovik Bastiliya komendantından soruşdu:
-
Deyəsən, qəfəsin içində kimsə vardı?
-
Elədir, əlahəzrət, - komendant bu sualdan heyrətlənərək cavab
verdi.
-
Kim idi o?
-
Verden yepiskopu.
Kral bunu hamıdan yaxşı bilirdi. Lakin bu, onun qəribə xasiyyət-
lərindən biri idi.
-
Hə, hə, - bunu yenicə xatırlayırmış kimi sadəlövhcəsinə dedi. -
Kardinal! Balinin dostu! Amma bu yepiskop çox yaxşı oğlandır!
Bir neçə dəqiqə sonra kralın iş otağının qapısı bu fəslin başlan-
ğıcında oxucunun gördüyü həmin beş nəfərin üzünə açıldı, onlar
girdikdən sonra yenə də bağlandı. Bu şəxslər yenə öz əvvəlki yerlə-
rini tutaraq astadan söhbətlərinə davam etdilər.
Kral burada olmayanda masasının üzərinə bir neçə möhürlü zərf
qoyulmuşdu. O, zərfləri açdı. Sonra bu kağızları bir-bir nəzərdən
keçirərək, yanında, güman ki, katib işləyən Olivyeyə işarə edərək
masanın üzərindəki qələmi göstərdi və məktubların məzmununu ona
bildirmədən məktublara cavab yazdırmağa başladı. Olivye isə
oturmağa cəsarət etməyərək masanın bir küncündə olduqca narahat
bir vəziyyətdə, diz üstə dayanıb kralın söylədiklərini yazırdı.
744
downloaded from KitabYurdu.org
Dostları ilə paylaş: |