fınə nail olan həmin dəhşətli bərbər olduğunu çoxdan anlamışdır.
Əlbəttə, biz burada bu qəribə adamın xarakterini açmaq niyyətində
deyilik, yalnız onu qeyd edə bilərik ki, onun üç adı vardı: sarayda ona
Olivye Le-Den deyirdilər, xalq onu iblis Olivye adı ilə çağırırdı, əsl
adı isə Olivye le Move idi.
Olivye, yəqin ki, narazı olduğundan yerindən tərpənmir və Jak
Kuaktyenin üzünə çəp-çəp baxırdı.
-
Hə, hə, hər şey həkimindir, - o, dişləri arasından mırıldandı.
-
Əlbəttə, həkim üçündür. - XI Lüdovik qəribə yumşaqlıqla
dedi. - Həkim səndən daha əhəmiyyətlidir, çünki bütün bədənimiz
onun əlindədir, sənin əlində olan yalnız çənəmizdir. Əzizim, sənin öz
taleyindən şikayət etməyə haqqın yoxdur. Əgər mən də kral Xil- perik
kimi saqqal saxlasaydım, sənin halın necə olardı? Yaxşı, kir- vəcik,
öz işinlə məşğul ol, üzümü qırx. Get, nə lazımsa gətir.
Olivye kralın bu gün hər şeyi zarafata salmaq niyyətində oldu-
ğunu və onu açıqlandırmağın mümkün olmadığını görüb əmrini
yerinə yetirmək üçün söylənə-söylənə otaqdan çıxdı.
Kral ayağa durdu, pəncərəyə yaxınlaşdı və birdən böyük həyəcan
içində pəncərəni açaraq səsləndi:
-
Bu nədir? Qədim şəhərin üzərində şəfəq var! Hakimin evi
yanır! Hə, hə, bu, onun evidir! Ah, mənim mərhəmətli xalqım!
Nəhayət, sən feodallarla haqq-hesab çəkməkdə mənə yardım edirsən!
Sonra flamandriyalılara müraciət etdi: - Ağalar, yaxın gəlin, baxın!
Bu yanğın şöləsidir, eləmi?
-
Bəli, yanğındır, həm də böyük bir yanğın, - Giyom Rim yol-
daşıyla birlikdə pəncərəyə yaxınlaşaraq dedi.
Kopenolun gözləri birdən parladı.
-
Ah, - o, bağıraraq dedi, - bu, baron Emberkurun evinin yanma-
sını mənim yadıma salır. Görünür, orada ciddi bir üsyan qopmuşdur.
-
Cənab Kopenol, siz elə zənn edirsiniz? - XI Lüdovik soruşdu.
Gözləri corabçının gözləri kimi sevinclə parlayırdı. - Bu üsyanı
yatırtmaq elə də asan iş deyil? Eləmi?
-
Əlbəttə, əlahəzrət! Bununçün çoxlu əsgər qurban verməlisiniz.
-Ax, mən! Bu, başqa söhbətdir! Əgər mən istəsəm...
Corabçı cəsarətlə etiraz etdi:
-
Əgər bu üsyan mənim zənn etdiyim kimidirsə, sizin
istəkləriniz burada az rol oynayacaq.
757
downloaded from KitabYurdu.org
DÜNYA ƏDƏBİYYATI KLASSİKLƏRİ
-
Kirvə, - kral dedi, - narahat olmayın, iki alay qarovul əsgərləri
və bir cüt yaylım atəşiylə bu qara camaatın öhdəsindən gəlmək olar.
Yoldaşının gözünü ağartmasına baxmayaraq, corabçının kralın
qarşısında məğlub olmaq istəmədiyi görünürdü.
-
Əlahəzrət, - o dedi, - isveçrəlilər də qara camaatdan başqa bir
ata nifrətlə baxardı. O, Qranson döyüşündə bağırırdı: “Ey, topçular!
Bu köpək uşağına mərmi atın! Müqəddəs Georgi bizə kömək edir!”
Lakin şəhər yüzbaşısı Şarnaxtal öz xalqı və dəyənəklərilə birlikdə bu
məşhur hersoqun üzərinə hücum etdi. Ehtişamlı Burqundiya ordusu
qara camaatla toqquşduqdan sonra daşa dəyən şüşə kimi parça- parça
oldu. Bu müharibədə həmin kəndlilər bir çox məşhur cəngavəri məhv
etdilər, birinci Burqundiya kavaleri hesab olunan baron Şatogiyonun
meyiti isə boz atıyla bərabər bataqlıqdan tapılmışdı.
-
Dostum, siz müharibədən danışırsınız, buradakı isə yalnız ixti-
şaşdır; bu ixtişaşı yatırmaq üçün qaşlarımı oynatmağım yetər.
Flamandriyalı laqeyd cavab verdi:
-
Ola bilər, əlahəzrət. Demək, bu xalq hələ lazımi qədər
yetişməyib.
-
Cənab Kopenol, - Giyom Rim söhbətə qarışaraq dedi, - siz
qüdrətli bir kralla danışırsınız.
-
Mən bunu bilirəm, - Kopenol sakitcə cavab verdi.
-
Hörmətli cənab Rim, ona mane olmayın. - Kral dedi. -
Mənimlə açıq danışanları sevirəm. Atam VII Karl deyərdi ki, həqiqət
həmişə axsayır, mənsə bu fikirdəyəm ki, həqiqət vəfat etmişdir, həm
də tövbə etmədən. İndi bu cənab Kopenol mənə yanıldığımı isbat
etmək istəyir.
Kral əlini dostcasına Kopenolun çiyninə qoyaraq sözünə davam
etdi:
-
Cənab Jak, demək, siz söyləyirdiniz ki...
-
Əlahəzrət, mən söyləyirdim ki, sizin haqlı olmanız yalnız ölkə-
nizdə xalqın yetişəcəyi zamanın hələ gəlmədiyini isbat edir.
-
Əzizim, bəs zaman nə vaxt gələcək? - Kral diqqətlə onun
üzünə baxaraq soruşdu.
-
Onu siz özünüz görəcəksiniz.
-
Bəs mən bundan necə xəbər tutacağam?
Kopenol sakit və soyuqqanlı tərzdə kralın qolundan tutaraq
pəncərənin yanına gətirib dedi:
-
Əlahəzrət, lütfən qulaq asın, baxın, bu qüllədir, o isə zəngdir,
topdur, əsgərlərdir, vətəndaşlardır. Xalqın zamanı zənglər çalınanda,
758
downloaded from KitabYurdu.org
toplar atılanda, qüllələr gurultuyla yıxılanda, əsgərlər və vətəndaşlar
bağıraraq bir-birini öldürməyə başlayanda gələcəkdir.
XI Luinin üzündə ciddi və dalğın bir ifadə göründü. Sonra o,
hərb atının meyitini oxşayan döyüşçü kimi əlini qüllənin qalın divarı
üzərində yavaş-yavaş gəzdirərək dedi:
-
Yox. Sən o qədər də asanlıqla uçmayacaqsan, mənim gözəl
Bastiliyam!
Sonra üzünü cəsur flamandriyalılara tutub əlavə etdi:
-
Cənab Koppenol, siz heç xalq üsyanı görmüsünüz?
-
Əlahəzrət, mən xalq üsyanında iştirak etmişəm, - corabçı
cavab verdi.
Kral maraqlanaraq soruşdu:
-
Bəs siz bu işə necə başladınız?
-
Bu, elə də çətin bir iş deyil, - Kopenol dedi. - Bunun yüz cür
yolu var. Əwəla, şəhərdə narazılıq olmalıdır, - zatən, bu çox da nadir
şey deyil. Sonra bir çox şey şəhərlərin xasiyyətindən asılıdır: məsələn,
Gent əhalisi üsyanı çox sevir, onlar, adətən, öz hökmdarlarının oğlunu
sevərlər, hökmdarın özünü isə heç vaxt sevmirlər. Fərz edək ki, gözəl
günlərin birində mənim dükanıma gəlib deyirlər: “Kopenol, məsələ
belədir: Flandriya hersoginyası öz nazirlərini xilas etmək istəyir,
hökumət isə dəyirman vergisini ikiqat artırır”. Yaxud buna bənzər
başqa şeylər söyləyirlər. Heç bir fərqi yoxdur. Mən o saat işimi bir
kənara buraxıb emalatxanamdan küçəyə çıxıram və: “Köməyə gəlin”
- deyə bağırmağa başlayıram. Burada mənim ayaqlarıma boş bir
çəllək dolaşır, mən bu çəlləyin üstünə çıxıb ağlıma gələni,
ürəyimdəkiləri ucadan danışmağa başlayıram; əlahəzrət, aşağı
siniflərə mənsub olan adamların qəlbində isə hər zaman bir dərd var.
Camaat mənim ətrafıma toplaşır, səs-küy salmağa başlayır, əsgərlərin
əlindən aldıqları silahı əhaliyə paylayırlar, yolda rast gələnlərin
hamısı bizim izdihama qoşulur - bununla artıq üsyan başlamış olur.
Nə qədər ki mülklərdə mülkədarlar, şəhərlərdə şəhərlilər, kəndlərdə
isə kəndlilər var, hər zaman belə olacaq.
-
Bəs siz kimin əleyhinə üsyan edirsiniz? - kral soruşdu. - Mül-
kədarların əleyhinə, yoxsa məmurların əleyhinə?
-
Cürbəcür olur, bəzən onların əleyhinə, bəzən də hersoqun
əleyhinə.
759
downloaded from KitabYurdu.org
Dostları ilə paylaş: |