213
c) qeyri- kondision (məsələn, duzlu sular arasında şirin su
linzaları) sularla təmasda olan kondision suların inkişaf sahələrinin
sərhədləri üzrə;
d) geoloji-hidrogeoloji sərhədlər olmadığı halda - şərti olaraq,
ya sanitar-mühafizə zonasının (SMZ) II və III qurşaqlarının
sərhədləri üzrə, ya da sosial-iqtisadi və texniki-iqtisadi amillərin
nəzərə alınması ilə sugötürücü qurğuların yerləşdirilməsi və SMZ-
nın yaradılması mümkün və məqsədə-uyğun olan sahələrin sərhədləri
üzrə təyin edilə bilər.
Bütün hallarda yatağın üst sərhədi - yer səthi, alt sərhədi isə
təbii təsərrüfat içməli su mənbəyi üçün yararlı, daha dərində yatan
sulu horizontun dabanı qəbul edilir.
Sugötürücü qurğunun istismarının təsir zonası depressiya
qıfının sahəsinə, yəni sugötürmənin təsiri altında yeraltı su
səviyyəsinin (YSS) enməsi qeyd olunan sahəyə uyğun gəlir. Bu zona
zaman keçdikcə genişlənə (xüsusilə təzyiqli horizontlarda) və kifayət
qədər böyük ölçülərə çata bilər (bu zonanın radiusu bir neçə 10 km
təşkil edə bilər). Lakin mövcud təsir zonasının radiusu (hansı ki,
səviyyənin enməsi depressiyanın mərkəzində enmənin 10-20%- dən
az olmayaraq təşkil edir) adətən təzyiqli horizontlarda 10-20 km-i
aşmır, təzyiqsiz horizontlarda isə ilkin km-lə ölçülür. Eyni zamanda
geniş sahələrdə yayılmış yeraltı suların istismarı zamanı qarşılıqlı
təsirdə olan sugötürücülərin çoxlu sayında onların istismarının
ümumi təsir zonası kifayət qədər böyük ölçülərə (100 km və daha
çox) malik ola bilər.
Belə hallarda təsir zonasının sərhədləri (obyekt monito-rinqi
zonasının sərhədləri) hər bir yataq üçün sugötürücünün sahəsindən
10-15 km radiusda qəbul edilir, qrup yataqların istismarının təsir
zonasının qalan sahələrində ərazi səviyyəsində (lokal) monitorinq
keçirilir.
Obyekt səviyyəli monitorinq sahəsinin sərhədləri, qeyd
edildiyi kimi, monitorinq proqramının işlənib hazırlanması zamanı
müəyyən olunur və geoloji mühitin monitorinqinin ərazi mərkəzi ilə
razılaşdırılır.
Yeraltı suların istismar ehtiyatının formalaşması zonası
sugötürücünün, yatağın hüdüdlarında yeraltı suların formalaşdığı
214
sahəsinə uyğun gəlir. Ehtiyatın formalaşma zonası istismarın təsir
zonasına uyğun gəldiyi kimi, onu aşa da bilər.
Sugötürücünün sahəsinin sərhədləri sugötürücü qurğunun
yerləşdiyi sahəni əhatə edir və adətən SMZ-nin I qurşağının
sərhədlərinə uyğun gəlir.
Təsərrüfat-içməli su təchizatının bütün sistemlərində hüdudları
daxilində sugötürücünün yerləşdiyi rayonda sugötürü-cüyə və sulu
horizonta çirkləndirici maddələrin daxil olmasına imkan verməyən
xüsusi tədbirlər həyata keçirilən SMZ təşkil edilir.
Qeyd edildiyi kimi, YSY-nın monitorinqi sistemində
müşahidələr sugötürücü qurğunun təsir zonasını, ayrı-ayrı hallarda
isə sonuncunun formalaşması zonasını əhatə etməlidir.
İstismarın təsir zonası, yeraltı suların istismar ehtiyatının
formalaşması zonası və SMZ arasındakı münasibət hidrogeoloji
şəraitlə, o cümlədən yeraltı suların çirklənmədən mühafizə
dərəcəsilə, həmçinin sugötürmənin miqdarı ilə müəyyən olunur.
Obyektlərin monitorinqin məzmununu və strukturunu təyin edən
hidrogeoloji şəraitinin xüsusiyyətləri öz əksini yataqların tipində
tapır.
YSY-nın monitorinqinin ən mühüm məsələsinin onların
vəziyyətinin qiymətləndirilməsindən ibarət olduğunu nəzərə alaraq,
bu vəziyyətin yeraltı suların çıxarılması ilə əlaqədar mümkün
dəyişməsini qısa şərh edək. Bu dəyişmə əsas iki istiqamətdə baş
verir:1) yeraltı axının strukturunun, yeraltı suların qidalanma və
boşalma miqdarının dəyişməsi (balans) və nəticədə onların yatım
dərinliyinin (səviyyəsinin) aşağı düşməsi; 2)
yeraltı suların
keyfiyyətinin dəyişməsi.
Yeraltı suların qidalanma və boşalma şəraitinin dəyişməsi
balansın gəlir və çıxar elementləri arasındakı münasibətin
dəyişməsinə səbəb olur ki, bu da öz əksini yeraltı suların rejimində, o
cümlədən onların səviyyə səthində tapır. İstismar prosesində istismar
olunan sulu horizontda yeraltı suların səviyyəsi (təzyiqi) aşağı düşür,
sulu horizontları ayıran zəif sukeçiriciliyə malik kompleksdə təzyiq,
aerasiya zonasında isə nəmlik dəyişir. Qrunt suyu səthindən
buxarlanmaya sərf olunan boşalma azalır və ya tamamilə kəsilir, o
cümlədən bulaqların sərfi minimuma enir, yeraltı və yerüstü suların
215
qarşılıqlı təsir şəraiti dəyişir. Beləliklə, istismar prosesində sulu
sistemin hidrodinamik strukturu yenidən qurulur.
İstismar nəticəsində yeraltı suların keyfiyyətinin dəyişməsi,
əsasən axının hidrodinamik strukturunun dəyişməsi ilə əlaqə-dardır
(baxmayaraq ki, antropogen çirklənmə mənbələri yaran-dıqda yeraltı
suların keyfiyyətinin dəyişməsi hətta hidrodinamik struktur
dəyişmədikdə belə baş verə bilər).
Yeraltı suların keyfiyyətinin dəyişməsi aşağıdakı əsas
səbəblərlə əlaqədar baş verir:
-sugötürücü qurğulara istismarla əlaqədar olmayan antropogen
çirklənmə mənbələrindən çirkləndirici maddələrin daxil olması;
-qonşu sulu horizontlardan və ya yerüstü su hövzələrindən
qeyri- kondision (normaya, standarta uyğun olmayan) suların yeraltı
axını, o cümlədən duzlu dəniz sularının intruziyası;
-məhsuldar sulu horizontun istismar olunmayan zonasın-dan
qeyri- kondision suların yeraltı axımı;
-yeraltı sularda „su-süxur” sistemində fiziki-kimyəvi pro-
seslərin qarşılıqlı təsiri nəticəsində yeni normalaşdıran kompo-
nentlərin əmələ gəlməsi və ya mövcud komponentlərin miqda-rının
artması;
-çirkləndirici maddələrin quyunun ağzı vasitəsilə və ya
bərkitmə borularının zədələnməsi nəticəsində daxil olması.
Tədqiq olunan yataq hüdudlarında sugötürmədən əlavə onun
(yatağın) vəziyyətinə (yəni sugötürmə prosesində) həm də digər
təsərrüfat fəaliyyəti növləri təsir göstərə bilər (tədqiq olunan yataqla
qarşılıqlı təsirdə olan yataqların və sugötürücünün istismarı; yeraltı
suların çıxarılması ilə müşayiət olunan bərk faydalı qazıntı
yataqlarının işlənilməsi; yeraltı və yerüstü suların qarşılıqlı əlaqə
şəraitini dəyişən drenaj və hidrotexniki qurğuların tikilməsi; sənaye
və mülki qurğuların, o cümlədən kommunal-məişət mənşəli axımlar,
neft məhsulları və s., boru kəmər-lərindən, kollektorlardan və digər
kommunikasiya sistemlərindən itki ilə müşayiət olunan qurğuların
tikilməsi və istismarı; ərazinin kənd təsərrüfatı üçün istifadəsi).
Yeraltı suların istismarı hidrogeoloji və hidrokimyəvi şəraitin
dəyişməsindən əlavə təbii mühitin digər komponent-lərinin
dəyişməsinə və ekzogen geoloji proseslərin əmələ gəlmə-sinə gətirib
Dostları ilə paylaş: |