E L E K T R O N B İ Z N E S
_________________________10___________________________
Elektron biznesin məhək daşı olan məhsul və xidmətlərin
satıcısı ilə alıcısının bir-birinə yaxınlaşdırılması biznes-partnyora
yönəlik iqtisadi fəaliyyət modelinin əsasını təşkil edir. Əlavə
dəyər zəncirinin idarə edilməsi biznes ölçüsünün eksponensial
artımını təmin etmək üçün həmin zənciri formalaşdıran
iştirakçıların sayının artırılmasına yönəldilir. Əlavə dəyər
zəncirinin birgə formalaşdırılması texnologiyası ilə bağlı olan
biznes-partnyorun informasiya resurslarına gündəlik və
kəsilməz əlçatanlıq yalnız İnternet vasitəsilə mümkündür.
İnformasiya
fəzasında
əlavə
dəyər
zəncirinin
formalaşmasında iştirak edən təşkilat və ya firmalarla səmərəli
və uzunmüddətli iqtisadi münasibətlər yaradılmasına yönəlik
iqtisadi fəaliyyət sahəsi biznes-partnyora yönəlik elektron
biznes (
Business to Business – B2B) adlanır.
İqtisadi fəaliyyət iştirakçılarının sayının əhəmiyyətli
dərəcədə artırılması və onun əsas hissəsinin informasiya
fəzasına keçirilməsi biznesin təşkilinin təhlükəsizliyi məsələsinin
yeni məzmun almasına gətirib çıxarır. Yenilik, ilk növbədə, bu-
rasındadır ki, təhlükəsiz informasiya infrastrukturu elektron
biznesin aparılmasının ən kəskin amilinə çevrilir. Təhlükəsizliyin
təmin edilməsi mexanizmlərinin prinsipial xüsusiyyəti odur ki,
burada iqtisadi fəaliyyətin çox iştirakçıları fiziki kontakt
subyekti deyildir. Bundan əlavə, müəyyən şərtlər daxilində
məhsul və ya xidmət göndərilişi prosesi və ödəmələrin təşkili
satıcı və alıcının bilavasitə kontaktı (iştirakı) olmadan həyata
keçirilə bilir. İnformasiya infrastrukturunun təhlükəsiz və
etibarlı fəaliyyət göstərməsi elektron biznes üçün Qədim
dünyada və Orta əsrlərdə mövcud olmuş ticarət yollarının
istismarı şərtlərinə bənzər rol oynayır.
E L E K T R O N B İ Z N E S
_________________________11___________________________
İqtisadi fəaliyyətin həyata keçirildiyi elektron biznes
informasiya mühitinin yüksək sürətlə dəyişilməsi ilə xarakterizə
olunur. Biznesin aparıldığı informasiya mühitinin yüksək sürətlə
dəyişilməsi müxtəlif funksional (iqtisadi, hüquqi, təşkilati və
texnoloji) səviyyələrdə təhlükəsizliyin idarə edilməsi üzrə
iştirakçıların bütün fəaliyyətlərinin əlaqələndirilməsini tələb
edir.
Cəmiyyətin təkamülünün hər bir növbəti həlqəsi həmişə
yeni şəraitdə işləmək üçün alətlərin kəşfi ilə nəticələnmişdir. Bu
baxımdan, İnternet - kiberfəzada iqtisadi fəaliyyət göstərmək
üçün istifadə edilən yeni alətdir. İnternetin informasiya
texnologiyaları bazasında biznesin yeni, daha səmərəli
aparılması modellərini reallaşdırmaq imkanları yaranmışdır ki,
bunlar da, öz növbəsində, kiberfəzanın informasion
infrastrukturuna təsir göstərir.
İQTİSADİ FƏALİYYƏT SUBYEKTLƏRİNİN
İNFORMASİON İNFRASTRUKTURUNUN DƏYİŞİLMƏSİ
İqtisadi fəaliyyətin həyata keçirilməsinin təsəvvür edilən
formalarına və metodlarına İnternetin təsiri mövcud
informasion
infrastrukturdan
istifadə
edilməsi
ilə
məhdudlaşmır. Əksinə, iqtisadi fəaliyyətin mövcud informasiya
təminatı vasitələri biznesin aparılması texnologiyasına köklü
təsir göstərir. Biznes-modellər dəyişilir, biznes-proseslərə
yenidən baxılır, yeni korporativ mədəniyyət formalaşır. Biznes-
partnyorlarla və müştərilərlə münasibətlər yeni, daha yüksək
səviyyəyə keçir.
İqtisadi fəaliyyətin çox sərt şərtlərində daim artan
rəqabət 3-cü minilliyin başlanğıcından etibarən biznesin
E L E K T R O N B İ Z N E S
_________________________12___________________________
informasiya təminatı məsələsini bir nömrəli həyativacib
məsələyə çevirmişdir. İqtisadi fəaliyyətin həyata keçirilməsi
üçün biznes-proseslərin əlçatanlıq xərclərinin səmərəliliyi və
məqsədəuyğunluğu baxımından, informasiya bu prosesin
bütün iştirakçıları üçün birinci dərəcəli əhəmiyyət kəsb edir.
Həm müəssisənin bütün idarəetmə səviyyələrində çalışan
işçilər, həm də xarici strukturların bütün tipləri – müştərilərdən
qanunçuluq nəzarətini həyata keçirən dövlətədək - informasiya
mübadiləsi proseslərinin fəal iştirakçılarına çevrilirlər.
Müəssisənin inkişaf dinamikası zamanın tələbinə uyğun
olmalıdır. Uğur qazanan müəssisələrin əksəriyyəti üçün
müvafiq səviyyə menecerlərinin həftələrlə, aylarla hazırlanan
hesabatlar əsasında taktiki idarəetmə və strateji planlaşdırma
məsələləri həll etməsi qeyri-mümkündür. Müəssisə fəaliyyətinin
bu və ya digər aspektini xarakterizə edən informasiyanın
operativ qaydada alınması imkanının mövcudluğu həyativacib
zərurətdir.
Müəssisənin fəaliyyət göstərməsi üçün lazım olan
informasiyanın alınmasının ənənəvi kanalları yaxın vaxtlaradək
telefondan, poçtdan, kütləvi informasiya vasitələrindən, yəni,
televiziyadan, dövrü mətbuatdan, radiodan ibarət olmuşdur.
Telefon əsasən operativ idarəetmə vasitəsi sayılmış, ən vacib
parametrlərin qiymətləri barədə yığcam informasiya və yığcam
idarəedici təsirlər ötürücüsü kimi istifadə edilmişdir. Poçt
müəssisənin fəaliyyət göstərməsi üçün lazım olan sənədlərin
çatdırılması və digər strukturlarla qarşılıqlı sənəd mübadiləsi
etmək, səhmdarlara və dövlət orqanlarına illik hesabat təqdim
edilməsi, filiallardan transmilli şirkətin baş qərargahına rüblük
hesabatların ötürülməsi, məhsulların kataloqlarının və
xidmətlərin prays-vərəqlərinin yayımlanması üçün istifadə
Dostları ilə paylaş: |