OZAN DÜNYASI № 3(6), 2011
83
Böyük bəstəkar Üzeyir Hacıbəyov vaxtilə demişdir: “Aşıq, ifaçılıq
məharətini sxolastik mühitdə öyrənmir: ona təmiz hava, yaşıl çəmən, çöl
çiçəklərinin ətri, uca dağın geniş yamacları, quşların cəh-cəhi, çayların
şırıltısı ilham gətirir”. Ustad Şərbətin təbini coşduran, sazını dilləndirən,
sazanə ovxara salan da elə Şirvan torpağının yaratdığı möcüzələrdir. Aşıq
Şərbətin poeziyasında aparıcı mövzulardan biri də təbiət möcüzələrinin
tərənnümüdür. Aşığı bu mövzuya müraciət etməyə vadar edən onun
böyüyüb boya-başa çatdığı Talışnuru kəndinin füsunkar təbiətinin onun
uşaq qəlbinə vurduğu naxışlardır. Aşığa görə bütün sağalmaz dərdlərin
dərmanı
ancaq təbiət, onun gülü-çiçəyidir:
Cənnətə çevrilib doğma diyarım,
Təbiət olubdur loğmanın mənim.
- deyən aşıq ömrü boyu loğman misallı təbiəti hər fəsildə gəzməyi, seyr
etməyi özünə artıq adət etmişdir:
Bahar fəsli, bülbül dəmi, gül dəmi,
Cığırların özündə gör Şərbəti.
Güllü yaylaq el-obanın məskəni,
“Qızmeydan”ın düzündə gör Şərbəti.
Aşığın yaradıcılığında bu diyarın istedadlı, elin-obanın adı ilə fərəh
duyduğu övladları xüsusi istək və məhəbbətlə anılır, yad edilir:
Aşıq Məmmədağa çaldı öz sazın,
El-oba dinlədi şirin avazın.
Aşıq İbrahimin, Aşıq Abbasın
Hər sözü-söhbəti Şamaxıdadır.
Aşıq Şərbətin yaradıcılığında onun ustadnamələri xüsusi yer tutur.
Aşığın klassik ənənəyə söykənən belə şeirləri ulularımızın min illik
təcrübələri, keçdiyi real həyat həqiqətləri, ümidləri, nəsihətləri üzərində
olmuşdur. Dədə Qorquddan başlayaraq üzü bəri dədə ozanlar, aşıqlar
hamısı öz tövsiyələrini bu şeir forması ilə bəyan etmişlər. Şirvan aşıq
mühitinin klassik ənənələrinə həmişə sadiq olan Aşıq Şərbət də eləcə:
Lazım olmaz qürbət heç bir insana,
Vətən düşər yada, bir də ki, ana.
OZAN DÜNYASI № 3(6), 2011
84
Aşıq Şərbət dözməyəndə hicrana,
“Yanıq Kərəmi”ni çalsa yaxşıdır.
Aşıq Şərbətin yaradıcılığında gözəl-göyçək, tər buxaqlı, qönçə
yanaqlı, onu yüz naz-qəmzə ilə bihuş edən, bəzən də “boş bəhanə ilə
ondan küsən gözəllərin mədhi” də xüsusi yer tutur. O, belə səpkili şeir-
lərində özünün səmimiyyəti, hisslərinin coşqunluğunu, həqiqiliyini po-
etik boyalarla verə bilmişdir:
Başına döndüyüm gülərüzlü pəri,
Söylə, mehribanım, nədən küsmüsən?
Razısanmı gözüm tökə qanlı yaş?
Üzüldü bu canım, nədən küsmüsən?
Aşıq Şərbət öz torpağına, elinə bağlı bir sənətkardır. Onun şeirlə-
rinin bir çoxunda ana torpaq, yurd yeri, təbiət mənzərələrinin təsviri mü-
hüm yer tutur. Aşığın bir çox şeirlərində Babadağ, Zəngəzur dağı, Yə-
hərcə, Şahdağ yaylağı, Pirqulu, Cəngi meşələri, Küdri düzü, Qobustan
ərazisinin ətri-rayihəsi duyulur, bu cənnət misallı yerlər xüsusi zövqlə
nəğmə kökündə ifadə olunur:
Pirqulu, Cəngiyə düşərsə yolun,
Dağlar, təpələrdir həm sağım, solum.
Yol qırağı bitən ağacın, kolun
Yarpağından soruş, gülündən soruş.
Bu poeziyada onun gənclik dövründən gəzib dolaşdığı dağların,
gəzdiyi meşələrin, yaylaqların, ünsiyyətdə olduğu insanların, dərs aldığı
ustadların vəsiyyətləri, onun ağlını başdan alan gözəllərin tərifi
verilmişdir. Bu poeziya da Şirvan aşıq mühitində özünəməxsus iz
qoymuşdur.
Aşıq Şərbət altmış ilə yaxındır ki, sinəsində telli saz, dilində
ustadların sözü, qəlbində sənətə olan böyük istəklə Şirvan elini dolaşır,
məclislərdə klassik dastanları özünəməxsus tərzdə, ustalıqla ifa edir.
OZAN DÜNYASI № 3(6), 2011
85
Müsahibə
“
AġIĞIN USTADA
QULLUQ ETMƏSĠ
VACĠB ġƏRTDĠR
”
Müsahibimiz Azərbaycanın Əməkdar
mədəniyyət iĢçisi, Prezident təqaüdçüsü,
AAB Ġdarə heyətinin üzvü, aĢıq Ġsfəndiyar
Rüstəmovdur.
- Ustad, gəlin söhbətimizə ənənəvi
bir sualla baĢlayaq. Necə oldu ki, bu
sənətə gəldiniz?
- Mənim atam aşıq idi, onun ustadı Dərələyəz mahalından olan aşıq
Məhəmməd olub. Evimizdən həmişə saz səsi gəlib. Beş il atamdan bu
sənətin sirlərini öyrənmişəm.
- Sizin kamil sənətkar kimi yetiĢməyinizdə atanızdan baĢqa da
kimlərinsə rolu, təsiri olubmu?
- Bayaq da qeyd etdiyim kimi, bu sənətin sirlərini beş il atam Ədildən öyrən-
mişəm. Sonradan mənim də aşıq Məhəmməddən də öyrəndiklərim az olmayıb.
Mən toylara getməyə o qədər də meylli olmamışam,
sənətin incəliklə-
rini öyrənmiş, rayon və respublika səviyyəli müxtəlif tədbirlərdə, mü-
sabiqə və festivallarda iştirak etmişəm. Bu gün 40-a yaxın dastan bilirəm.
1958-ci ildə iştirak etdiyim festivalda diplom və döş nişanı ilə təltif olun-
dum. Bundan sonra aşıqlarla birgə fəaliyyətə başladım, cavan aşıqları öz
ətrafıma topladım. Fikirləşdim ki, tək əldən səs çıxmaz və 1964-cü ildə
Gədəbəy Mədəniyyət evinin nəzdində 9 nəfərdən ibarət ansambl yarat-
dım. 1975-1977-ci illərdə 3 turdan ibarət ümumittifaq festivalı keçirildi
və biz – həmin o 9 nəfər hər 3 turda uğurla iştirak edərək qızıl medala
layiq görüldük. O illərdə ansambla rəhbərliyimə, yaxşı təşkilatçılığıma
görə Azərbaycan SSR Ali Sovetinin Fəxri fərmanına layiq görüldüm.
-
Müasir dövrümüzdə ustad aĢıqlarımız barmaqla sayılacaq
qədər azdır və onlardan biri də sizsiniz. Heç Ģübhəsiz, özünüz də