367
zamanında baş verir. Ehtimal olunur ki, «Şəhriyar» dastanı Qa-
zax və Borçalı nahiyələrində yaranmışdır.
164
Bu dastan
«məcnunluq təfəkkürünün süqut edib, məhəbbətə intibah
münasibətinin normalaşdığı dövrün məhsuludur – ehtiva etdiyi
ictimai-tarixi münasibətlərin və coğrafiyasının məzmunu
etibarilə milli təfəkkürün faktıdır».
165
şeirlə deyişmələr əsər
mətninin təxminən 40, dialoqlar 50, təhkiyə isə cəmisi 10 faizini
təşkil edir.
166
Bu, əsərin güclü dramaturji potensiyaya malik
olmasının göstəricisidir. «Şəhriyar»ın dilində kobud ifadələr
adətən saray mühitində işlənilir. Bu, gerçəkliyin inikası idi.
Səmimilik, xoş rəftar, ülvi insani keyfiyyətlər daha çox saray
mühitinin deyil, xalq həyatının fərqləndirici xüsusiyyətləridir.
Beləliklə, XVIII əsr
ərzində
ədəbiyyat
Azərbaycan
mədəniyyətinin aparıcı sahəsi kimi inkişaf etmiş, ədəbiyyat ta-
riximizin əsaslı keyfiyyət mərhələsini keçirmişdir.
XVIII əsrdə Azərbaycan dilində müxtəlif elmi bilik
sahələrinə aid olan ilk, lakin həcmcə kiçik əsərlər meydana
çıxdı. Məsələn, hesaba aid olan «Üsul asaba» («Yeddiliklər üsu-
lu»), astronomiyaya aid olan, ilin fəsillərinin və aylarının
xarakteristikasını təqdim edən «Kitabi-ruznamə» əsərləri bu
qəbildən idi. Kitabda astronomik cədvəllər vardır və həmin
cədvəllərə izahlar əsərin giriş hissəsindədir. «Kitabi-tibbi-
mənafeül nas» («Təbabətə dair faydalı kitab») əsəri təbabət üzrə
dəyərli əsərlərdən idi. Bu dövrdə tarix problemləri üzrə də
Azərbaycan dilində bəzi əsərlər meydana gəlmişdi. Məsələn,
1711-ci ildə «Təvarixi-zamani Şah Abbas ibn Xudabəndə»
sərlövhəsi ilə anonim əsər yazılmışdı. Əsər müəllifinin başlıca
diqqət obyekti Şah I Abbasın müharibələridir.
167
1733-cü ildə
yazılmış «Səfəviyyə padşahları» adlı əsərdə Səfəvilər sülaləsinin
tarixindən bəhs olunur. Bu tarixi əsərlərdə hərbi anlayışların
Azərbaycan dilində təqdim olunması, «dilimizin qanun və
qaydalarının pozulmaması»
168
diqqəti cəlb edir. 1784-cü ildə
ərəb dilinin sintaksisinə həsr olunmuş kitab yazılmışdı.
Azərbaycan dilində yazılmış bu kitab mədrəsələrdə təhsil alanlar
üçün nəzərdə tutulmuşdu. Həmin dövrdə üslubiyyata dair əsər
ərəb dilindən Azərbaycan dilinə tərcümə edilmişdi. XVIII əsrin
368
II yarısında əsasən əlifba prinsipi əsasında Azərbaycan dilində
bir sıra lüğətlər tərtib olunmuşdur. Beləliklə, ədəbiyyatda aparıcı
olan Azərbaycan dili biliklərin geniş kütlələr arasında yayılması
üçün əlverişli zəmin hazırlamışdı.
Dövrün epiqrafik abidələri eyni zamanda xalq sənəti
nümunələridir. Bu abidələr sayəsində tarixçilər həmin dövrün
ictimai-siyasi, dini-ideoloji, mədəni həyatının epizodlarını,
sənətşünaslar isə xalq sənətinin bədii-estetik xüsusiyyətlərini
araşdırırlar. Memarlıq abidələri, məzar daşları, saxsı, metal, tax-
ta və s. əşyaların üzərindəki müxtəlif formalı sənduqələr,
başdaşı, sinədaşı, qoç və at fiqurlu məzar daşları, məscid, ha-
mam, ovdan, karvansara, mədrəsə, qala divarları, istehkamlar və
ictimai binalar üzərində qoyulmuş yazılı lövhələr (daş kitabələr)
epiqrafikanın tədqiqat obyektidir. Həmin abidələrin özləri,
onların bədii keyfiyyətləri isə sənətşünasların araşdırma predme-
tidir. Mətnlərin məzmununa görə XVIII yüzilliyin kitabələrini
beş qrupa bölmək mümkündür: İnşaat xarakterli (yəni tikinti
tarixindən bəhs edən) kitabələr (1); mətni nisbətən geniş, lakin
sayı çox az olan sənədlərin lapidar nüsxələri (2); epitafiyalar-
məzar daşlarına qısaca həkk olunmuş yazılar (3); dini mətnlər
(4); adətən məzar daşları üzərinə həkk olunmuş mənzum parça-
lar (5).
169
Əhəngdaşı üzərində həkk edilmiş kitabələr əsasən
Bakı, Şamaxı, Qarabağ, Dərbənd, Quba xanlıqlarının ərazisində,
Qəbələdə tapılmışdır. Şimal-qərb bölgələrində yaşayıb yaratmış
xəttat – həkkaklar çay daşları üzərində işləmişlər. Yerli material
ustaların iş üslubuna ciddi təsir göstərmişdir. Epiqrafik
araşdırmalar sübut edir ki, Nadir şahın apardığı amansız
müharibələr, Nadirə qədərki zaman ərzində baş vermiş hərbi-
siyasi çəkişmələr nəticəsində «XVIII əsrin I yarısında
Azərbaycanda tikinti işləri əsasən aparılmamış və bununla
əlaqədar kitabələr də yazılmamışdır».
170
Epiqrafik materiallar
təsdiq edir ki, əsrin II yarısında tikinti fəaliyyəti canlanmış,
Şəki, Şuşa və Naxçıvanda xan sarayları, Ağdamda imarətlər,
Pənahəli xana və onun nəslinə aid olan günbəzlər tikilmiş, Bayat
və Şahbulaq, Pənahabad (Şuşa) qalaları salınmış, həmin qalalar-
da bazar, karvansara, hamam, məscid və s. ictimai təyinatlı
369
obyektlər tikilmişdir. Bu dövrdə Ordubad, Şamaxı, Dərbənd,
Quba, Bakı şəhərlərində hərbi istehkamlar, ictimai-mülki binalar
inşa olunmuşdur. Kitabələrdə memarlıq obyektlərinin inşası
tarixinə, onların bərpa və təmir olunması zamanına, həmin
obyektlərin inşasında rolu olmuş sənətkarlara, bir çox ictimai-
iqtisadi və siyasi, inzibati məsələlərə dair materiallar mövcud-
dur.
Azərbaycanda nisbi siyasi sabitlik (xanlıqların meydana
gəlməsi və təşəkkülü) bərqərar olunanadək memarlıqda canlan-
ma müşahidə olunmamışdır. Aramsız müharibələr, xarici
qoşunların müdaxilələri, feodal ara çəkişmələri memarlığı
inkişaf stimulundan məhrum edirdi. XVIII əsrin II yarısında
memarlıq üçün müəyyən əlverişli şərait yarandı. Azərbaycanın
şimal-qərb bölgəsində və Şamaxıda bir çox sufi mürşidlərinin,
ruhani alimlərin, müqəddəs hesab olunan şəxslərin məzar
daşlarının aşkar olunması təsdiq edir ki, XVIII yüzillikdə
ölkəmizdə
«Nəqşbəndiyə», «Ələviyyə» təriqətləri
geniş
yayılmışdı. Bu dövrdə xalq memarlıq ənənələri memarlıq
fəaliyyətinin başlıca ünsürü idi, lakin əski zamanların monu-
mental memarlıq ənənələri yenə də mühüm təsirini qoruyub
saxlamışdı. Azərbaycanda xanlıqlar dövrünün əsas cəhətlərindən
biri iqamətgah və onun müvafiq istehkamı kimi saray
komplekslərinin yaradılması zərurəti olmuşdur. Azərbaycan
xanları başlıca şəhərlərin ətrafında və xanlıqların ərazilərində
güclü müdafiə qurğuları sisteminin inşasına xüsusi diqqət
yetirirdilər. Məhəllə məscidləri bu dövrün mühüm ibadət və
tədris ocaqları idi. XVIII əsrin Azərbaycan memarlığında aparıcı
yeri kiçik həcmli, səkkizguşəli türbələr tuturdu. Əsrin
şəhərsalma işində iki başlıca meyl nəzərə çarpırdı. Birinci meyl
xanlar tərəfindən paytaxt kimi Azərbaycanın qədim şəhərlərinin
seçilməsi idi. Bakı, Naxçıvan və Gəncə bunlara misal ola bilər.
1734-cü ildə Nadir xan tərəfindən dağıdılmasına baxmayaraq,
Şamaxını bu tip şəhərlərə aid etmək mümkündür. Lakin XVIII
yüzillikdə bir sıra xanlıqların mərkəzləri də meydana çıxdı, bu-
nunla bağlı şəhərsalmada mühüm tədbirlərin aparılması
müşahidə edildi. Quba və Şuşa bu tipli şəhərlərdən idi. 1772-ci
Dostları ilə paylaş: |