382
və paylayıcıdan keçərək axım tipli iki mərhələli həlqəvi qarış-
dırıcıya daxil olur. Axımların belə nisbəti kupajın tündlüyünün
0,5-1,5 h.% yüksək alınmasını təmin edir. Kupaj qarışdırıcıdan
çıxışda əlavə olaraq nasosla qarışdırılır.
Tündlüyün nominaldan yüksəkliyi sonrakı mərhələdə avtomat
cihazlarla nəzarət olunmaqla vurulan su ilə tənzimlənir.
Köməkçi xammal məhlullarının vurulması xüsusi merniklər
vasitəsilə dozalaşdırılır. Hazırlanan kupajı qabaqcadan süzülmək
və fəal kömürlə təmizləmək üçün yönəldirlər.
Su-spirt qarışığının injeksiya üsulu ilə axında hazırlan-
ması. Poltava likor-araq zovodunun təcrübəsi əsasında araq hazır-
lanma üsuludur. Texniki həll və xidməti baxımından daha sadədir.
Kupaj hazırlanmasını intensivləşdirmək məqsədilə injektor
adlanan cihazdan istifadə olunur.
Qurğunun işinin əsasında injeksiya prinsipi durur.
Su spirt qarışığının və arağın süzülməsi. Su-spirt məhlulun-
da həmişə az miqdarda zərif dispres asılqan hissəcikləri olur. Bu
asılqanlar suyun spirt ilə qarışdırılması zamanı əmələ gələn qalıq
codluqda mineral duzlardır. Qarışığın fəal kömürlə işlənməsi
zamanı kömür tədricən parçalanır, kolloid ölçülərdə əmələ gələn
xırda hissəciklər məhlula keçir. Başlanğıc kupajda olan asılqan
hissəciklər kömürün məsamələrini tutur və onun fəallığını azaldır.
Bu yolla işlənən su-spirt qarışığı (araq) isə tamamilə şəffaf
olmalıdır. Süzülmə iki dəfə-kömürlə işlənmədən əvvəl və sonra
aparılır.
Süzgəcdən keçirmə - mayenin məsaməli təbəqədən keçiri-
lərək, bərk hissəciklərin onun üzərində saxlanılması və süzün-
tünün keçirilməsidir.
Kupajın və arağın süzülməsi fasiləli və fasiləsiz işləyən qumlu
süzgəclərdə aparılır. Süzücü material kimi müxtəlif səviyyələrdə
dənəvərləşdirilmiş kvars qumundan, təsadüfi hallarda isə (arağın
süzülməsində) yüksək məsaməli keramik təbəqələrdən istifadə
olunur.
383
Zavoda daxil olan kvars qumu dənələrinin iriliyinə görə sort-
laşdırılır, su ilə yuyulur və 2-3%-li xlorid turşusu məhlulu ilə
işlənir.
Qumun dənələrinin yaratdığı süzücü kanalların ölçüləri asıl-
qan hissəciklərin əsas kütləsinin ölçülərindən kiçikdir. Odur ki,
sonuncu qum təbəqəsinin səthində toplanaraq, çöküntünün zərif
məsaməli təbəqəsini yaratmış olur. Süzülmənin başlanğıcında hə-
min təbəqə yaranmadığından süzgəcdən xırda çöküntü hissəcikləri
də keçir və ilk süzüntü bulanıq alınır. Sonra süzücü materialda
asılqan hissəciklərin təbəqəsi formalaşır və ondan süzülən su-spirt
məhlulu tam şəffaflığa qədər durulur.
Süzcəgdən qumu su-spirt məhlulunun və arağın əks axımını
yaratmaqla təmizləmək mümkündür.
Bəzi zavodlarda süzgəcdən keçirmək üçün əsasında məsaməli
keramik təbəqələr olan, diametri 175 mm və qalınlığı 20 mm
təbəqələrdən istifadə olunur. Təbəqələr şamot (75%) və bentonit
(25%) qarışığının 1300
0
C temperaturda yandırılmasından (bişiril-
məsindən) alınır. Məsamələrin diametri 40 mm-dir.
Süzgəcin məhsuldarlığı saatda 30 dal-a yaxındır.
Süzgəcləri tez-tez (ən azı həftədə 1 dəfə) təmizləmək üçün
dayandırırlar. Ona görə də onları paralel yerləşdirirlər. Təbəqələri
15-20 dəqiqə müddətində su ilə yumaqla bərpa edirlər. Sonra axar
suda korpusu yuyurlar. Bu halda suyun təzyiqi 0,1 Mpa-dan az
olmamalıdır. 20 dəqiqədən sonra təbəqələr 5%-li xlorid turşusunda
10-15 dəqiqə saxlanır. Sonra təbəqələr yenidən yerinə yerləşdirilir,
10 dəqiqə axar suda yuyulur, quruducu şkafda 105-110
0
C tempe-
aturda 2 saat qurudulur və mufel peçində 500-600
0
C temperaturda
30 dəqiqə saxlanır. Təbəqələr peçlə birgə soyudulur (otaq tempe-
raturuna qədər). Hər təbəqə 10-15 dəfə bərpa oluna bilər. Sonra
onlarda çatlar əmələ gəlir və onlar istifadəyə yararsız olurlar.
Keramik süzgəclər arağı, qum süzgəclərinə nisbətən pis
duruldur. Belə ki, təbəqələrin məsamələri qeyri-bərabər ölçülərdə
olduğundan, zərif dispres asılqan hissəciklərin ondan keçməsi
mümkün olur.
384
Süzülmüş araq hazır məhsul çəninə keçirilir. Burada onu
qarışdırır və tündlüyünü yoxlayırlar. Əgər tündlük standarta uyğun
gəlməzsə onu nizamlayır və çəni yenidən qarışdırırlar. Arağı bu
çəndən dolurmaya göndərirlər.
Su-spirt qarışığının işlənməsi. Su-spirt qarışığı adından
məlum olduğu kimi su ilə spirtin qarışdırılmasından alınır və
istehsalın aralıq məhsuludur. Yalnız fəal kömürlə işləndikdən
sonra, o, araq üçün səciyyəvi olan dad və ətir qazanmış olur.
Sortlaşmanın fəal kömürlə işlənmə üsulları. Likor-araq
zavodlarında uzun müddət müxtəlif sadələşdirilmiş fasiləli
işlənmə üsullarından istifadə edilirdi ki, bu halda kömür su-spirt
qarışığı ilə qarışdırılırdı. Proses ya təzyiq çənində qarışdırılmaqla
və ya təzyiq çəninə qoyulmuş fəal kömürlü patrondan (şamdan)
məhlulu keçirməklə aparılırdı. Bu metodların əsas çatışmazlığı
prosesin fasiləliyi, aşağı məhsuldarlığı, kömürdən istifadənin cüzi
səmərəliliyi, kömürün ayrılması və bərpası ilə bağlı əməliyyatın
ağır zəhmətli olmasıdır.
Hazırda sortlaşmanın kömürlə işlənməsi fasiləsiz iki üsulla
həyata keçirilir: dinamik və kömürün asılqan təbəqəsində.
Dinamik üsulda qarışıq ardıcıl birləşdirilmiş bir, iki yaxud üç
kömür kolonkasından buraxılır.
Müxtəlif xırdalanma dərəcəli fəal kömür yüksəkliyi 4,2 m və
diametri 0,7 m olan kalonkanın daxilinə doldurulur və ondan
keçməklə aşağıdan yuxarıya su-spirt məhlulu buraxılır.
Sortlaşmanın fəal kömürlə işlənməsi üçün qurğu iki qum-
forfiltrdən, bir-biri ilə ardıcıllıqla birləşmiş bir, iki, yaxud üç
kömür kolonkasından və bundan sonra arağı sonuncu dəfə süzən
iki keramik süzgəcdən ibarətdir.
Su-spirt qarışığının təmizlənməsi aşağıdakı qaydada gedir.
Qarışıq təzyiq çənindən özbaşına axımla ilkin süzülməyə (qum-
forfiltr) daxil olur. Bu işdə məqsəd su ilə və təzyiq bakından
mexaniki şəkidə su-spirt qarışığına düşən kənar qarışıqlarla
kömürün çirklənməsinin qarışısını almaqdır. For süzgəci keçən
qarışıq kömür kolonkasına qalxır. Sonra isə sonuncu süzülmə üçün
Dostları ilə paylaş: |