Əli̇salam Bağirov SƏNSİz yaşaya biLMƏRƏM
Yüklə 2,64 Kb. Pdf görüntüsü
|
153 düşüncələr içərisində xəyala dalmış Seara daxili bir narahatlıq keçirirdi. Həyat tərzində baş verən dəyişikliklərdən təbii ki, o, belə də olmalı idi. Çünki, o özünü yeni həyat şəraitinə alışdır malı, bu həyatın tələbatından irəli gələn məsələlərlə üzləşməli idi. Bir də ki, hələ onu düşündürən, yeni həyata atdığı ilk ad dımın müqəddəratı idi. Nəhayət ki, Seara yeni həyata atdığı ilk addımın düzgün lüyünü özözlüyündə qiymətləndirdi. Hiss etdi ki, Sentiyə olan məhəbbəti onun üçün əvvəlkindən daha şirin və daha hərarətli olmalıdır. Çünki o, Sentiyə olan öz məhəbbətini var dövlətə satmamış, əksinə sərvətini itirsə də belə, öz pak və saf məhəbbətinə sadiq qalmışdır. Bu isə nəinki öz məhəbbətinə sadiq qalmaq deməkdir, həm də ən ali hiss olan ümumbəşəri məhəbbətə qoyulan ən böyük hörmətdir, məhəbbətin qiy mətini daha da yüksəltmək deməkdir. Bəli, Seara bütün bunları özözlüyündə düşünədüşünə ba harın gəlişini xəbər verən carçı qaranquşlar kimi artıq azad və sərbəst halda Sentinin mənzilinə yollandı. Daxili həyəcanının şiddətindən Seara Sentinin mənzilinə nə vaxt çatdığını və nə vaxt içəri girdiyini hiss etmədi. Bircə onu hiss etdi ki, Sentinin mənzilindədir və onu qarşılayan da Sentidir. Həyatda yaşamaq nə qədər gözəlmiş, ilahi. Dünya nə gözəl, yaşamalı dünyaymış. Hələ bir quşların səsindəki şirinliyə bax. Güllərin, çiçəklərin ətri necə də məstedicidir. Gör günəşin şüaları necə ilıqlıqla adamı xumarlandırır. Ax, nə gözəlsənmiş, nə yaşamalısanmış, həyat. Seara Sentinin mənzilinə daxil olanda onlar yaşamağın bu cür gözəl olduğunu duydular və andılar. Hiss etdilər ki, hər gün seyrinə daldıqları təbiət bax bu cürə gözəl və qəşəngmiş. Təbiətin ən gözəl və ən zərif xilqəti kimi, çiçəkdən yalnız canlı bir varlıq olması ilə seçilən Seara, sevinc göz yaşları içərisində, həyəcanından sinəsi atılaatıla: – Aman allah, məni 154 kimi görürəm? – dedi və özünü iradəsindən asılı olmayaraq Sentinin ağuşuna atdı. Bu məsum varlığın Sentinin ağuşunda özünü necə xoşbəxt hiss etdiyini ifadə etmək üçün bircə onu demək kifayətdir ki, o, bu anlar ərzində dünyada Sentidən başqa, hər şeyi unutmuşdu. Bütün bu gördüklərini yuxu kimi qarşılayan Senti isə hələ də öz gözlərinə inanmırdı. Bəzən in sanda elə hal olur ki, o həsrətini çəkdiyi bir şeyi əldə etdiyi halda, bir müddət bunun həqiqət olduğuna inana bilmir. İndi Senti də Searadan cəmi bir neçə gün bundan əvvəl ayrılsa da, bununla bir əsrdən sonra görüşürmüş kimi öz gözlərinə inana bilmirdi. Nəhayət ki, bu hal ötüb keçdi və Senti özünü ələ alıb həzin bir səslə dilləndi: – Seara, əzizim, nə üçün həyəcanlısan, sənə nə olub? Sənin ki, lap bütün bədənin əsir. Özünü ələ al, sakit ol. Biz ki, bir yerdəyik, bəlkə sən xəstələnmisən? Sonra onun başını sığalla dı və: – Aman allah, mənim Searam necə də qəşəngdir – dedi. Bütün bu keçən vaxt ərzində Seara yalnız özünü ələ almağa çalışdı və deyəsən, buna qismən də müyəssər oldu da. Bun dan sonra o, bir qədər xəyala daldı və nə barədə isə beynində düşündü. Sonra başını yuxarı qaldırıb, dik Sentinin gözlərinin içərisinə baxaraq, yalnız qadınlara məxsus olan və qadınlıq qürurundan irəli gələn bir qədər hökmlü və mətin bir səslə soruşdu: – Senti… bütün varlığım, de görüm məni sevirsənmi? Söy lə görüm mənsiz yaşaya bilirsənmi? Onun Senti ilə danışıq tərzinə fikir verdikdə asanlıqla təyin etmək olardı ki, sevgi aləminin yeni bir yolçusu öz saf hisslərinin hökmü ilə hərəkət edir. Ona görə də Senti, bütün sevənlər kimi, belə bir hökmə müntəzir sevgilisi ilə fəxr edə bilərdi. Odur ki, Senti açıq bir ürəklə və səmimi bir etirafla Searanın sualına cavab verməyi lazım bildi və nəzakət çərçivəsindən kənara çıxmadan dedi: 155 – Bu nə sualdır, Seara? Mənim qəlbim həmişə səninlə bir vurur. Mən bu geniş dünyada yalnız səninlə özümü xoşbəxt hesab edirəm. Mən sənsiz yaşaya bilərəmmi? Həyatın insa na bəxş etdiyi ən şirin nemət nədirsə, unutma ki, mən onu sənə etibar etmişəm. Sən mənim üçün dünyada hər şeydən qiymətli və əzizisən. Sən mənim ilham mənbəyim, həyatverici qüvvəmsən, Seara. Çörək, su, hava insan üçün yaşamağa ən zəruri vasitələr olduğu kimi, əsl sevgi də məhz insan üçün belə bir zərurətə çevrilməlidir. Bax, sənin sevgin mənim üçün belə zəruridir, Seara. O bu sözləri elə hərəkətlə, elə cəsarətlə, elə məhəbbətlə dedi ki, Seara ona minnətdarlıq etməyə söz tapmadı və yalnız göz qapaqlarını endirməklə Sentiyə öz ra zılığını bildirdi. Həyatda illərdən bəri həsrətini çəkdiyin istək və arzuya çat maq insan üçün ən sevindirici haldır. İndi Sentinin dilindən eşitdiyi sözlər Searaya tünd içki kimi öz təsirini yavaşyavaş göstərir və Searanı xumarlandırırdı. Demək, o sevir və sevilir di. Demək, artıq Seara xoşbəxt bir gələcəyə doğru irəliləyirdi. Demək, artıq Seara xoşbəxt idi. O, bu hissləri keçirdikcə elə məstləşdi, elə xumarlandı ki, özünü Sentinin ağuşuna atan da hər şeyi, Sentini də, öz varlığını da ancaq dumanlı şəkildə xatırlayırdı. Onlar bir müddət beləcə qaldılar. Nəhayət ki, bir qədər özünü ələ alan Seara Sentiyə daha bərk sıxılaraq yenidən dilləndi: – Taleyim səni mənə çox görməsin, Senti. Tək sənin var lığından aldığım ruh mənə həyatın bütün gözəlliklərindən üstündür. Bu sözlərdən sonra o, danışığına bir qədər də ara verərək susdu. Sonra bir qədər həyəcanla və pörtmüş halda dilləndi: – Bir də ki, Senti, bu gündən artıq sən mənim qanuni ərimsən. Seara isə əvvəlki kimi varlı qrafinya Seara deyildir. Yüklə 2,64 Kb. Dostları ilə paylaş:
|