ƏLLİ ÜÇÜNCÜ Kİtab ————— sentyabr 2012 oktyabr 2012
Yüklə 3,06 Mb. Pdf görüntüsü
|
- Bu səhifədəki naviqasiya:
- İmişli Rayon Mərkəzi Xəstəxanasında aparılan əsaslı təmir işlər ilə tanışlıq
331
yenidənqurma tədbirlərinin miqyasının və keyfiyyətinin əyani göstəricisidir. Dövlətimizin başçısına Heydər Əliyev parkında tikilməkdə olan Gənclər Mərkəzinin planı təqdim olundu. Məlumat verildi ki, 1,8 min kvadratmetr ərazidə inşa olunan üçmərtəbəli binanın inşasına bu ilin iyununda başlanılmışdır. Tikinti işləri 2013-cü ilin mayında başa çatdırılacaqdır. Burada rayon gənclərinin istirahəti və ilkin peşə vərdişlərinə yiyələnmələri üçün hər cür şərait yaradılacaqdır. Prezident İlham Əliyev İmişli rayonunda yeni yaradılan Bayraq Meydanı ilə də tanış oldu. Əzəməti ilə seçilən Bayraq Meydanının ümumi sahəsi 8,3 min kvadratmetrdir. Bayraq dirəyinin hündürlüyü isə 100 metrdir. Bildirildi ki, meydanın ətrafında böyük abadlıq və ya- şıllaşdırma işləri görülmüşdür. Vağzal meydanı da tamamilə yeni görkəm almışdır. İşıqlandırma sistemi müasir standartlara uyğun yenilənmişdir. Yenidənqurmadan sonra meydan füsunkarlığı və səliqə-sahmanı ilə diqqəti cəlb edir. Dövlətimizin başçısı görülmüş işləri yüksək qiymətləndirdi, tapşırıq və tövsiyələrini verdi.
əsaslı təmir işlər ilə tanışlıq
İmişli Rayon Mərkəzi Xəstəxanasında aparılan əsaslı təmir işləri ilə tanış olmuşdur. Səhiyyə naziri Oqtay Şirəliyev dövlətimizin başçısına məlumat verdi ki, ikimərtəbəli xəstəxananın ümumi ərazisi 21,2 min kvadratmetrdir. Burada geniş abadlıq və yaşıllaşdırma işləri görülmüşdür. Xəstəxananın ayrıca yarımstansiyası var və burada əlavə generator da quraşdırılıb. Yoluxucu xəstəliklər şöbəsi ayrıca binada yerləşir. Azərbaycan prezidentinin 2010- cu il 30 mart tarixli Sərəncamına əsasən Prezidentin ehtiyat fondundan ayrılan 1,5 milyon manat vəsait hesabına 2010-cu 332
ildə xəstəxananın əsaslı təmirinə başlanılmışdır. Ötən müddətdə həyata keçirilən kompleks yenidənqurma işlərindən sonra Mərkəzi Rayon Xəstəxanası müasirliyi ilə diqqəti cəlb edir. 4 korpusdan ibarət bu tibb müəssisəsi 136 çarpayılıqdır. Əsas binası və bütün şöbələri tamamilə yenidən qurulmuş xəstəxananın maddi-texniki bazası ən müasir standartlara cavab verir. Xəstəxananın hər bir şöbəsinin interyeri orijinal dizaynı və zəngin tərtibatı ilə fərqlənir. Bildirildi ki, xəstəxananın şöbələrində Yaponiya, Türkiyə, İtaliya, Koreya Respublikası və digər ölkələrdən gətirilmiş ava- danlıqlar quraşdırılmışdır. Qonşu şəhər və rayonların sakinləri də bu tibb ocağının xidmətindən yararlana biləcəklər. Ötən illərdə ölkəmizdə pulsuz səhiyyə xidmətinin genişləndirilməsi, əhalinin aztəminatlı təbəqəsinə tibbi yardım sahəsində dövlət qayğısının gücləndirilməsi ilə bağlı tədbirlər sisteminin hazırlanıb həyata keçirilməsinə bu cür müasir tibb ocaqlarının sayının artması da münbit zəmin yaradır. Respublikamızda səhiyyə sisteminin yenidən qurulması, əhalinin sağlamlığı üçün müvafiq tədbirlərin daha yaxşı təşkili, bu sahədə qabaqcıl texnologiyaların tətbiqi və yeni kadr potensialının hazırlanmasını özündə dolğun ehtiva edən dövlət proqramları ölkəmizdə tibbi xidmətin səviyyəsini də yüksəltmişdir. Azərbaycanda ən yüksək standartlara cavab verən tibb müəssisələrinin sayının durmadan artması sayəsində tədricən xaricə müalicəyə yollananların da sayı azalır. İndi paytaxt Bakı ilə yanaşı, müxtəlif bölgələrdə ən mürəkkəb cərrahiyyə əməliyyatları uğurla aparılır, təcrübəli xarici mütəxəssislərin dəvət edilməsi ilə yerli tibbi personalın hazırlıq səviyyəsi təkmilləşdirilir, dövlət hesabına dünyanın ən nüfuzlu ali məktəblərində təhsil almağa göndərilənlərin sayı ilbəil artır. Hazırda respublikamızın tibb müəssisələri maddi-texniki bazasının müasirliyi baxımından inkişaf etmiş ölkələrin səhiyyə ocaqları ilə müqayisə edilir. Bunu ölkəmizə gələn yüksək səviyyəli qonaqlar da təsdiqləyirlər. İmişli Rayon Mərkəzi Xəstəxanası da ən son elmi-texniki yeniliklərin tətbiqi baxımından ölkəmizin digər tibb müəssisələrindən geri qalmır. 333
Əsaslı təmir işləri ilə tanışlıqdan sonra dövlətimizin başçısı tibb müəssisəsinin kollektivi ilə görüşdü. Prezident İlham Əliyev kollektivin üzvlərini salamladı: – Sizi təbrik edirəm. Gözəl xəstəxanadır. Burada müalicə almaq, diaqnostikadan keçmək üçün bütün şərait vardır. Çox gözəl təmir olunub, dünya standartlarına cavab verir. Siz – burada işləyən həkimlər yaxşı bilirsiniz ki, əvvəlki vəziyyəti necə idi. İndi bu gözəl xəstəxanada xəstələrə yüksək səviyyədə tibbi xidmət və qayğı göstərilməlidir. Həkimlər və xəstələr üçün gözəl şərait yaradılıb. Əsas odur ki, dünən dediyim kimi, vətəndaşlar vaxtında müayinədən keçsinlər. Dünən Saatlıda, bu gün İmişlidə gözəl Mərkəzi Xəstəxananın əsaslı təmirdən sonra açılışını qeyd etdik. Beyləqan Rayon Mərkəzi Xəstəxanası da əsaslı təmirdən sonra açılışa hazırdır. Hər bir rayonda gözəl tibbi xidmət yaradılır. Bu da Azərbaycanın bugünkü reallıqlarını əks etdirir. Vaxtilə xəstəxanaların vəziyyəti o qədər də yaxşı deyildi. Onların əksəriyyəti keçən əsrin 70-ci illərində tikilmişdir, artıq köhnəl- mişdi və əsaslı təmirə ehtiyac var idi. Əsas da müasir avadanlığın gətirilməsinə ehtiyac var idi. Çünki müasir avadanlıq olmadan səviyyəli tibbi xidmət göstərmək mümkün deyildir. Burada olan avadanlıq dünyanın aparıcı klinikalarındakı avadanlıqlardan fərqlənmir. Bəlkə də bəzi xarici klinikalardan daha da üstündür. Çünki biz ən son modelləri gətirdirik. Özü də hər yerə – Bakıya, əlbəttə, paytaxt şəhərinə, eyni zamanda, hər bir rayona, hər bir bölgəyə gətiririk. Dializ aparatları da gətirilib. Səhiyyə nazirinin dediyinə görə, 30-dan çox dializ xəstəsi vardır. Onlar indi burada müalicə alacaqlar. Demək olar ki, bütün bölgələrdəki diaqnostika mərkəzlərində, artıq mərkəzi şəhər və rayon xəstəxanalarında dializ aparatları vardır. Bu da çox vacib məsələdir. Çünki vaxtilə böyrək çatışmazlığından əziyyət çəkən insanlar lazımi tibbi xidmət ala bilmirdilər. İndi isə artıq bu problem aradan götürülüb. Ən müasir standartlara cavab verən doğum şöbəsi vardır. Bu da çox vacibdir. Dünən bu məsələ ilə bağlı fikirlərimi bildirdim.
Yüklə 3,06 Mb. Dostları ilə paylaş:
|