61
sakinlərinin bu dövrdə əkinçilik və maldarlıqla məşğul olduğunu göstərmişdir. Qazıntı zamanı taxıl
dənləri, arpa və az miqdarda buğda qalıqları əldə edilmişdir [7, s. 19]. Aparılan araşdırmalar
yaşayış yerinin qədim tarixinin dərindən tədqiqinə və hərtərəfli öyrənilməsinə böyük şərait
yaratmışdır. Ovçulartəpəsi yaşayış yerindən aşkar olunan maddi mədəniyyət nümunələrinin tədqiqi
və radiokarbon analizlərinin nəticəsi bu yaşayış yerinin nəinki Naxçıvan, eləcə də Cənubi Qafqazın
ən qədim yaşayış yerlərindən biri olduğunu göstərmişdir.
Qədim Şərur torpağında Eneolit dövrünə aid digər bir arxeoloji abidə Xələc kəndinin
cənubunda yerləşən Xələc yaşayış yeridir. Bu yaşayış yeri Naxçıvanın Son Eneolit mədəniyyətinə
aid abidələrdən biri olub, Arpaçayın sağ sahilində, Araz ovalığında yerləşir. Xələc yaşayış yeri
Eneolit və Tunc dövrü abidəsidir. Yaşayış yerinin sahəsi 0,5 hektardır. Burada mərmər karxanası
açılarkən yaşayış yerinin böyük bir hissəsi dağıdılmış və nəticədə xeyli maddi mədəniyyət
nümunələri aşkar olunmuşdur. Aparılmış tədqiqatların nəticələri göstərir ki, Xələc yaşayış yeri
çoxtəbəqəli arxeoloji abidədir. Burada sistemli tədqiqat işləri aparılmadığından müxtəlif dövrlərə
aid mədəni təbəqələrin saxlanma dərəcəsi haqqında söz demək çətin idi. Lakin 2010-cu ildə
V.Baxşəliyev və A.Seyidov tərəfindən Xələc yaşayış yerində aparılan arxeoloji tədqiqatlar
nəticəsində bu yaşayış yerini çox əhatəli izah edən “Xələc” adlı bir monoqrafiya yazılmışdır.
Tədqiqatçıların Xələc yaşayış yerində tədqiqata başlamalarının əsas məqsədi burada
Eneolit
təbəqəsinin varlığını öyrənməkdən ibarət olmuşdur. Tədqiqatlar nəticəsində aydın olmuşdur ki,
Xələc yaşayış yeri xeyli dağıntıya məruz qalsada bəzi yerlərdə Eneolit təbəqəsi öz varlığını qoruyub
saxlaya bilmişdir [15, s. 24].
Xələc yaşayış yerində aparılan arxeoloji tədqiqatlar nəticəsində məlum olmuşdur ki, burada
Son Eneolit dövründən başlayaraq Dəmir dövrünədək böyük bir tarixi dövr ərzində qədim insanlar
bu ərazidə məskunlaşmışlar. Burada arxeoloji qazıntı zamanı əldə edilən keramika məmulatı Eneolit
dövrünə aid olmaqla yanaşı, Arpaçay vadisində yerləşən və eyni mədəniyyətə aid olan
Ovçulartəpəsi, Aşağı Daşarx, Şortəpə və Sədərək rayonu ərasisindən aşkar olunan materiallarla
eyniyyət təşkil edir. Xələc yaşayış yerinin Eneolit dövrü keramikasının bənzərlərinə eyni zamanda
Azərbaycan, Urmiya və Şərqi Anadoluda müəyyən olunmuş Eneolit dövrü abidələrində də rast
gəlinir [15, s. 76]. Bu da onu göstərir ki, qədim Naxçıvan diyarı tarixən Yaxın Şərq ölkələri ilə
qarşılıqlı iqtisadi-mədəni əlaqələrdə olmuş və inkişaf etmişdir.
Şərur rayonu ərazisində Eneolit mədəniyyətinin yaxşı öyrənildiyi abidələrdən biri də
Ərəbyengicə yaşayış yeridir. Bu yaşayış yeri Şərur rayonunun eyni adlı kəndindən cənubda yerləşir.
Qədim yaşayış yeri xalq arasında “Köhnə qəbristanlıq” adlanır [14, s. 16]. Ərəbyengicə yaşayış
yerində arxeolji tədqiqat işləri 2008-ci ildə başlanıb. Yaşayış yeri V.Baxşəliyev və A.Seyidovun
birgə tədqiqatı nəticəsində öyrənilmişdir. Arxeoloqlar öz yazılarında qeyd etmişlər ki, qədim
yaşayış sahəsi yer səthindən 1-1,5 m yüksəklikdə olan oval təpədən ibarətdir. Hazırda yaşayış
yerinin qərbindən və şimal-şərqindən torpaq yol keçir. Şimal-şərq tərəfdə əkin sahələrini suvarmaq
üçün kiçik kanal qazılmışdır. Bu kanal qazılarkən mədəni təbəqə dağıdılmış, maddi-mədəniyyət
qalıqları ətrafa səpələnmişdir. Abidə hər tərəfdən əkin sahələrinin əhatəsindədir. Hazırda onun
olduqca az salamat qalan hissəsinin sahəsi 0,8 hektardır. Ərəbyengicə yaşayış yeri Arpaçayın Araz
çayına töküldüyü yerdən bir qədər aralıda yerləşir. Aparılan araşdırmalar göstərir ki, Araz çayı və
Arpaçay daşan zaman yaşayış yerinin lap yaxınlığından keçmişdir. Şübhəsiz ki, çayların daşması
zamanı məhsuldar torpaq layının yaranması əkinçilik üçün əlverişli olmuşdur [14, s. 17].
Ərəbyengicə yaşayış yerində aparılmış arxeoloji araşdırmalar da göstərir ki, Naxçıvanın qədim şərq
ölkələri ilə əlaqələrində Şərur ərazisinin özünəməxsus yeri olmuşdur. Həmçinin Ərəbyengicə
abidəsinin iki çay arasında, əlverişli mövqedə yerləşməsi isə əkinçilik və maldarlığın inkişafına
xüsusilə şərait yaratmışdır. Qazıntı işləri zamanı müşahidə olunan torpaqların qum qatı ilə örtülməsi
daşqın zamanı yaşayış yerində subasmaların olduğunu deməyə əsas vermişdir. Lakin buna
baxmayaraq arxeoloji abidədə əldə edilən maddi mədəniyyət nümunələri göstərir ki, yaşayış yerində
həyat min illərlə davam etmişdir.
Ümumiyyətlə Ərəbyengicə yaşayış yerində mədəni təbəqə 2.5 m dərinliyədək öyrənilmiş və
tədqiqat zamanı burada düzbucaqlı tikili qalıqları aşkar edilmişdir. Eyni zamanda burada aparılan
qazıntı işləri nəticəsində Eneolit dövrünə aid keramika məmulatı əldə edilmişdir. Bu keramikaların
62
əsasən Eneolit dövrünün son mərhələsinə aid olması bildirilir. Həmin keramika nümunələri sarı-boz
rəngli kasa tipli qab və forma verməyən sarı rəngli keramika parçalrından ibarət olmuşdur.
Ərəbyengicə yaşayış yerindən aşkar edilən maddi mədəniyyət nümunələri Eneolit mədəniyyəti ilə
Kür-Araz mədəniyyəti arasındakı əlaqələri də aydınlaşdırmağa şərait yaratmışdır. Son Eneolit və İlk
Tunc dövrü abidələrinin araşdırılması bir daha sübut etdi ki, bu ərazi adıçəkilən mədəniyyətlərin
yarandığı ilk ocaqlardan biri olmuşdur [14, s. 62].
Müstəqillik əldə etdikdən sonra Azərbaycan tarixçiləri həqiqətə, faktlara və obyektivliyə
əsaslanan tədqiqatlara başladılar. Yerli və xarici tədqiqatçılar tərəfindən öyrənilən Şərur abidələri,
xüsusilədə Eneolit dövrü abidələri son illər arxeologiya elminə böyük töhvələr vermişdir.
Tədqiqatlar nəticəsində çox sayda yeni abidələr, yaşayış yerləri, qəbir abidələri, keramika
məmulatları, əmək alətləri, metal əşyalar və s. əldə edilmişdir. Şərur rayonu ərazisində Eneolit
abidələrinin tədqiqi nəticəsində Eneolit dövrü mədəniyyəti, həmin dövr insanlarının məşğuliyyəti,
təsərrüfat həyatı, həmçinin etnik-mədəni proseslər və Yaxın Şərq ölkələri ilə qarşılıqlı əlaqələri
daha dərindən öyrənilmiş və yeni tədqiqat sahələri meydana gəlmişdir.
ƏDƏBİYYAT
1.
Azərbaycan arxeologiyası, Bakı, Xəzər Universiteti, 2010, 197 s.
2.
Azərbaycan tarixi, Bakı,
Azərnəşr, 1994. 687 s.
3.
Bаxşəliyеv.V.B. Nаxçıvаnın qədim tаyfаlаrının mənəvi mədəniyyəti, Bакı, Еlm, 2004, 320 s.
4.
Baxşəliyev V.B. Azərbaycan arxeologiyası, Bakı, Elm, 2007, 238 s.
5.
Baxşəliyev V.B. Naxçıvanın
arxeoloji abidələri, Bakı, Elm, 2008, 301 s.
6.
Bakhchaliyev V., Marro C., The Archaeology of Nakhichevan, Ten years of
new discoveries,
Istanbul: Ege, 2009
7.
Bakhchaliyev V., Marro C. Ashurov S. Ovçulartəpəsi, Bakı, Elm, 2010, 156 s.
8.
Baxşəliyev.V.B., Ristvet .L., Gopnik. H., Aşurov. S.H. Naxçıvan Arxeoloji Tədqiqatlar (II
Kültəpə, I Maxta Kültəpəsi, Oğlanqala və digər abidələrdə aparılan tədqiqatların ilkin
nəticələri), Naxçıvan, 2010, 119 s.
9.
16. Mаrrо C., Bаkhchaliyev V. Ashurov S.
Excavations at Ovçular Tepesi, Bakı, Elm, 2010,
156 s.
10.
Seyidov A.Q., Baxşəliyev V.B., Məmmədov S.M., Aşurov S.H. Qədim şərur, Bakı, Elm, 2012,
466 s.
11.
Seyidov A.Q., Baxşəliyev V.B. Ərəbyengicə, Bakı, Nurlan, 2009, 160 s.
12.
Seyidov A., Baxşəliyev V. Xələc, Bakı, Elm, 2010, 220 s.
13.
Seyidov A.Q., Baxşəliyev V.B. Sədərək, Bakı, Elm, 2011, 184 s.
ABSTRACT
Emin Mammadov
THE INVESTIGATIONS OF SHARUR ARCHAEOLOGICAL MONUMENTS IS AN
IMPORTANT PRESENT IN THE STUDY OF CALCOLITICAL CULTURE
In the article is noted that the explatoration of the Calcolitic Age always been one of the
important issues in archaeology. One of the region where the monuments of this age are widely
spread is Nakhchivan region, namely Sharur district. As the result of the sistematic explorations
done in the territory the Calcolitic culture, the activity of the people of that time, agriculture life,
ethnic -cultural processes and the interrelations with the Near East countries have been learnt deeper
and deeper. The archaeological investigations prove this region to be one of the ancient
settlementboth in South Caucasus and in the world.