56
bağları. Naxçıvan qəzasında üzüm bağları daha geniş sahələri əhatə edir. Qafqazda çox az yer olar
ki, Naxçıvanda olduğu qədər çoxlu və bol üzüm olsun. Burada özünün rənginə, böyüklüyünə, forma
və keyfiyyətinə görə 60 növdə üzüm vardır” (10, s.134). Şirinliyinə və tamlığına görə Naxçıvan
üzümü xüsusilə seçilirdi. Mənbələrdə yazılır ki, Ordubad şəhərinin Mingis və Üçtürləngə
məhəllələrində yaşayanlar əsasən üzümçülüklə məşğul olurdular. Qeyd edilir ki, Ordubad şəhərinin
yalnız bir həyatyanı ərazisində təqribən 92 hektar üzümlük var idi (1, s, 164).
Həmin mənbənin təhlilindən aydın olur ki, müxtəlifliyinə görə bu növ üzümlər yerli adlarla
adlandırılırdı. Məsələn: zeyni, xəlili, kişmişi, haça-baş, əsgəri, səbzi, xərci, misqalı, şir-şiri, təbərzə,
kərim-kəndi, qulama və s. Ağ, qara, qırmızı, çəhrayı, yaşıl, göy, açıq sarı, sarı rəngli üzümlər bu
qəbildəndir. Rus müəllifi yazır ki, bunların içərisində şirniyyat və ya çərəz üçün ən yaxşısı əsgəri
üzümüdür, haça-baş adlı üzüm növünü isə qışadək saxlamaq mümkündür. Bundan əlavə
topladığımız etnoqrafik materialları əsasında onuda qeyd edə bilərik ki, qışa qalan üzüm
sortlarından biri də hənəqırnadır. Bu üzün növünü milağ üsulu ilə uzun müddət qışa saxlamaq
mümkün olmuşdur. Rus mənbələrinin müqayisəli təhlili XIX əsrin axırlarında Naxçıvan şəhərində
üzümlük və üzüm sahələrinin yerləşdiyi ərazilərin artdığını söyləməyə əsas verir. Qafqazşünas R.N. İva-
nov 1840-cı ildə Naxçıvan şəhərində 50 desyatin, 1850-ci ildə 84 desyatin, 1866-cı ildə isə artıq 400
desyatin ərazidə üzüm bağlarının salındığının xəbər verir.
Rus hakimiyyəti zamanında kəndlilər bağ və bostanlardan yığılan məhsulun hər puduna və
mülkədarın xeyrinə 40 qəpik ödəyirdilər (12, s. 65). Ən çox ehtiyac duyulan məhsul meyvə qurusu
olmuşdu. Ordubadın quru meyvəsi yerli bazarda aşağıdakı qiymətə satılırdı: 1-ci növ əriyin bir
batmanı 1 gümüş manata, 2-ci növ ərik 50 gümüş qəpiyə, bir batman albuxara 1 manat 60
qəpiyə idi
(9, s. 197). Akademik T.Bünyadov yazır ki, Ordubadlılar XX əsrin əvvəllərində hər il 15 min pud
ərik qurusu satardılar (2, s. 93).
XIX əsrin sonlarında Ordubadda bağçılıq yüksək inkişaf səviyyəsinə çatmışdı. Bu arxiv
naterialları və mənbələrdəki rəqəmlərni müqayisəsi zamanı özünü göstərir. 1869-cu ildə burada
bağların salındığı sahə-4000 desyatin (4360 ha) ərazini əhatə edirdi. Halbuki 30-cu illərdə bu
ərazilər üzümlükər və tut bağları ilə birlikdə cəmi 300 desyatin (327 ha) idi. Göründüyü limi 30-40
il ərzində, 1830-1860-cı illərdə Ordubadda bağların əkildiyi ərazi 13 dəfə genişləndirilmişdir.
Bundan başqa öyrənilən dövrdə bağların sayı da artmışdı. Əgər XIX əsrin 40-50-ci illərində
Ordubadda 335 bağ var idisə, artıq 60-cı illərdə onların sayı 470-i ötüb keçirdi. Göstərilən
yüzillikdə bağçılığın bu cür sürətli inkişafı Ordubad şəhərini nəinki Azərbaycanda, habelə Qafqazda
və Şərqdə də məşhurlaşdırmışdı.
Əkinçilik mədəniyyətindən bəhs edərkən suvarma sistemini də qeyd etmək məqsədə uyğun
olardı. Suni suvarmaya əsaslanan Naxçıvan diyarında mühüm mənbə çay suvarma sistemi hesab
olunurdu. Çaylardan əkin sahələrinə suyu arxlar vasitəsilə aparılardı. Bunun üçün çaylardan ana
arxlara suyun verilməsi üçün dəhnələr tikilmiş, bəndlər çəkilmişdir. Ş.Quliyev yazır ki, bu işlər,
yəni bənd çəkmək, dəhnə tikmək ağır və çətin olduğu üçün bu işlər həmişə birgə görülərmiş. Çünki
coşqun və sürətli axan çayların əkinçilər tərəfindən ram edilməsi böyük qüvvə, ustalıq və bacarıq
tələb edirdi. Ona görə də bənd çəkmək və dəhnə tikmək prosesi birgə əməyin, əkinçilərin kollektiv
əməyinin nəticəsi olmuşdur (6, s. 25).
Naxçıvan şəhərində Naxçıvançayından suvarma məqsədi ilə geniş istifadə edilmişdir. Bəhs
olunan şəhərlərdə suvarma zamanı kəhrizlərdən, çeşmələrdən, bulaqlardan və arxlardan istifadə
edirdilər. Naxçıvan mahalında istər şəhərlərdə, istərsə də kənd yerlərində suyun bölüşdürməsi ilə
məşğul olan adama mirab deyərdilər. Mirablar maaş əvəzinə hər xış üçün ya 15 batman buğda , ya
da yarım batman pambıq alırdı. Bundan əlavə, Naxçıvan çayının suyundan istifadə edən kənd
əhalisi şəhər mirabına natura şəkilində “hədiyyələr” verirdi (7, s. 86). V.Qriqoryev bu hədiyyələrin
əsasən qoyun, taxıl və digər ərzaq növlərindən ibarət olduğunu göstərir (9, s. 55). Digər rus müəllifi
şəhərdə suyu bölüşdürmək üçün səlahiyyətləri olan mirab və cuvarlardan bəhs edərək su
çatışmazlığı barədə yazırdı: “Şəhər boyu mövcud suyu paylaşdırmaq üçün onlara bütün
səlahiyyətlər verilmişdir. Çox vaxt mirablar üsyan edir. Müştərilərlə onlar arasında dava düşür və
haray-həşir qopur. Bu cür xoşagəlməz hallar suyu öz bağlarına, bostanlarına və təsərrüfatlarına
aparmaq istəyən şəxslərlə adi işçilər arasında da olur” (10, s. 119). XIX əsrin əvvəllərində baş verən
57
müxtəlif hadisələr (məs: Rusiya-İran müharibələri və s.) bölgə təsərrüfatının bütün sahələrinə, o
cümlədən əkinçilik təsərrüfatına da ciddi ziyan vurmuşdu.
Topladığımız etnoqrafik çöl materiallarına görə əkinə (taxılçılıqda) üç su verərdilər. Birinci
“torpaq” suyu, ikinci “xəkov” suyu, üçüncü “dənov” və ya “dən” suyudur. Bağçılıqda da digər
təsərrüfat sahələrində olduğu kimi əsas işlərdən biri də suvarmadır. Naxçıvnda bağların suvarılması
şübhəsiz ki, hər yerdə eyni qaydada olmamışdır, həmişə yerli şərait nəzərə alınmışdır.
Qeyd edək ki,
burada meyvə bağları il ərzində 3-4 dəfə suvarılır. Birinci su “xəkov” suyu adlanır ki, bu da əsasən
Novruzdan sonra verilir. İkinci su tumurcuq vaxtı verilir ki, bu da “çiçək” suyu adlanır. Bağçılıqda
çiçək vaxı su verilməz, əgər su verilərsə, bu çiçəyin tökülməsinə səbəb ola bilər. Üçüncü su
“çaqqala” suyu adlanır ki, əsasən mayın axırı, iyunun əvvələri çaqqala dövründə verilir. Ağaclardan
meyvələr yığıldıqdan sonra dördüncü su verilir ki, xalq arasında bu “can” suyu adlanır. Son su
“don” suyudur ki, bu suvarma işini də noyabrın axırları dekabırın əvvəlləri aparılır. Üzümçülükdə
isə bağlara 3, bəzən 4 cür su verərlər. 1-ci “buşqu” və ya “qayçı” suyu, 2-ci “gül” suyu, buna, həm
də “qora” suyu deyilir ki, bu sudan sonra üzüm başlayır qora qoymağa. 3-cü su isə “şirə” və ya
“xal” suyu, 4-cü su isə “don” suyu adlanır. Bəhs etdiyimiz təsərrüfat sahəsində də suvarma işlərində
günün müəyyən vaxtları rol oynayır.
Bütün bu qeyd etdiklərimizdən belə nəticəyə gəlmək olar ki, bəhs olunan dövrdə Naxçıvan
və Ordubad şəhərlərində əkinçilik təsərrüfatının demək olar ki, bütün sahələri geniş şəkildə
yayılmışdır. Bu təsərrüfat sahələri süni suvarma vasitələri ilə suvarılmışdır.
ƏDƏBİYYAT
1.
Babayev T. Ənənəvi əkinçilik və müasirlik / Naxçıvan bu gün: islahatlar perspektivlər. Bakı:
Nurlan, 2008 s. 163-173
2.
Bünyadov T. Mərd qalalar sərt qayalar. Bakı, Azərnəşr, 1986, 137 s.
3.
Çələbi E. Səyahətnamə (Azərbaycan tarixinə aid seçmələr), türk dilindən işləyən və şərhlərin
müəllifi Seyidağa Onullahi. Bakı, Azərnəşr, 1997, 92 s.
4.
Həsənov Ş. Naxçıvan tarixi-etnoqrafik fenomendir. Bakı, Xəzər
Universiteti, 2009, 224 s.
5.
İvanov R. Basqın. Bolşeviklərin sovet torpağı qədim Naxçıvanda azğınlıqları haqda acı
həqiqətlər. Naxçıvan: Əcəmi Nəşriyyat
Poliqrafiya Birliyi, 2009, 463 s.
6.
Quliyev Ş. Naxçıvanda ənənəvi suvarma əkinçiliyi // AEM, V buraxılış. Bakı, Elm, 1985, s. 18-
47.
7.
Rəhimov Y. Naxçıvan XIX əsr rus mənbələrində. Bakı, Elm
və təhsil, 2014, 180 s.
8.
Vəliyev M (Baharlı). Azərbaycan Bakı, Azərnəşr, 1993, 192 s.
9.
Григоръев V. Статистическое описание Нахичеванской провинции. СПб: 1833, 263 с.
10.
Никитин K. Город Нахичевань и Нахичеванский уезд / Сборник материалов для
описание местностей и племен Кавказа, вып.2, Тифлис, 1882, с.109-142.
11.
Пашаев А. Город Ордубад в XIX- начале XX вв. (историко-этнографические
исследование). Баку: Элм,1998, 200 с.
12.
Смирнов К. Материалы по истории и этнографии Нахичеванского края. Баку, Озан, 1999, 156 с.
ABSTRACT
Yashar Rakhımov
Asaf Orucov
SOME NOTES ABOUT THE AGRICULTURAL ECONOMY OF NAKHCHIVAN IN
THE 19
TH
-20
TH
CENTURIES
In the article it was studied the agricultural farm of Nakhchivan in the 19
th
-20
th
centuries
based on the sources and ethnographical materials. The agricultural economy of the region has been
investigated by using the works of Russian authors – V.Grigoryev, K.Nikitin, K.Smirnov, R.Ivanov.
It was determined that in the region the economy had been multifaceted and colorful during this
period. In the article it has been also touched upon the various incidents in the early of 19
th
-20
th