- 43 -
(Dərəbоğaz), Aracıq dağ (Хəzinədərə) və Nürgüt kəndi ətrafındakı subalp qurşaqlarda yayılıb.
Xarakterik yayıldığı ərazilər Şahbuz rayonunun Kükü kəndi yaxınlığında Dərəboğaz ərazisində və
Ordubad rayonunun Tillək meşəsi ətrafıdır.
Yayıldığı ərazilər və populyasiya sayı məhdud olduğundan təbii ehtiyatı azdır, ona görə də
Vulnerable – VU A3bc statusu ilə Naxçıvan MR-in Qırmızı Kitabına daxil edilmişdir ( ).
3. Valeriana alpestris Steven, 1817, in Mem. Soc. Nat. Moscou. V, 342 (1814), V. alpina
Adams, in. Weber et Mohr. Beitr., I, 45 1805, in F. Weber et D. Mohr., Beitr. Naturk. 1: 45, non
Vell. 1790. V. montana auct. non L.: Bieb. 1808, Fl. Taur.- Cauc. 1:25. V. capitata auct. non Pall.:
Ledeb. 1844, Fl.Ross. 2:435, quoad pl. cauc.; А. Гроссгейм, Флора Кавказа, IV, 49 (1934);
Определитель растений Кавказа, 257; В. Грубов, Флора СССР, XXIII, 607 (1958); V. montana
auct. Cauc. M. B., I, 25; Ledeb., II, 437, non V. capitata Ledeb., II, 436, pr. pl. cauc., non Pall.- Alp
pişikotu
Dəniz səviyyəsindən 1800-3100 m hündürlükdə rast gələn, çox və ya az dərəcədə sallaq,
çoxillik bitkidir. Kökümsovu silindrşəkilli, tünd-qəhvəyi-qonur rəngdə olub, əyilmiş yerində
çəhrayı-qırmızı rəngdədir və aşağı hissəsindən qaytanvari köklər çıxır. Kökboğazının ətrafındakı
rozet yarpaqlar enlidir, lakin mürəkkəb yarpağın əsasındakı yarpaqları dardır, ellipsvari,
yumurtaşəkilli, bəzən uzunsov-yumurtavaridir, kənarları bütöv, xarici tərəfdəkilər daha kiçik,
nisbətən enli olub, vaxtından əvvəl quruyurlar. Gövdə yarpaqları (1) 3 (5) cüt olmaqla, daha qısa
saplaqlı, uzunsov-yumurtavari, iti və ya küt uclu, dairəvi və ya qövsvari əsaslı, kənarları çox və ya
az dərəcədə dişcikli çıxıntılıdır (xüsusilə orta yarpaqlar). Xətvari quruluşdan, neştərşəkilli quruluşa
qədər dəyişən bütöv kənarlı (bəzən 3 yerə ayrılmış) 3 cüt yarpaqlar demək olar ki, oturaqdır.
Yarpaqların hamısının hər iki tərəfi daha çox aşağı (xüsusilə damarları ilə) saplaqları ilə birlikdə
yumuşaq, uzunsov tükcüklərlə örtülü olub, aşağıya sallanmışdır. Çiçək qrupu sıx, qalxanvari-
başcıqlıdır. Uc yarpaqları və çiçəkaltlığı qısa xətvari, uzun iti, kənarları pərdəşəkilli və kirpikli və
ya kirpiksizdir. Meyvələri uzunsovdur. Çiçək tacı (5) 6-7 mm uzunluqda, ağ bəzən çəhrayı rəngdə
olmaqla, qıfvari-boruşəkilli və ya tam boruşəkillidir. Meyvələri 4-5 mm uzunluqda, uzunsov, əsası
azca genişlənmiş, çılpaqdır. Uçmağa uyğunlaşan 12-16 cod tükcükləri meyvələrindən 1,4-2 dəfə
uzundur. VII-VIII aylar çiçəkləyir, VIII-IX aylar meyvə verir. Çохalması tохumla və
kökümsovladır. Hemikriptofit, Qafqaz coğrafi areal tipinə daxildir.
Ümumi yayılması Talışdan başqa bütün Qafqazda, Kiçik Asiyada Şərqi Anadoluda yayıldığı
göstərilir. Azərbaycanda Böyük Qafqazın (Quba rayonu) dağlıq ərazisi, Kiçik Qafqazın subalp və
alp qurşaqlarında, yüksək dağ çəmənlərində, yamaclarda, daşlıq yerlərdə. yayılmışdır. Naxçıvan
MR-də xarakterik yayıldığı ərazilər Şahbuz rayonunun Batabat zonası, Culfa rayonunda
Xəzinədərə, Ordubad rayonunda Tillək meşəsi və Nürgüt kəndi ətrafıdır.
4. Valeriana sisymbriifolia Vahl. Enum. Pl., II, 7 (1805); Boiss, III, 88, А. Гроссгейм,
Флора Кавказа, IV, 46 (1934), p. p.; А. Гроссгейм, Определитель растений Кавказа, 257;
Грубов, Флора СССР, XXIII, 617 (1958). - Şüvərənyarpaq pişikotu
Dəniz səviyyəsindən 1700-2500 m hündürlükdə rast gələn, çoxillik çılpaq bitkidir.
Kökyumrusu yoğundur, şaquli istiqamətdə inkişaf edərək silindrşəkilli olub, aşağı tərəfindən
daraqvari qalın qaytanşəkilli köklər çıxır. Kök boğazından çıxan gövdə düzgün sıralı, bir-birinə sıx
yerləşmiş, düz silindrvari olub, əksər hallarda göyümtüldür, (15) 30-50 (70) sm hündürlükdədir.
Yarpaqlarının hamısı ikiyə bölünmüş lələkvari, liraşəkilli, 3 - 4 (5) cüt yan seqmentlərdən və iri ön
yarpaqlarla qurtarır. Rozet yarpaqları uzun saplaqlıdır. Gövdə yarpaqları (2) 3-4 (5) cüt qısa
saplaqlı, gövdənin uc hissəsinə getdikcə kiçilir. Rozet və aşağı gövdə yarpaqların seqmentləri
yumuru, enli yumurtavari və ya yumurtavaridir. Əsasında zəif girintili-çıxıntılı, təpə hissədə dairəvi
və ya tam kənarlı küt, əksər hallarda dalğavari-dişcikli, bəzən isə ucu küt dişcikli, girintili-çıxıntılı
dişciklidir. Sonrakı yarpaqların seqmentləri yumurtaşəkilli və ya uzunsov yumurtaşəkilli olub,
ucdakı cüt (güclü kiçilmiş) yarpaqlar, ancaq 1-2 uzunsov yumurtavari cüt yan, nəştərşəkilli, bəzən
xətti seqmentləri və təpə yarpaqları yan yarpaqlardan nisbətən böyükdür. Çiçək qrupu başcıqlı-
qalxanvari olub, meyvə vermə zaman daha çox kövrək olurlar. Uc yarpaqlar və çiçəkaltlığı uzun,
nizamlı, küt və ya itidir. Pərdəşəkilli, orta xətt boyunca yastı qəhvəyi, uzunluğu meyvəsinin
uzunluğuna ya bərabər və yaxud onlardan qısadır. Çiçək tacı 6-7 mm uzunluqda, ağımtıl rəngdə,
- 44 -
borulu-zəngşəkilli, borucuğu büküm yerindən iki dəfə uzundur. Meyvələri 5 mm-ə qədər uzunluqda
olub, uzunsov-yumurtavaridir, dairəvi əsasından genişlənmiş, açıq-qəhvəyi, sallaq, az hallarda
demək olar ki, çılpaqdır. V-VII aylar çiçəkləyir, (VI) VII-VIII aylar meyvə verir. Çохalması
tохumla və kökümsovladır. Hemikriptofit, Şərqi Aralıq dənizi coğrafi areal tipinə daxildir.
Ümumi yayılması Qafqaz, Kiçik Asiya, Orta Asiya (Türkmənistanın dağlıq yerlərində) və
İranda qeyd edilmişdir. Azərbaycanda Naxçıvanin dağlıq yerlərində. Diabar - Talış ərazisində aşağı
dağlıq qurşaqdan subalpa qədər əhəngdaşı qayalıqlarda və quru daşlı yamaclarda yayılması.
Naxçıvan MR-də xarakterik yayıldığı ərazilər Şahbuz rayonunun Keçili zonası, Culfa rayonunda
Xəzinədərə, Ordubad rayonunda Soyuqdağ ətəkləri və Nəsirvaz kəndi ətrafıdır.
5. Valeriana officinalis L., Sp. pl., 31 (1753); Boiss., III, 89; А. Гроссгейм. Определитель
растений Кавказа, 257; Грубов во Флора СССР, XXIII, 625 (1958). p. p. – V. nitida Kreyer в
Бот. матер. Герб. Гл. бот. сада РСФСР, V, 192 (1924); в Тр. по прикл. бот.,ген. и сел., XXIII, I,
202, (1930); ; А. Гроссгейм, Флора Кавказа, IV, 46 (1934). – V. palustris Kryer, I. c., 192; I. c.,
145 (1930); А. Гроссгейм, I. c., 46 – V. provisa Kreyer в Тр. по прикл. бот.,ген. и сел., XXIII, I,
143, (1930) – Dərman pişikotu
Dəniz səviyyəsindən 2000-2500 m hündürlükdə rast gələn, çoxillik bitkidir. Kökümsovu çox
qısalmış, mixəyi rəngli, bəzən aydın olmayan rənglidir. Sıx dəstələrdən ibarət qaytanşəkilli kökləri
yeraltı cavan zoğlar əmələ gətirmir. Gövdəsi düzqalxan, şırımlı, sadə, aşağı hissəsi çox və ya az
dərəcədə qısa və sərt tükcüklüdür. Hündürlüyü (45) 60 – 120 (160) sm-ə çatır. Kök boğazından
əsasən cüt olmayan uzun lələkvari rozet yarpaqlar çıxır. Gövdə yarpaqları saplaq üzərində (4) 5 – 6
cüt təklələkvari bölünmüş, (5) 6-9 cüt neştərşəkilli və ya xətvari-neştərvari, az mişardişli, bəzən
kənarları tam iti seqmentli olmaqla, gövdənin ucuna getdikcə kiçilmişdir. Təpədəki oturaq
yarpaqları nəzərəçarpacaq dərəcədə kiçilmişdir. Yarpaqların seqmentləri çox qısa, sıxılmış sərt və
ya yarımsıx-tükcüklü, bəzən çılpaq, kənarları qısa kirpiklidir. Oturaq yaraqların aşağı tərəfi, daha
sıx və ya azca şişkin olub, uzununa qamarlanmışdır. Çiçək qrupu iri, süpürgəvari-qalxanşəkillidir.
Uc yarpaqları və çiçəkaltlığı uzunsov və ya iti uzunsov-neştərşəkilli, bəzən sivri, kənarları
pərdəşəkilli, bəzən çox və ya az dərəcədə uzunsov kirpiklidir. Çiçək tacı 5 mm uzunluqda,
zəngvari-boruşəkilli, çəhrayı və ya ağımtıl rəngdədir. Erkəkcik və sütuncuq çətirdən çıxır.
Meyvələri 3 mm uzunluqda, uzunsov yumurtavaridir, sıxılmış, hər iki tərəfdən sallaq və ya ancaq
bir tərəfə sallanır. Tam çılpaqdır. Uçmağa uyğunlaşan 10 ədəd cod tükcükləri meyvələrin
uzunluğuna bərabər və ya ondan azca uzundur. V-VIII aylarda çiçəkləyir, VII-IX aylarda meyvə
verir. Çохalması tохumla və kökümsovladır. Hemikriptofit, Avropa-Sibir coğrafi areal tipinə
daxildir.
Şimali Amerika, Avropa, Yaponiya, Çin, Skandinaviya ölkələrində, Altayda, Aralıq dənizi,
Balkanlar, Türkiyə Respublikasında, Monqolustanda, Qafqazın bütün rayonlarında qeydə
alınmışdır. Azərbaycanda Böyük və Kiçik Qafqazın aşağı dağ qurşağından subalpa qədər, meşə və
kolluqlarda, çay sahillərində, subalp çəmənlərdə rast olunur. Naxçıvan MR-də yalnız Culfa
rayonunun Xəzinədərə ərazisində, Aracıq dağı ətəyindən toplanılmışdır. Yayıldığı ərazilər və
populyasiya sayı məhdud olduğundan təbii ehtiyatı azdır, ona görə də Vulnerable – VU A3bc
statusu ilə Naxçıvan MR-in Qırmızı Kitabının yeni nəşrinə daxil edilməsi məqsədəuyğundur.
Rəsmi dərman bitkisidir. Dərman pişikotunun çoxsayli kökləri olan kökümsovundan istifadə
olunur. Tərkibində: valerian efir yağı, mürəkkəb tərkibli 0,5-1 5-dən 4 %-ə qədər quru kütlə,
valerian, sirkə, qarışqa və digər turşular, valerian alkaloidləri, xatini və digər maddələr. Spirtli, efir-
spirtli tinkturasından (“Valerian damcısı”), sulu ekstraktından, spirtli ekstrakt həlimindən sinir
oyanmasında sakitləşdirci, sinir mənşəli ürək döyüntülərində, isteriya, yuxusuzluq və digər hallarda
istifadə edilir.
Dostları ilə paylaş: |