39
qərarlar qəbul edən strukturlardır. Burada daha çox ali və mərkəzi hakimiyyət
strukturları qərarlaşır. Lakin yerli icra və məhkəmə həmçinin qanunvericilik
strukturları (yerli qanunverici məclislər) strukturları da özlüyündə siyasət
strukturlarıdır. Çünki onlar ali və mərkəzi hakimiyyətin siyasətini icra etməklə
yanaşı, yerli səviyyədə də öz səlahiyyətləri çərçivəsində siyasət müəyyən edə
bilirlər. Bu kateqoriyaya yerli bələdiyyə idarəçiliyini də aid etmək olar. Bu
baxımdan da siyasət strukturları ali, mərkəzi (ixtisaslaşmış sahələr üzrə) və
yerli olurlar.
İ
nzibati strukturlar nədir. Ə
slində bu strukturlar elə siyasət
strukturlarının tərkibində olurlar. Siyasət strukturlarının fəaliyyətini həyata
keçirən daxili strukturlardır. Elə siyasət aparatlarının işi (prezident
administrasiyasının, hökumət administrasiyalarının, qanunverici və məhkəmə
administrasiyalarının) həm də inzibati məzmunludur. Çünki hər ikisində
bürokratik və pilləli idarəçilik mövcudur. Siyasət aparatlarının pilləli fəaliyyəti
özlüyündə inzibati məzmunludur. İnzibati strukturlar ali, mərkəzi və yerli
idarəetmə aparatlarının işini təşkil edən administrativ (burada sənədlərin
təşkili və dövriyyəsinə rəhbərliyi həyata keçirmək və icra fəaliyyətini həyata
keçirmək) fəaliyyəti təmin edirlər. Bura qərar layihələrinin hazırlanması
(siyasi qərarlar da daxil olmaqla), qərarların icrası, təsərrüfat və kargüzarlıq
işləri aid olur. İnzibati idarəçilik öz xarakterinə görə daha çox “məmur
idarəçiliyi”
mənasını verir. İnzibati struktur siyasi strukturun həm də
tabeçiliyində olan aşağı strukturdur. İnizibati struktur siyasi strukturun
daxilində olmaqla, onu daxilən tənzimləməklə bərabər, həm də şaxələndirən
strukturdur.
Pozitiv siyasət
İ
nsanlar bütün hərəkətlərini maraqlarının müdafiəsinə istiqamətləndirirlər.
Maraqların təmin olunması enerji ilə təminat məsələsini əks etdirir. Maraqların
müəyyən koordinatlarda təmin olunması sabitliyin əsaslarını yaradır. Sabitlik
“doymalardan”, razılıqlardan, yüksək təminatlardan meydana gəlir. Tərəflərin
qane olması, razılaşdırılması məhz sabitliyin əsaslarını meydana gətirir. Bu
baxımdan da dövlət sabitliyi təmin edən əsas qurum rolunu oynayır. Dövlət
insanların sosial maraqlarını təmin edən təbii bir qurumdur. Sosial maraqları
təmin etmək məqsədilə dövlət çoxtərəfli fəaliyyət göstərir. İqtisadiyyat təşkil
edir, texniki vasitələr yaradır və onların istifadəsi üsullarını həyata keçirir.
Dövlət özü pozitiv məqsədlər üçün təşkil olunur. Dövlət ümumən pozitiv
vahidlərdən ibarət olan bir təsisatdır. Dövlətin idarəçilik strukturları da ayrı-
ayrı sahələrdə və istiqamətlərdə pozitiv maraqları təmin etmək funksiyasını
həyata keçirir. Əslində siyasətin müsbət mahiyyəti onun pozitiv məzmununda
meydana gəlir. Pozitiv siyasət maraqları tamamlayan aktlardan ibarətdir.
Dövlətin fəlsəfi mahiyyəti pozitivlikdədir ki, bu pozitivlik də onu deməyə əsas
40
verir ki, siyasət faydaverici əsaslarla həyata keçirilsin. Dövlət ümumən
resursları özündə cəmləşdirən bir bütövdür. Dövlətin pozitiv siyasəti mövcud
və gələcək zamana hesablanır. Bu baxımdan da resursları özündə cəmləşdirən
fondlar, ehtiyat bazaları yaradır. Dövlət bir tərəfdən material ehtiyatlar
bazalarını yaradır, digər tərəfdən də maliyyə vəsaitləri bazalarını təşkil edir.
Dövlət həm də ona görə pozitivdir ki, nizamlama funksiyasını yerinə yetirir.
Hər bir məqam üçün sərhədləri müəyyən edir. Bu funksiya da özlüyündə
nizamlamanı təşkil edir. Dövlətin pozitiv mahiyyəti təminat və müdafiə
funksiyalarını təmin etməkdən ibarətdir.
Pozitiv siyasət fəlsəfi düşüncələrini bu kimi istiqamətlərdə
ümumiləşdirmək olar:
-pozitiv siyasət əxlaqa söykənən bir siyasətdir;
-pozitiv siyasət ümummənafe zənginliyini və onun daxilində fərdi
mənafeni müdafiə edən siyasətdir;
-pozitiv siyasət sosial firavanlığa xidmət edən, bu istiqamətə yönələn
siyasətdir;
-pozitiv siyasət dövlətin xalqa xidmətlərini istiqamətləndirən siyasətdir;
-pozitiv siyasət xalq və dövlət vəhdətini müəyyən edən siyasətdir,
aktlardır;
-pozitiv siyasət öz obyektində xalq tərəfini müəyyən edən siyasətdir;
-pozitiv siyasət dövləti və cəmiyyəti qoruyan və vəhdətləşdirən siyasətdir;
-pozitiv siyasət dövləti xalqa və cəmiyyətə yaxınlaşdıran siyasətdir;
-pozitiv siyasət tarazlı siyasətdir və payların ədalətli bölgüsünə əsaslanan
siyasətdir;
-pozitiv siyasət sosial ədalət prinsiplərini özündə müəyyən edən
siyasətdir, aktlar toplusudur;
-pozitiv siyasət dövlətin real və ideal məzmununu özündə əks etdirən
siyasətdir;
-pozitiv siyasət dövlətin ədalətli quruluşunu özündə ehtiva edən və dövlət
quruluşunu layiqli xidmətlərə yönəldən aktlar məcmusudur və s.
Siyasət və əxlaq
Dövlət özü bir ictimai qurum olaraq sosial əxlaqın nəticəsi kimi
yaranmışdır. İctimai razılıq da elə sosial əxlaqdan meydana gəlmişdir. İnsanlar
dövləti yaratmaqla həm də öz əxlaqlarının qorunması üçün dayaq vasitəsini
meydana gətirmişlər. Dövlətin təşkili mədəniyyətin yüksəlməsinə səbəb
olmuşdur. Dövlət sivilizasiya qurumudur və yaşayışın nizamlı əsaslarını öz
daxili mənasında əks etdirir. Dövlət əxlaq qurumudur, çünki mənəvi əsasları
da özündə cəmləşdirir. Əxlaq qurumu olduğundan da ali dəyərə malikdir.
Dostları ilə paylaş: |