115
Rusiyanın gələcəyi haqqında
Bu əsrin sonuna qədər dünyanın ən güclü dövləti Rusiya
olacaqdır. Rusiya Avrasiyanı “soran” bir mərkəz rolunu
oynayacaq. Bu baxımdan da öz passiv resurslarını aktiv-
ləşdirəcək. Bu gün Rusiya müqayisədə hələ passivdir. Ancaq
ən böyük passiv enerji mənbəyidir. Demək mümkünsə, hələ
xamdır, xammal mənbəyidir.
Rusiyanın bu əsrdə güclənmə səbəbləri:
-türk dünyası ilə yaxınlıq;
-müsəlman aləmi ilə yaxınlaşma:
-Avropadan
və Qərbin digər dünyasından soyuq
qarşılanmaq. Bunun səbəbində özünüdərkin güclənməsi və
passivliyin aktivliyə keçməsi baş verir;
-milli məkanın aktivləşməsi və ətrafı cəlb etməsi;
-Avro-Asiya məkanında yerləşməsi(mədəni amillər);
-elmi potensialın güclü olması;
-Postsovet məkanı ilə sərhədlənməsi;
-güclü iqtisadiyyatın yaranma amili;
-makro iqtisadi mərkəzlərin yaranacağı amili;
-xalqın hərbi xarakteri;
-vətən ruhunun güclü olması;
-Avropa İttifaqının dağılacağı və slavyanların yenidən
Rusiya mərkəzində cəmləşəcəyi amili;
-Çin amilinə qarşı Türk dünyası ilə yaxınlaşmaq zərurəti-
Türk dünyası Rusiya üçün Çinlə arada yastıq rolunu oynayır;
-miqrantlar hesabına əhalinin artacağı amili və s.
Yazılma tarixi-23 mart 2017-ci il
116
Hadisələrə olan mövqenin çəkisi
Əsaslı tənqidin çəkisi və dəyəri saxta tərifin çəki və
dəyərindən daha üstündür. Buna görə də obyektiv tənqidlə
yaşamaq daha yaxşıdır. Stereotiplələrə barışmaq düzgün deyil.
Yazılma tarixi-24 mart 2017-ci il
Təkallahlılıq və vəhdət inancı barədə
Bəşəri (vahid və universal insan) tələblər və dəyərlər
təkallahlılıq inancını ortaya qoyur. Mədəniyyət elementləri,
identifikasiya elementləri çoxdur, buna görə də inanclar da
çoxluq təşkil edir. Allahın bir (tək) olması onu deməyə əsas
verir ki, insanlar öz daxillərində inancları birləşdirsinlər. Bu
baxımdan bütün dinlərə hörmət lazımdır. Ən əsası inancın
bəşəri məzmunudur. Allah bir olduğundan bütün dinlər bir
insanda cəmləşə bilir.
Yazılma tarixi-24 mart 2017-ci il
Kollektiv idman və biz
Hal-hazırda Almaniya ilə Azərbaycan oyunu gedir:
-kollektiv idmanın böyük nailiyyətləri bizim ruhumuza
uyğun deyil; çünki biz ictimai yox, fərdi ruhlu eqoistik. Bizdə
az-çox güləş, boks, ağırlıq qaldırma və bu kimi idman növləri
inkişaf edə bilər;
-azarkeşlik mədəniyyətimiz zəifdir; stadionda kütləvi
olaraq geyinilmiş uniformalar və digər görüntü vasitələri
görünmür;
-qadın azarkeşlər çox güman ki, azlıq təşkil edir;
117
-azarkeşlik üçün idman mahnıları yoxdur ki, kollek-
tivcəsinə oxunsun; ancaq fitə basmağı bacarırıq;
-çoxumuzun əyin- başı qara rəngdədir.
Rayonlarımızda idmançı qızlar yetişdirmək olar!? Hər cür
şərait yaradılsa belə mümkün deyil!
Yazılma tarixi-26 mart 2017-ci il
Biz komanda oyunlarını bacarmırıq
Biz futbol, voleybol, basketbol, həndbol, otüstü hokkey,
buzüstü hokkey, kollektiv üzgüçülük və digər komanda
oyunlarında sadəcə olaraq daha çox imitasiya ilə məşğul
oluruq. Biz bu kimi sahələrdə orijinal idmançı ola bilmərik.
Özümüzü aldatmayaq. Əgər orijinallıq olsaydı, indi müsəlman
ölkələri olimpiadalarda və dünya çempionatlarında, digər
yarışma formalarında uğurlar qazanardılar!
Yazılma tarixi-26 mart 2017-ci il
Musiqi və sarsılan, əzilən, kövrəkləşən ruhumuz
Muğam, segah və digər ağlaşmalar, həmçinin seriallar və
hind filmləri türk dünyasını ağlar qoyub. Mərdliyini əlindən
alıb. Tam yumşaldıb, passivləşdirib
Yazılma tarixi-27 mart 2017-ci il
Avropalıyıqmı?!
Mənə elə gəlir ki, Azərbaycanda iki əsas saxta şüar var:
-Biz avropalıyıq;
-Biz idman ölkəsiyik.
Siyahını uzatmaq olar.
Yazılma tarixi-28 mart 2017-ci il
118
Zərurətlər və mütləqlər barədə
Belə qəbul edək ki, zərurətlər içində zərurətlər var. Bunlar
da mütləqlərdir. Təsadüflər isə qeyri-müəyyən mütləqliyə
keçən zərurətdir. İnsanlar bütünlükdə dəyişən və yeniləşən
mütləqlərlə rastlaşırlar. Hər zərurət təsadüf kimi görünür.
Əslində isə hadisələr mütləqdir; çünki hər şeyi mütləq idarə
edən Allah var!
Yazılma tarixi-30 mart 2017-ci il
Bəşəri sevgi barədə
Dünyanı sevən özünü və xalqını daha yaxşı sevər. Çünki
dünyanı sevmək böyüklük əlamətidir. Dünyanı sevmək fərdi
eqoizmə zərbə vurur. Milli özünüdərki isə zənginləşdirir.
Yazılma tarixi-31 mart 2017-ci il
Allaha sevgim
Mən içimdə həm də xristianam. Müsəlmanam, həmçinin
slavyanlardanam. Özümü belə hiss edirəm!
Yazılma tarixi-31 mart 2017-ci il
İnsan dünyaya açılmalıdır
İnsan özünü dəyərləndirmək istəyirsə, həmçinin milli
məkandan xaricə çıxmalıdır. Başqa cəmiyyətlərlə təmas
insanda özünü sübutu yaradır. İnsanı ayıldır və daha dəqiq edir.
Yazılma tarixi-31 mart 2017-ci il
Dostları ilə paylaş: |