downloaded from KitabYurdu.org
VII
* * *
-
Əmin oğlanlan sənə əl tutmur?
-
Nə əl tutacaqlar? Hərə özünü güclə dolandırır.
-
Niyə? Nəcməddin axınncı dəfə gələndə sənə pul vermədi?
-
Yox, balamın canı üçün.
-
Bəs Mikayıl üçün nə qədər gətirmişdi?
-
Bilmirəm, vallah!
-
Bilmirsən? Elə şey olmaz! Yaxşı fikirləş.
Ağasəməd guya bir az fikirləşdi.
-
Balamın canı üçün bilmirəm. Mən hardan bilim?
Mayor Seyidov əsəbi halda çənəsini ovuşdurub nəsə demək
istəyirdi ki, baş müstəntiq növbəti sualını verdi:
-
Sentyabrın 14-ü axşamı Mikayılgilə getmisən?
-
Bəli, getdim. Ancaq yatmışdılar.
-
Necə yəni yatmışdılar? Əməlli danış görüm.
-
Uşaqlar yatmışdı. Biz də yatmağa hazırlaşırdıq. Bayırda da bərk
leysan tökürdü.
Gördüm ki, siqaretim qurtarıb. Yadıma düşdü ki, günorta Mikayıl
küçədə Tofiqə dedi ki, səhər gəl məni evdən götür. Şəhərə gedəcəm.
Dedim, Mikayıla
pul verim, səhər mənə siqaret alsın.
-
Məgər pulu səhər verə bilməzdin? - Təhməzov onun sözünü
kəsdi.
-
Səhər maşın kənddən tez çıxır axı. Mən bir az gec dururam.
-
Yaxşı! Danış!
-
Mehman müəllim bilir, bizim ev kəndə girəndə sağda ikinci
evdir. Elə məktəbə gələn küçəyə yaxmam. Tini dönən kimi də
Mikayılın evidir. Yüyürüb tini buruldum.
-
Niyə yüyürürdün?
-
Yağışa görə...
-
Hə, sonra?
-
Bu vaxt Təranə ilə üz-üzə gəldim. Mikayılgildən gedirdi.
Başdan-
ayağa su içində olduğu üçün hələ zarafat da elədim, dedim, əmi qızı
bu nədi islanmış cücəyə dönmüsən, başına yaylıq örtə bilmirsən? Dedi
hara gedirsən, dedim ki, Mikayılgilə. Dedi nə var bu gecə vaxtı,
downloaded from KitabYurdu.org
downloaded from KitabYurdu.org
VII
* * *
yatırlar. Dedim zərər yoxdu, söz deyib qayıdıram. Sonra ondan ayrılıb
Mikayılgilin həyətinə girdim.
-
Darvaza bağlanmamışdı?
-
Yox. Yəqin yadlarından çıxmışdı. Həm də mal-qara yox həyətdə.
-
Bəlkə Tofiqə görə açıq qoyublar, axı səhər tezdən Tofiq ora
gəlməli idi? - mən fikrimi bildirdim.
-
Sonra? - Təhməzov özünə yaraşmayan səbirsizliklə soruşdu.
-
Evin işığı yanmırdı. Bir-iki ağız Mikayılı səslədim. Cavab
vermədilər. Dedim ya yağışa görə eşitmirlər, ya da yataqlarına
girdiklərinə görə cavab vermirlər. Daha orada dayanmayıb evimə
qayıtdım.
-
Elə bu? Başqa sözün yoxdur? - Mayor Seyidov açıq-aşkar istehza
ilə soruşdu.
-
Başqa nə sözüm olacaq? Nə olubsa, dedim.
-
Çıx bayırda gözlə!
Mən yazdığım protokolu Ağasəmədə göstərib qol çəkdirdim.
Ağasəməd dəhlizə çıxdı. Mirağa müəllim də qalxıb:
-
Gedim, tapşınm, çay gətirsinlər! - dedi və otaqdan çıxdı.
Seyidov qapıya baxıb dalğın halda dilləndi:
-
Mənim bu Ağasəməddən gözüm su içmir. Şöbəyə aparmaq
lazımdır. Sözə bax! Çağırdım cavab verən olmadı. Pul məsələsini də
Paşa bundan eşitmişdi. Ancaq gördünüz, boynuna almadı.
-
Bilirsiz, - dedim. - Ola bilər ki, Mikayılgil yorğun olublar.
Təranəni yola salan kimi işığı söndürüb yerlərinə giriblər. Ağasəməd
çağıranda səsini tanıyıb dinməyiblər. Fikirləşiblər ki, o da bir-iki saat
oturub onları bezikdirəcək. Ağasəmədin o evdə hörməti olmayıb. Axı
Təranə
də deyib ki, getmə, yatmaq istəyirlər. Ya da,
Ağasəməd özü deyən kimi - yağışın səsindən eşitməyiblər.
Mayor Seyidov təəccüblə mənə baxdı:
-
Mehman, yerlərinə giriblər sözünü necə işlədirsən? Özün
görmədin ki, Mikayılgilin yataqları yığılmış şəkildə idi? Sonra da ki,
Ağasəməd evə girməyibsə, bəs necə olub? Onları kim öldürüb?
Təranə? Ya bəlkə Ağasəməddən sonra da kimsə gəlib ora? Mən bayaq
downloaded from KitabYurdu.org