downloaded from KitabYurdu.org
VII
* * *
susandan sonra: -
Dərsləriniz çətindi? - deyə gözlənilmədən soruşdu.
-
Elə də yox... - Təranə sakit cavab verdi.
-
Harada qalırsan? Yataqxanada?
-
Yox. Xalamgildə.
-
Dur gedək. Sonra xalan narahat olar.
Qızı xalasıgilə qədər ötürdü. Yataqxanaya
qayıdanda Oqtay artıq dünyaya başqa nəzərlərlə baxırdı. Sən demə bu
dünyada
yaşamaq nə gözəl şey imiş, ilahi!
Sən demə var-dövlət, hakimiyyət, hətta cansağlığı da ikinci
dərəcəli əhəmiyyətsiz şeylər imiş insan üçün. Bu məhəbbət nə sirli
qüvvə imiş ki, birdən birə insanın gözündə hər şeyin mahiyyətini
dəyişməyə qadirdir?!
O gündən tez-tez görüşməyə başladılar. Aralarında intim
münasibətlər başlanandan sonra isə Oqtay Təranəsiz bir yerdə qərar
tuta bilmirdi. Təranə özü də Oqtaysız qalan kimi darıxır, daha çox bir
yerdə olmağı təklif edirdi.
Nəhayət, yay tətilində kənddə olanda nişanlandılar. Deyəsən
Təranənin anası Dürdanə arvadın onların Bakıdakı macəralarından
azacıq da olsa xəbəri var idi. Bacısı demişdi. Odur ki, Dürdanə ərini
tezliklə razı saldı və qızın xeyir- duasını verdilər.
Artıq Oqtay ikinci, Təranə isə üçüncü kursa keçmişdilər. Təranə
Oqtayla görüşəndə bildirdi ki, onlan Kürdəmirə pambıq yığımına
aparacaqlar. Bəlkə də bir aylığa. Oqtay tamam məyus oldu. Ona elə
gəldi ki, bir ay, bir ay kimi yox, on il kimi keçəcək. Onsuz da yay
tətilində çəkdiyini çəkmişdi. Atasından və qardaşından çəkinən
Təranə kənddə tez-tez görüşməyə razı olmamışdı. İndi də belə. Özü
də kənd başqa, kənar yer başqa. Onda Oqtay qismən arxayın idi ki,
Təranə öz evlərindədir. İndi isə yoldaşları ilə çölün düzünə gedirlər.
Allah bilir kimlər olacaq orada. Yazıq Oqtay qısqanclıqdan az qalırdı
ki, dəli olsun. Ancaq bu yandan da özü dərsi atıb Təranə ilə gedə
bilməzdi. Onsuz da qayıbları çox idi. Keçən il belə qayıblann üstündə
ona töhmət də vermişdilər.
downloaded from KitabYurdu.org
downloaded from KitabYurdu.org
VII
* * *
- Əşi, cəhənnəmə ki! heç
nə olmaz, gedəcəm onlarla!
Oqtay qəti qərarını Təranəyə də bildirdi. Təranə sevindi.
- Nə olar? Uşaqlarımızın çoxu bilir ki, nişanlımsan.
Oqtay Təranəgillə Kürdəmirə yola düşdü. Bir aya yaxın orada
Təranə ilə oldu. Nə havanın istisi, nə də ağcaqanadların həyasızlığı
gözünə görünmürdü. Dünyada hər şeyi unutmuşdu.
Qayıdanda isə bütün çəkdiyi ləzzət gözündən gəldi. İnstitutdan
qovulmağı haqqında əmr yazılıb divara vurulmuşdu. Dekana,
komsomol katibinə nə qədər yalvardısa da bir şey çıxmadı. - Bizlik
deyil, rektora de! - deyib başdan elədilər. Bakıda bir ağızlı adamı da
yox idi ki, ona həyan olsun. Beləliklə əzab-əziyyətlə qazandığı tələbə
adından məhrum oldu. Bunu eşidəndə Təranə də çox təəssüfləndi.
-
Bəs indi nə edəcəksən? - deyə soruşdu.
-
Burada iş tapıb işləyəcəm. Sən məktəbi qurtarana kimi. Sonra
kəndə gedərik.
Təranə könülsüz dilləndi:
-
Nə deyirəm?..
Zavodda iş tapan Oqtay Təranə ilə indi ancaq axşamlar görüşə
bilirdi. O bu görüşləri elə səbirsizliklə gözləyirdi ki, iş günü onun
üçün əsl cəhənnəm əzabına çevrilirdi.
Axır ki, Təranə məktəbi bitirdi və Oqtay da işdən çıxıb kəndə
qayıtdı. Toy edib evləndilər. Oqtay rayonun yol idarəsində traktorçu
kimi işə düzəldi. Hələ əsgərlikdə olanda oxuyub traktorçuluq vəsiqəsi
almışdı. Əvvəl heç Təranənin həkim məntəqəsində işləməsinə razı
deyildi.
-
Düzdür, mən məktəbi qurtara bilmədim. Ancaq daşdan da olsa,
pul çıxarıb sənin bütün arzularını yerinə yetirəcəm. Sən işləməsən də
olar. Niyə görə yad kişilərə iynə vurasan. Nə bilim qan təzyiqin
ölçəsən?
-
Yenə qısqanırsan? - Təranə gülüb soruşmuşdu.
-
Sən mənim üçün elə müqəddəs, elə qiymətli varlıqsan ki, vallah
əlinin kiməsə toxunmağına razı ola bilmirəm. Bundan ötrü məni
qınama!
downloaded from KitabYurdu.org