Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org VII olmayıb, nə tez yatırsız?» - dedi. Mən divar saatına baxıb gördüm ki, 11-ə 27 dəqiqə işləyib, dedim, nə danışırsan, 11-in yarısıdır, həm də yatmayıb neyləyəcəyik, iş yox-güc yox! - Sonra? - Təhməzov sual verdi. - Sonra Əminə yemək hazırladı. Oturub gecəyə kimi söhbət etdik. Duranda dedi ki, daha saat ikiyə işləyir, mən gedim. Doğrudan da artıq 2-yə 5 dəqiqə işləmişdi. Kamili yola saldım, çıxıb getdi. - O sizə gələndə onun heç bir hərəkətindən şübhələnmədin ki? - Yox, heç nədən şübhələnmədim. - İçki içdiyi hiss olunurdu? - Yox, ancaq bizdə içdi. Adama yüz qram içdik. - Yemək yedi? - Bəli, kartof qızartmışdıq. - Yaxşı, Rüstəm müəllim, Oqtayla Mikayılın münasibəti necə olub? - Təhməzov söhbəti dəyişdi. - Danışmırdılar. Oqtay bir az ciddi adamdır. Həm də hər şeydən küsəndir. Bir dəfə Mikayıldan borc pul istəyib. Onda da ya olmayıb, ya olub verməyib bilmirəm, bunun üstündə küsmüşdülər. Oqtay deyirdi ki, mənə borcu yadlar verdisə, deməli, belə qohumdan yad yaxşıdır. Ancaq, Allah rəhmət eləsin, Mikayıl həqiqətən pis oğlan deyildi. Elə o arvadı da. Canlara dəyən adam idilər. Mikayıl qonşuluqda da yaxşı idi, hər işə yarıyırdı. Bacısı Təranə də tibb bacısıdır. Çox mehriban, şirindil qadındır. Onu da deyim ki, o həmin gecə hadisədən əvvəl qardaşıgildə imiş. - Hansı qardaşıgildə? - Seyidov cəld soruşdu. - Mikayılgildə... - Bunu haradan bildiniz? - Dünən axşamüstü klubun qabağında beş- altı kişi yığılmışdı. Qoyunun-malm örüşdən gəlməyini gözləyirdilər. Söhbət bu hadisədən düşmüşdü. Danışırdıq ki, görəsən yazıqları nə vaxt öldürüblər? Oqtay dedi ki, hər halda axşam saat ıı-dən sonra olub hadisə. Çünki ıı-ə kimi Təranə qardaşıgildə olub. downloaded from KitabYurdu.org downloaded from KitabYurdu.org VII 33 - Hə... Deməli belə... - baş müstəntiq bir siqaret götürüb səbirlə yandırdı. - Ümumiyyətlə, bu işə necə baxırsan, Rüstəm müəllim? - Necə deyim?.. Mənim bu hadisə haqqında şəxsi mülahizəm yoxdur. Çox qaranlıq məsələdir. - Kamil haqqında nə deyə bilərsən? - Kamil ağıllı adamdır. Dayımoğlu olduğuna görə demirəm, o belə iş tutmaz! - Bəs Paşa? - Onun da qatil olmağına inanmağım gəlmir. Düzdür, araları sərin idi. Özü də vaxtilə adam bıçaqlayıb. Ancaq... nə bilim, heç kəsi tanımaq olmur. Nadir Təhməzov daha bir söz deməyib Rüstəmdən yazdığım protokola imza etməyi xahiş etdi. Rüstəm çıxandan sonra arvadını içəri dəvət etdik. Əminə də ərinin dediklərini olduğu kimi təkrar etdi. Sonra Kamilin arvadı Fəridəni danışdırdıq. Hiss olunurdu ki, Təhməzov tələsir və Fəridəyə verdiyi suallara o qədər əhəmiyyət vermir. Elə bizi də əslində Təranə daha çox maraqlandırırdı. Fəridə qarabəniz, anq bir qadın idi. Əynindəki paltarlar bahalı, eyni zamanda çox köhnə idi. Boynunu burub suallara sakit-sakit cavab verirdi. Bir neçə əhəmiyyətsiz sualdan sonra Təhməzov əsas məsələyə keçdi: - Sentyabrın 14-də, ər-arvad Səlimovlar öldürülən gecə əriniz evdən nə vaxt çıxıb və hara gedib? - Evdən çıxanda 11-in yarısı olardı. Dedi ki, Rüstəmgilə gedirəm. Uşaq pulu üçün arayış tapşırmağa. O gedəndən sonra yemək hazırlayıb uşaqları yedizdirdim. Sonra uşaqlar yatdı. Mən də qablan yuyub yatdım. Kamil gələndə qapının səsinə ayıldım. Vaxtı bilmirəm, ancaq gecədən çox keçmişdi... Hə, yadıma düşdü. Saat ikiyə işləmişdi. Çünki Kamil gələndə saata baxıb dedi ki, gör Rüstəmlə söhbətə başımız necə qarışıb, evdən çıxanda on birin yarısı idi, indi 2-yə işləyib. Fəridənin dediklərini olduğu kimi yazıb qol çəkdirdim və onu da buraxdıq. Fəridə çıxandan sonra otaqda bir qədər sükut yarandı. Nəhayət, Nadir müəllim bu sükutu pozub asta-asta danışmağa başladı: downloaded from KitabYurdu.org downloaded from KitabYurdu.org VII - Kamil ıı-ə 20 dəqiqə işləmiş çıxıb və 11-ə 27 dəqiqə işləmiş Rüstəmgildə olub. Mikayılın bacısı Mikayılgildən saat 11-də, Kamil isə Rüstəmgildən təxminən saat ı-də çıxıb. Aqşinin rəyinə görə hadisə təxminən saat 10-11 radələrində baş verib. Bütün bunlardan nə çıxır? - bir qədər susub özü öz sualına cavab verdi: - Əlbəttə o nəticə çıxır ki, birincisi, Kamil tamamilə günahsızdır, ikincisi Mikayıl və arvadı ya Təranə orada olanda öldürülüb, ya da o evdən çıxandan sonra. Ancaq biz saat ıı-dən çox da o yana uzaqlaşmamalıyıq. Mən Aqşinə inanıram. - Mən isə daha Aqşinin rəyinə o qədər də inanmıram, - mayor Seyidov etiraz etdi. - Sizinlə o barədə şərikəm ki, Kamil günahsızdı. Amma Təranə qardaşıgildən saat ıı-də çıxıbsa, deməli hadisə saat ıı- dən sonra olub. Yoxsa siz deyəcəksiz ki, onları elə Təranə öldürüb? - Gəlin vaxtından əvvəl mübahisə etməyək. - Təhməzov səbirlə dilləndi. - Mən hələ heç nəyi qəti demirəm. Biz gərək Təranəni danışdıraq. Axı o, heç olmasa, mərhumları axırıncı dəfə görən adam olub?! Əlbəttə, qatili çıxmaq şərti ilə. İndi isə birinci növbədə Kamili buraxmaq lazımdır. - Bəs Namiqlə Paşanı necə? - deyə mən soruşdum. - Elə onlan da hələlik buraxmaq lazımdır. Nəzarətdə saxlamaq şərtilə. Kənddə yersiz yerə qalmaqal yaratmayaq. Hər şeyi son dərəcə incəliklə və səbirlə araşdırmaq lazımdır. - Onlann buraxılmağına mən razı deyiləm. - Seyidov başını yellədi. - Düzdür, Paşanı heç olmasa arvadı müdafiə edir ki, o həmin vaxtda evdə yatıb, Namiqin isə harada olduğunu hələ araşdırmamışıq. - Onunla mən məşğul olaram. - dedim. - Xahiş edirəm, onu da buraxaq. Mənə elə gəlir ki, tutduğumuz adamların heç biri günahkar deyil. Qatil kimdirsə, kənarda sərbəst gəzir. - Nə deyirəm? - Seyidov razılaşdı. - Ancaq rəisə də demək lazımdır. ... Polkovnik Əlizadə verdiyimiz izahatları dinləyib bizimlə razılaşdı. Bildirdi ki, birinci növbədə Təranəni danışdırmaq lazımdır. downloaded from KitabYurdu.org Yüklə 5,01 Kb. Dostları ilə paylaş:
|