downloaded from KitabYurdu.org
* * *
UŞAQ OĞRULARI
Muxtar Fərəcli həyatından razı idi. Səlimə adlı gözəl, ağıllı və mədəni
həyat yoldaşı, on iki yaşlı Valeh adlı oğlu və on yaşlı Xədicə adlı qızı
var idi. Rayon mərkəzində yaşayırdı və rayonun hörmət olunan
adamlanndan biri idi. İkimərtəbəli evindən bir qədər aralı, şəhərin
mərkəzində böyük bir mağaza açmışdı. O bu işə var-dövlətini
qoymaqla, əlavə borca düşsə də, gələcəyinə böyük ümidlər bəsləyirdi.
Qazancda irəli getdikcə fərəhlənir, uçmağa qanadı olmurdu. Hər gün
beynində yeni planlar qurur, imkanlarını artırmağı, böyük
xeyriyyəçilik işləri ilə məşğul olmağı arzu edirdi.
Onun bugünkü səhəri də fərəhlə açılmışdı. Yuxudan tez durmuş,
üzünü qırxaraq yuyunmuş, səhər yeməyini yemişdi. İndi öz otağında
təzə paltarını geyinirdi. Eyvandan qızının səsi gəldi:
-
Ana, mən getdim məktəbə!
-
Get, qızım, amma yolda özünü maşından gözlə!
-
Yaxşı, ana, sağ ol! Ata, sən də sağ ol!
-
Yaxşı yol, anam! - Muxtar ucadan cavab verdi.
Xədicə birinci, qardaşı isə ikinci növbədə oxuyurdular. Muxtar
uşaqlarının ikisini də sevməyinə baxmayaraq, nədənsə Xədicəni daha
çox istəyirdi. Rəhmətlik anasının adını daşıdığı üçün Muxtar ona
anam deyirdi. Səlimə uşaq həkimi idi. Ancaq Xədicə doğulandan
işləmirdi. Evdə oturub uşaqlarının tərbiyəsi və digər qayğıları ilə
məşğul olurdu. Maddi cəhətdən də onun işləməyinə ehtiyac yox idi.
Ərinin qazancı ailənin tələbatını ödəməyə kifayət edirdi.
Muxtar Səlimə ilə sağollaşıb həyətə düşdü.
- Valehi də oyat, durub dərslərinə baxsın. Yatmaqdan bir şey
çıxmaz! - deyib qırmızı rəngli “Jiquli”sini işə saldı və həyətdən çıxdı.
Bu gün mağazanın işləri ilə
əlaqədar bəzi yerlərə baş
çəkməli idi.
* * *
Xədicə çantasını əlində yelləyə-yelləyə nisbətən dar və xəlvəti bir
küçə ilə addımlayırdı. Birdən yanında göy rəngli bir «Qaz-24»
dayandı.
downloaded from KitabYurdu.org