downloaded from KitabYurdu.org
Necə ki, sizə demişdim, Tahir haqqında bu məlumatlan toplayıb
qayıdanda həmin çənəsi çapıq adamın məni izlədiyini başa düşdüm.
Düzdür, mən sizə onu güdə bilmədiyimi demişdim. Ancaq əslində
belə deyildi. Mən bir avtobus dayanacağında asanlıqla onun gözündən
itdim və onun gülünc vəziyyətdə ora-bura vurnuxaraq məni
axtardığını gizlicə müşahidə etməyə başladım. O məni itirdiyinə əmin
olandan sonra küçənin o biri tərəfinə keçib avtobusa mindi və bu dəfə
mən onu izləməyə başladım. Həmin adam birbaş «Şah xörəkləri»
restoranına getdi. Mən onun oradan çıxmağını gözlədim və çıxandan
sonra da taksi tutub onu güdməyə başladım. Çapıq Tahirənin
saxlandığı bağ evinə getdi. Mən öyrəndim ki, həmin bağ evi də,
Ağaəhmədin müdirlik etdiyi restoran da böyük bir idarənin rəhbəri
olan Babaşova məxsusdur. Bu və Babaşov haqqında digər
məlumatları toplamaqda dostum - mayor Namazov mənə kömək etdi.
Namazovdan bir
də xahiş etdim ki, adamları vasitəsilə öyrənsin, görək
həmin bağda qız uşağı saxlamlırmı?
Sonra o biri bədbəxt qızın - Aygünün ölümünü eşitdik. Mən onun
ölüm tarixi ilə Tahirənin oğurlanmasının eyni vaxta düşməsini
biləndə, söz yox ki, Tahirə üçün narahat oldum. Eyni vaxtda onu da
düşündüm ki, Aygündən qat- qat gözəl olan Tahirəm tezliklə
öldürməyəcəklər. Ancaq hər halda tələsməyi qərara aldım.
Bundan sonra hadisələr bir-birini sürətlə əvəz etməyə başladı.
Bəxtiyarın rəisin yanından çıxıb evə getməsi, lakin bir az keçmiş
sorağının ATS-dən gəlməsi, ATS işçisini təhqir etməsi və nəhayət
Tahirin xəstəxanaya düşməsi. Bəxtiyar ATS-də tələb edirmiş ki, onun
mənzilindən yanm saat əvvəl hara zəng olunduğunu, yaxud haradan
onun mənzilinə zəng edildiyini desinlər. Bu tərəfdən də Tahirin
müəmmalı döyülməsi. Mən onsuz da ondan şübhəli idim və onun
nağılına inanmırdım. Yarasına baxandan sonra gördüm ki, başına
linglə yox, nə isə dairəvi və naxışlı bir əşya ilə zərbə vurulub. Eyni
zamanda onu boğmaq da istəmişdilər. Düşünürdüm ki, Bəxtiyar
mənzildən başqa yerə zəng vurulmasından danışıbsa, deməli danışan
özü olmayıb. Çünki özü hara zəng etdiyini bilməmiş olmazdı. Onda
downloaded from KitabYurdu.org