Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org VII verdi: - Bizdə bir misal var. Pis adam öləndə deyərlər ki, itin biri azaldı. Həmin axşam isə o həyətdə üç it birdən azaldı. Əslində mən zəhərləyib öldürdüyüm itin ölümünə daha çox acıyırdım. O, söhbəti kəsib ofisiantı çağırdı. Qəlyanaltının pulunu ödəyib gümrah halda ayağa qalxdı. Elə bil danışıb ürəyini boşaltmış və yüngülləşmişdi. * * * Biz oradan çıxıb birbaş itmiş qızın axtarışını aparan 4-cü polis bölməsinə getdik. Mehdiyevin otağı bağlı idi. Rəisin kabinetində isə şikayətçi var idi. Ona görə də qəbul otağında xeyli gözləməli olduq. Kabinetə girəndə Səmədov nədənsə bizi soyuq qarşıladı. - Nə kimi yenilik var? - deyə oturan kimi Qasımlı sual verdi. Bölmə rəisi əvvəl dinmədi. Elə bil Qasımlıya hesabat verməyi özünə sığışdırmırdı. Nəhayət əsəbi halda danışmağa başladı: - Başqa işlərimiz tökülüb qalıb. Bu iş mənim başımı tamamilə xarab eləyəcək deyəsən. O Bəxtiyardır - nədir, itən qızın atasını deyirəm, günorta gəlmişdi yenə. Qanımı qaraltdı tamam. Deyirəm, get otur xarabanda, bir xəbər olan kimi bildirəcəm. Gedəndən bir saat keçməmiş şikayət gəlir ki, gedib ATS-də bir işçini təhqir edib, üstəlik əl də qaldırıb. Adam göndərdim ki, gətirib salsın aşağı. Gəlib məlumat verdi ki, qapısı bağlıdır. Zəngin səsinə də qapını açan yoxdur. Hansı ki, həyətdə bir nəfər deyib ki, Bəxtiyar bir az əvvəl evə çıxdı. Lap axmaq adam imiş demə bu!.. - Bəxtiyar sizin yanınızdan nə vaxt çıxıb? - Qasımlı onun söhbətini kəsdi. - Saat 2-də. Yox 3-ə on beş dəqiqə işləmiş olardı. - ATS-ə nə vaxt gedibmiş? İşçini nə üçün təhqir edib? - Başı xarabdı də! Tələb eləyirmiş ki, tez olun deyin, indicə mənzilimdən hara ilə danışıblar? - Mənzilimdən, ya mənzilimə? - Hər ikisi! Ümumiyyətlə, mən heç nə bilmirəm. - Rəis bir qədər acıqlı dilləndi. - İdarəmizdən zəng eləyib bu qızın işilə əlaqədar məni downloaded from KitabYurdu.org downloaded from KitabYurdu.org VII danladılar. İşin irəli getmədiyi üçün və həm də əməkdaşlarımız dura- dura qeyri-rəsmi şəxsləri, yəni sizi işə cəlb etdiyim üçün. Xahiş edirəm daha bu işə qanşmayasız. Özümüzün əməliyyat qrupumuz var. Mehdiyevin rəhbərliyi ilə işləyir. Sizə ehtiyacımız yoxdur! Mən yaman pərt oldum. Qasımlı danışmaq istəyirdi ki, bir polis leytenantı kabinetə girdi. - Rəis, xəstəxanadan zəng vurdular. Nəsirov Tahir Bəxtiyar oğlu adlı biri başından xəsarət alaraq ora gətirilib. - Nə vaxt? - Yaralını oraya 16.20-də gətiriblər. Təxminən saat yanm bundan əvvəl. Ayılanda deyibmiş ki, pilləkəndən yıxılmışam. Baş həkim orada yox imiş. İndi gəlib və baxan kimi şübhələnib bizə zəng vurub. - Gərək şübhələnməmiş bizə bildirəydilər! - Rəis hirslə dilləndi. - Mehdiyev hələ Bəxtiyargilə getməyib ki? - Xeyr! Hələ buradadır. Aşağıda, növbətçi otağında. - Mənim adımdan de ki, əvvəlcə xəstəxanaya getsin, sonra isə Bəxtiyarın dalınca! Özü ilə adam da götürsün! - Baş üstə, rəis! - leytenant çıxdı. Qasımlı və onun ardınca mən də ayağa qalxdıq. Keçmiş polis xəfiyyəsi kabinetdən çıxanda çevrilib Səmədova baxdı: - İdarədən kim danlayıb sizi? - Bunun əhəmiyyəti yoxdur... - rəis dodaqaltı mızıldandı. Qasımlı tutuldu. Ancaq bu çox çəkmədi. Başını mənalı tərzdə yelləyib kabinetdən çıxdı. Həyətə düşdük. Həyətdə Mehdiyev və bir baş leytenant radiolaşdırılmış polis maşınına minirdilər. Mehdiyev bizi görüb: - Xəstəxanaya gedirsiz? - deyə soruşdu. - Hə! Siz gedin, gəlirik! - Qasımlı mənim maşınıma oturdu. Maşını onların arxasınca sürməyə başladım. Tahir başı sarıqlı halda çarpayıda uzanmışdı. Palatada ondan başqa xəstə yox idi. Biz onun başına yığışmışdıq. Həkim də yanımızda idi. downloaded from KitabYurdu.org downloaded from KitabYurdu.org VII Tahirin halı o qədər pis deyildi. Danışa bilirdi. Qasımlı stul çəkib onun çarpayısının yanında oturdu. - Tahir, niyə gizlədirsən? Sən pilləkəndən yıxılmamısan. - Əli ilə onun boynundakı solğun göy ləkələri göstərdi. - Səni döyüblər. Hətta boğmaq da istəyiblər. Bu kimin işidir? Tahir ağır-ağır danışmağa başladı: - Boynuma almağı özümə sığışdırmadım. Evə gələndə şam ağaclarının arasında iki nəfər qabağımı kəsdi. Məni cığırdan kənara, xəlvətə çəkmək istədilər. Dedilər ki, sənə sözümüz var. Mən razı olmadım. Yaxamdan yapışdılar. Birini vurdum. O biri dəmir linglə məni vurdu. Yıxıldım. Deyəsən məni ölmüş bilib qaçdılar. Bir təhər özümü evə çatdırdım. Blokun ağzında qonşumuz Ağaəhmədə rast gəldim. Məni maşına qoyub bura gətirdi. Maşında huşumu itirmişəmmiş. Burada ayıldım... - Həmin adamları tamdınmı? - Yox... Tanımadım. Birinci dəfə idi görürdüm. - Bəs bilmədin səndən nə istəyirlər? - Yox, bilmədim... - Xahiş edirəm, yarasını açın! - Qasımlı həkimə baxdı. Həkim bir söz deməyib sarğını açdı. Polkovnik Tahirə doğru əyilib yaranı gözdən keçirtdi. Əlini yaralının boğazında gəzdirdi. Birdən ona nə oldusa, stuldan dik qalxdı. Rəngi bircə anda dəyişmişdi. - Bağlayın! - Nə oldu? - Mehdiyev cəld soruşdu. - Heç bir şey! - Qanbay Qasımlı pəncərəyə tərəf gedib həyətə baxdı və yenə təkrar etdi: - Heç bir şey! İndi siz nə etmək istəyirsiniz? - Həmin iki nəfərin əlamətlərini soruşub öyrənəcəyəm. Sonra rəis tapşınb ki, Bəxtiyarın dalınca gedim. - Əlamətləri sonra öyrənərsiz, gedək, mən də sizinlə gedirəm. Bəxtiyargilə getmək mənə də lazımdır. Rəis deyirdi qapını açan yoxdu, hə? Tahirin açarı buradadırsa, onu da alın, gedək! downloaded from KitabYurdu.org Yüklə 5,01 Kb. Dostları ilə paylaş:
|