217
– İndi bu uşağın atası kimdir, bilmirsən? – arvadım onun
dediklərini tam səmimi qəbul edirdi, hər sözünə sidq ürəkdən
inanırdı. Bu iyrənc söhbəti dinləməmək üçün bir qədər aralandım.
– Allah bilir hansı donuzun zibilindəndir! – gəlin dedi.
Arvadım:
– Bəs əvvəlki uşaqlarına necə baxırsan? Necə, nəylə dola-
nırsan?
– Uşaqlarımı əlimdən alıb aparırlar. Allah bilir ya satırlar, ya
da qol-qıçlarını sındırıb diləndirirlər... – bunu deyib su dolu ved-
rəni əlinə aldı.
Arvadım:
– Evin varmı, səninlə bir az yaxından tanış ola bilərəmmi?
Sən bu uşağı neyləyəcəksən?
– Hə.., evim var – Surenin donuz tövləsini təmizləyib mənə
veriblər. Bu uşağı nə edəcəyini isə Armen özü bilər. Bəlkə istəsəniz
elə sizə satacaq?
– Uşaq neçə aylıqdır?
– Bu gün-sabahlıq.
– Bəs niyə ağır şey qaldırırsan? Axı sənə olmaz...
– Bu qayğını evdə ərinə göstərərsən...
– Niyə acığın tutur, axı mən də qadınam, səni başa düşməyə
çalışıram...
– Mən isə nə vaxt qadın olduğumu heç xatırlamıram. Məni
rahat buraxın, işinizin dalınca gedin, – bunu deyib asfalt yolu
keçdi.
Arvadıma yaxınlaşdım:
– Sənin başına hava gəlib, nə etmək istəyirsən? Yoxsa yüz
kişidən əmələ gələn bir uşağı övladlığa götürmək istəyirsən? Sən
ona inanırsan, bəlkə o bizi barmağına sarıyır?
Arvadım:
218
– O yalan danışmır. Həm də qız doğacaq. Həm də anası kimi
gözəl bir qız – addımlarına bir bax...
Heç nə başa düşə bilmədim.
– Mən bu uşağı götürəcəyəm. Anası çox sağlamdır, gözəldir.
Başa düşmədinmi, o əsir düşmüş türkdür. Deməli övladını heç vaxt
axtarmayacaqdır və gələcəkdə də başımıza dərd açmayacaqdır.
Məni sevirsənsə, mənə bu işdə kömək elə...
Çox çək-çevirdən sonra əlacım kəsildi. “Bəlkə də qismətimiz
özü qarşımıza çıxmışdı”– deyə arvadıma tabe oldum. Arvadım
yüyürüb su vedrəsini onun əlindən almağa çalışdı, lakin, o buna
razı olmadı. Ayaqlarımı sürüyə-sürüyə onların dalınca getdim.
Həyət qapısından içəri girəndə, qapının cırıltısına yaxası-başı açıq
yekəqarın biri bizi görcək yerindən dik atıldı. Yaxasını düymələ-
yərək mənə yaxınlaşdı:
– Kimsiniz, nə istəyirsiniz?!
Mən:
– Elə-belə yoldan keçirdik, dedik bir yorğunumuzu alaq.
Kişinin eyni açıldı:
– Qorxutdunuz məni. Dedim yəqin yenə ya müxbirlər, ya da
ATƏT-in sülhməramlı avaralarısınız. Nədi, türk qızı istəyirsən?
Qurbandı sənə. Ancaq onun bu halında inanmıram ki bir ləzzət ala
biləsən... Amma özün bilərsən, belə də istəyirsənsə buyur onun
evinə. Bax o dam onun evidir – üstü qamışla örtülmüş birmərtəbəli
damı göstərdi.
İçimdən bu gəlinin yaşadığı evi görmək keçdi. Gəlinin evinə
tərəf dönəndə arvadım məndən qabağa düşdü. İçəri girəndə bu-
ranın həqiqətən köhnə bir mal tövləsi olduğuna əmin olduq. Lakin,
qız buranı elə səhmana salmışdı ki, adam bu cür qadın təmizkar-
lığına həsəd aparmaya bilməzdi. Damın bir küncündə emalı qopub
tökülmüş çuqun hamam vannası dururdu. Divarda ağac budağın-
219
dan asılqan düzəldib paltarlarını qurutmaq üçün istifadə edirdi.
Digər küncdə taxt və üstündə bir cüt üst-üstə pambıq döşək qoyu-
lub üzərinə yun mələfə sərilmişdi. Köhnə şifonerin gözlərinə səliqə
ilə qab-qacaqlar düzülmüşdü.
Arvadım qızın qolundan yapışıb taxtda oturtdu – özü də
yanında. “Danış, danış görüm sən kimsən, bura necə düşmüsən,
adın nədir?”
Qız:
– Aşot adımı Zeynəb qoyub. Bircə onu bilirəm ki, türkəm. Və
türk olduğuma görə ən rəzil təhqirlərə dözmək məcburiyyətində-
yəm. Amma heç özüm də bilmirəm ki, türk olmaq niyə bu qədər
rəzalətmiş... Gözümü Aşotun qucağında açmışam. O öləndən son-
ra isə Armenin himayəsində yaşayıram.
– Armen səni çox incidir?
– Yox, niyə incitsin ki, nə deyir onu da edirəm. Amma hərdən
çox içəndə döyür. Məni qəfəsə salınmış canavar kimi hamıya
göstərməkdən zövq alır. Mənim doğduğum uşaqların hesabına
yaxşı qazanır da. Mən doğuram, o isə fransız müştərisinə satır...
Armenin içəri girməsilə söhbətləri yarımçıq qaldı, – “Hə,
xoşunuza gəldi türk qancığının evi? Türkün dişi boz qurdudur bu,
ehtiyatlı olun ki, sizi gəmirməsin...”
Zeynəb:
– Qancıq öz anandır! Sənə neçə dəfə demişəm ki, özgə yanında
məni təhqir etməyinə dözmürəm! Erməni köpəyoğlu!
Armen yumruğunu düyünləyib, – “erməni mənə deyirsən!” –
deyib Zeynəbi vurmaq istəyəndə arvadım özünü qabağa verib onu
dayandırdı.
Zeynəb heç tövrünü də pozmadan, – “Nədi, erməni deyilsən?
Di yenə qudurma! Bu adamlar mənim doğacağım uşağı almaq
220
istəyirlər. Pullu müştəriyə oxşayırlar, sən bir bunu düşün...” –
dedi.
Armen Zeynəbə yenidən bağırdı:
– Bunlar bizim özümüzünkülərdir, müştəri deyillər! Sənə yüz
dəfə demişəm ki, bir erməni sənin ürəyini də istəsə, fikirləşmədən
çıxar ver!
Zeynəb həminki soyuq tövrlə:
– Uşağı istəyirlər, çıxardım verim, yoxsa insan kimi doğub
verim?
– Türk insan deyil, sən insan kimi doğa bilməzsən!
– Yaxşı di coşma, ermənicə doğaram..!
Armen:
– Neçə günə doğa bilərsən!
Zeynəb:
– Sancılarım iki gündür başlayıb, yəqin çox çəkməz. Sonra
bizə dönüb, – “Əgər gözləyə bilərsinizsə qalın, doğum, uşağınızı
götürüb aparın...” – dedi. Gəlin elə sakit, soyuq danışırdı ki, onda
bir zərrə də olsun analıq, qadınlıq işartısını sezə bilmirdim.
Uzun sözün qısası – Armenin qonağı olduq. Arvadım mənə,
Zeynəbin doğuşu və yaxşı qıdalanması üçün nə lazımdırsa hər şeyi
aldırdı. Dörd gündən sonra Zeynəbin doğuş sancıları tutdu.
Armen, – “Öyrəncəlidir, donuz kimi doğacaq”– deyib həkim
çağırmağa imkan vermədi. Arvadım kitablardan doğuşu qəbul
etməyin qaydalarını az-maz bilirdi və bunu uğurla bacardı.
Arvadımın dediyi kimi Zeynəb qız doğdu – bizim Siranuşu. Anuş
on gün anasının südünü əmdikdən sonra, Armen dedi ki, – “Əgər
bir neçə gün də anasının südünü əmsə, uşaq türk olacaqdır. Götü-
rün uşağınızı və gedin”. Armenə azacıq cibxərcliyi verib qızımızı
da götürüb evimizə yollandıq. İndi aydın oldumu ki, Anuşla qızın
niyə bir-birinə belə mehr salıblar..?
Dostları ilə paylaş: |